كيف يكون للأتنساب متعة..

[أشواااااق]

المشاركة الأصلية كتبت بواسطة ام خالد 2010

شكلي داخله قسم انجليزي بالغلط ..

ويحكم ياشباب .

ترى والله العظيم نفهم انجليزي ونعرف نكتب بعد .. بس خلاص ماله داعي هالفشخره .. درينا انكم تعرفون.

حسيتكم متخرعين

وبعدين يادوافير ليش ماخشيتو قسم انجليزي ..

ايوا نرجع لمحور حديثنا الا وهو المتعه ..

الله يفتح عليك لاكوست ..

انا بالنسبه لي .. افضل وقت اذاكر فيه هو اخر الليل .. يكون افتكيت من خالد وابوه . وهنا اتفضى لنفسي اشوي ..

اجلس بصالتي . وقدامي التي في .. اخليه صامت احيان واحيان اقصر عليه .. وقدامي اللاب . وعلى جنب انواع الحلويات والخرابيط والعصيرات . نوع من الترفيه

بعدها اشتغل على المحتويات .. توني والله خلصت طباعة المحتوى لجميع المواد اللهم لك الحمد ..وابشركم حبري خلص . والحمدالله اني شاريه ثاني سبير .

الله ياخذ مادة تقنيه المعلومات خلصت حبري .. كل ملزمه عدد وقدره . يقولي زوجي كل هذا بتذاكرينه .. عطاني عين قويه افقدتني وعيي .. وصحيت ولقيت نفسي فاقده الذاكره وفاقده الملتقى .

بس اللهم لك الحمد يوم شفت ردودكم رجعت لي الذاكره ..

المهم ماعلينا .. طبعا اول شي اسويه .. افتح محاضرة المحاسبه او الرياضيات . لان العمليات الحسابيه تنشط الذاكره . وتعطيك حيويه غير طبيعيه . بعكس المواد الثانيه ودك تنام عليها .

طبعا اذا شغلت المحاضره تكون قدامي اوراق المحتوى .. وقلم رصاص وملون . انا طبعي احب اكتب ملاحظاتي على المحتوى نفسه .. يصير كنه دفتر روضه ..

اسمع لمدة 10 دقايق واوقف المحاضره .. اروح اتفقد الرعيه . واشرب لي شي على الطاير . مع قطعة حلى.

استمر على هالحاله لحد ما اطفش .. طبعا عشان يروح الطفش اتفرر بالقنوات . عسى شي يعجبني .. وطبعا مافي شي .

ارجع للمحاضره مره ثانيه .. لحد مايأذن الفجر .. اقوم اصحي زوجي للصلاة والدوام .. نصلي الفجر .. وارجع بعد مايطلع زوجي للدوام . ارجع اكمل مذاكره .. والخلد حبيب قلبي نايم .

بكذا اكون خلصت محاضره وحده بس باليوم .. ولو حسيت بمتعه زايده اكمل على الثانيه .

وباليوم الثاني احاول اكمل الي بداته امس . او انتقل لماده ثانيه . على حسب المزاج . او اطنش للمحاضرات .

وبس هذا هو جدولي وحياتي اليوميه ..

مميييييزهـ يالدووبـــآ بكل ما فييييك

ربي يسسسعد قلبك ويوفقك

[ام خالد 2010]

ياقلبي هذا من طيب اصلك ياحياتي ..

وانتي تستاهلين كل خير وربي ..

والتميز يتشرف فيك .

[ابن فـــهـــد]

جاي دور طيب :

انا واعوذ بالله من كلمه انا
اول ماخش على البلاك بورد اشيك على الماضرات يمين
يسار ثم دخلت على الماده وجلست انزلها محاضره محاضره
اما جدول المذاكره كل يوم ماده كالتالي :
السبت رياضيات . الاحد محاسبه . الثنين اقتصاد ز الثلوث قانون
والربوع اداره والخميس والجمعه مراجه واشيك على نزول محاضرات جديده
طبعا المحاضرات انزلها من البيت واطبعها في الشركه هههههههههههه

ثم كذا اجلس اقلب في الاوراق لين ينتهي الدوام
وافي البيت اشيك الاوراق وكل دقيقه وانا فتح لي مشروع والا جالس اكتب
رساله في الجوال ثم اتمغط ثم اروح ارقد بعد مااخذ الاخبار طبعا

والسلام ختام
انتهت المكالمه

[ام خالد 2010]

المكالمه من جوالك ولا جوال العمل ..:mh01:

[ابن فـــهـــد]

من موبايلي الى الاتصالات السعوديه

[بنت القرآن]

