طلبة وطالبات ادارة الاعمال الجدد تعالوا هنا

[@الشمالي@]

المشاركة الأصلية كتبت بواسطة dream.2007

الحين ادارة اعمال تعتبر من كلية الاداب ؟؟؟؟؟؟؟

اهلين اختي

ادارة الاعمال تبع كلية ادارة الاعمال ومالها علاقة بكلية الاداب

[خالد حمد]

المشاركة الأصلية كتبت بواسطة @الشمالي@

هلا وغلا ابو حمد

حاضرين يالغالي واسئل الي بخاطرك وبجاوبك انا او اي احد من الاخوان

محاضرات القانون 16 ولاخ لاكوست او غيره من الاخوان

لخصوا بعض المحاضرات ولا كملو بسبب ظروفهم وبعضهم لخصها محاضرة محاضرة
وجمعها بملخص واحد بالنهايه لكن بتلقى المواضيع متفرقه



وراح ابحث لك عنها كامله ان شاء الله


وارسل لك الرابط برساله خاصه

الله يخليك ويسلمك ولا يخلينا من ذا الوجه واجابتك واضحه وشافيه

وبخصوص الملخصات لا تبحث ولا شي يكفي انك نورت لي الطريق ووضحت الامور

انا ببحث وادور وتونا في اول الايام , ماقصرت ياخوي وابخليك الجوكر اذا تورطت

وضاقت بي الوسيعه بالتجى الى الله ثم لك

تعضيم سلام لك ياالشمالي

[@الشمالي@]

المشاركة الأصلية كتبت بواسطة برزان الشمري

اللهم لك الحمد والشكر .... مبروك للجميع وحظ اوفر للي مانقبلوا والجايات اكثر.
سؤالي نموذج التسديدحق الجامعه مالقيته وين احصله يالذيب.........
والف شكر لك وموفق انشاء الله................

هلا وغلا برزان الشمري

ومبروك القبول

تلقاه يالغالي بصفحة القبول بتلقى النماذج الي مطلوب منك طباعتها

طبعا تحتاجها عشان اذا ارسلت اوراقك بالبريد الممتاز وحده ترفقها معها

والثانيه يختمها لك البريد كاثبات انك ارسلت اوراقك

[@الشمالي@]

المشاركة الأصلية كتبت بواسطة بو ساره

وانا نفسك تعبت ادوره وما حصلته .. نتمنى من الشباب يفيدونا أكثر حول مكان النموذج

هلا بو ساره


انا مااقدر ادخل زيكم على النماذج

لكن احتمال لان هذا اول يوم انهم مانزلوهاا على الموقع

وصارت معنا قبلكم يعني هدي بالك +شوية صبر


فلا تستعجلون اذا مانزلت اليوم بتنزل الايام الجايه ولسى معكم وقت طويل

[تفاصيل صغيرة]

شفت ببداية الردود يتكلمون عن الرقم الجامعي
وش يطلع ذا الرقم من وين اجيبه؟؟
ماجاني شي على الجوال

ثاني شي بس بتطمن الله لايهينك اخوي
الحين يوم دخلت رقم السجل المدني و الباسوورد طلعت لي صفحة مبروك قبولك ومن هالكلام
واضغط على طباعة نموذج البريد الممتاز
طبعا انا طبعت صفحة لقبول ام مبروك وطبعت الثانية اللي طلعت حقت البريد الممتاز
فيه شي ثاني ما ادري عنه ؟؟؟ والا بس كذا ؟؟؟؟؟؟
والرقم الجامعي كيف احصل عليه ؟؟؟ والا هو قدامي وانا ما اشوفه من الطفاقة
اعذرني اخوي مضيعة ومالي الا الله ثم مساعدتكم

الله يجزاك خييييييييييير ويسعدك دعوة من قلب اختك بليلة مباركة من افضل الليالي عند الله ..

[@الشمالي@]

المشاركة الأصلية كتبت بواسطة تفاصيل صغيرة

شفت ببداية الردود يتكلمون عن الرقم الجامعي
وش يطلع ذا الرقم من وين اجيبه؟؟

الرقم الجامعي او الرقم الاكاديمي هذا هو رقمك بالجامعه >>>فهمتي شي ههههه

الرقم هذا تستخدمينه بكل امورك الجامعيه بداية من دخول صفحة البلاك بورد او البانر

الى الاختبارات

ماجاني شي على الجوال

تلقينه بصفحة القبول هو والرقم السري
واذا مالقيتي الرقم السري فاستخدمي اخر ست ارقام من الرقم الجامعي لانها هي الرقم السريه >>هذا اذا زي الترم الي فات

ثاني شي بس بتطمن الله لايهينك اخوي
الحين يوم دخلت رقم السجل المدني و الباسوورد طلعت لي صفحة مبروك قبولك ومن هالكلام
واضغط على طباعة نموذج البريد الممتاز
طبعا انا طبعت صفحة لقبول ام مبروك وطبعت الثانية اللي طلعت حقت البريد الممتاز
فيه شي ثاني ما ادري عنه ؟؟؟ والا بس كذا ؟؟؟؟؟؟

المطلوب بتلقينه كله على هالرابط

http://www.kfu.edu.sa/ar/deans/elearning/pages/send_docs.aspx

والرقم الجامعي كيف احصل عليه ؟؟؟ والا هو قدامي وانا ما اشوفه من الطفاقة
اعذرني اخوي مضيعة ومالي الا الله ثم مساعدتكم

بتلقينه بصفحة مبرووك لكن من الطفاقه اكيد مانتبهتي له


الله يجزاك خييييييييييير ويسعدك دعوة من قلب اختك بليلة مباركة من افضل الليالي عند الله ..

وحيااك الله اختي واتمنى لك التوفيق

[برزان الشمري]

والله يالذيب مامن شين مافيه الا نموذج البريد

[الرقمي]

أصلا نموذج السداد لما سجلت الترم الماضي بليته وشربت ميته ما استفدت منه أبدا.. بس فعلا أرفقته مع الأوراق بس أعتقد انها ورقة شكلية لا تقدم ولا تأخر.. وممكن بسبب عدم أهميتها لذلك ألغوها.. أهم شي حساب البنك والمبلغ المطلوب سدادة تروح للبنك وتاخذ قسيمة إيداع وتودع المبلغ وترفق قسيمة الإيداع..

[عزيز]

السلام عليكم


الحمد لله تم قبولي في ادارة الاعمال

واتشرف بمعرفة الاخوه والاخوات هنا واتمنى ان افيد واستفيد


وجاااااااايكم بالاسئله وان شاء الله تتسع صدوركم


والشكر لك اخوووي الشمالي وكل الاخوان والاخوات هنا على الترحيب الغير مستغرب منكم

[ام توتة]

انا ولله الحمدتم قبولي في كلية ادارة الاعمال وطبعت نموذج البريد الممتاز بس نموذج السداد ماطلعلي فايش اعمل ارسل الاوراق بدون هذا النموذج والا كيف
الشي الثاني الرسوم 2475 فقط والا نضيف عليها 15 ريال

ومشكورين