امممم محاضرتين باليوم شئ حلو

ويكون الوقت صباحي على اساس اني طبيعة شغلي

المتعب يكون عصر وليل

فالصبح بعد الصلاة مباشره يكون المخ مستعد لتقبل القنابل

الله يعينه مالومه انا هع هع

اجلس ولابي قدامي وسماعه وش كبرها للصوت واكتب

اللي اسمعه طبعا اللي الحق اكتبه واللي مالحق اطنشه

لاني نزلت المقررات من مواضيع البعض اللي منزلينهم الله يوفقهم دنيا واخره يارب

ارجع اقرى الللي كتبت لاني كذا اكون قرات بتركيز وكونت الفكره العامه ورسخت المعلومات واللي يبي حفظ وقت الامتحان نقوم بالواجب
واعتقد المسائل الحسابيه كلها فهم في فهم والحمدلله
نفهم ونحفظ الله يتتم على الجميع

الله يوفق الجميع ان شاء الله والكل يحط في باله السهوله وكل شئ يطلع سهل باذن الله

اما يجي الواحد يتشائم ويقول صعب هو اللي يصعب على نفسه

فالواحد يكون ايجابي دائما على اساس تكون اموره كلها
ايجابيه وبس

[لاكوست]

كل الشكر لمن مر وعلق على طريقة مذاكرته

ومازلنا نحتاج لتعرف على طرق اكثر

طرق تجعل للمذاكره شئ سهل وسلس

[جاك سبارو]

[align=center]موضوع جميل جداً أخوي لا كوست..

أنا بصراحة بقولك من الجانب النفسي أول شي وهي أهم شي بصراحـة ..
أعجبني رد أم خالد ولو تلاحظ كانت المسألة هي عبارة عن تسلية أكثر من إنها تكون شي إجباري وهنا الجانب النفسي <طالبينك..؟
لا بس بجد يعني انا عن نفسي مابعد بديت بصراحة الدراسة بس لما أقرأ كتاب أو موضوع أحاول قدر الإمكان أفكر في النتيجة اللي بستخلصهـا من قرائتي يعني أهتم في هالنقطـة كثيـر..

يعني أنت لما تفكـر في نتيجة ماستؤول إليه الأمور <ترى تؤول متعوب عليها .. نرجع لتؤول إليها الأمور تعرف إن فيه دافع يدفعك للأمام ..

فنصحتي لك أخوي لاكوست وللأخوان التفكير في النتيجة وفيما سيتم حصده بعدين أتوقع مافيه أقوى من دافع النجاح والطموح للوصول إلى الأفضـل..

والشي الثاني حاول متى مابديت تحس إنك بديت تحقد على القراءة (المذاكرة ) إنك تريح شوي وبعدين ترجع عشان ماتحس إن الدعوة إجباري عليك ..

وعسى الله يوفقك ويسهل أمورك والجميع بإذن الله وأعتذر على القصـور ..

تحياتي..
[/align]

[لاكوست]

المشاركة الأصلية كتبت بواسطة جاك سبارو

[align=center]موضوع جميل جداً أخوي لا كوست..

أنا بصراحة بقولك من الجانب النفسي أول شي وهي أهم شي بصراحـة ..
أعجبني رد أم خالد ولو تلاحظ كانت المسألة هي عبارة عن تسلية أكثر من إنها تكون شي إجباري وهنا الجانب النفسي <طالبينك..؟
لا بس بجد يعني انا عن نفسي مابعد بديت بصراحة الدراسة بس لما أقرأ كتاب أو موضوع أحاول قدر الإمكان أفكر في النتيجة اللي بستخلصهـا من قرائتي يعني أهتم في هالنقطـة كثيـر..

يعني أنت لما تفكـر في نتيجة ماستؤول إليه الأمور <ترى تؤول متعوب عليها .. نرجع لتؤول إليها الأمور تعرف إن فيه دافع يدفعك للأمام ..

فنصحتي لك أخوي لاكوست وللأخوان التفكير في النتيجة وفيما سيتم حصده بعدين أتوقع مافيه أقوى من دافع النجاح والطموح للوصول إلى الأفضـل..

والشي الثاني حاول متى مابديت تحس إنك بديت تحقد على القراءة (المذاكرة ) إنك تريح شوي وبعدين ترجع عشان ماتحس إن الدعوة إجباري عليك ..

وعسى الله يوفقك ويسهل أمورك والجميع بإذن الله وأعتذر على القصـور ..

تحياتي..
[/align]

اضيف عليكـ شئ مهم وهو ان المذاكره تكون للمتعه بعيد عن الضقوط
وتكون شئ مفيد ومسلي

[ولد سابك]

سبحااااااان الله والله جدولك يام خاااااااااااااااااااااااالد ثقيل مره حنا يالله ساعة ويالله نصبر بعد
بس طريقه حلوووووه بس سوال كيف اثارها على تحصيلك العلمي عساكي استفدتي بس
يعني ان على هيك تعب كم اتوقع اتوقع اللهم لا حسد 100 % في جميع الموووواد
تحياتي ام خاااااااالد وفالك التوفيق
طبعا كل واحد وله طريقه الشخصية في التحصيل
بس حلو على قولهم ( إنفور مايشن إكسينج )