[ غير ذلك ] : من يفكر يدرس مره ثانية بجامعة و الحصول على شهادة آخرى

[Mr.Nasser]

والله يوفقكم جميعا لتحقيق تطلعاتكم

[نُوفمبّر !]

موضوع جميل يعطيك العافية فنو

طيب سؤالي هل ينفع ندرس انتظام لشهادة بكالوريوس مرة ثانية ؟
أو فقط بيكون انتساب ؟

أفيدوني

[خوان دي ماركو]

ايش الفائدة المرجوه ؟ افضل لو كان دبلوم تربوي او توجيه وإرشاد
ولا إكمال الماستر والدكتوراه اذا فيك حيل


بس شهادة بكلوريس اخرى .. احسها فكرة غريبة

[3ANKTTAFIK]

بكالوريس مرة ثانية no way , يكفي دبلوم عالي برمجة لغات pc بأمتياز , وعلم أجتماع وخدمة أجتماعية بأمتياز ومرتبة الشرف , باقي الماستر في نفس التخصص , وكان الله غفورا رحيما .

[ندى العالم]

طبعا لا
أفكر أختبر ستب وآيلتس وكفايات معلمات وإذا حصل لي فرصة كملت ماستر

[Ali s]

وجهة نظري انه دراسة شهادة ثانيه بنفس المستوى للشهادة الحاليه يعتبر مضيعة وقت ومال وجهد

الواحد بعد ماياخذ شهادة معينة لابد يتطلع للاعلى ولا يحشر نفسه بنفس المدى لانه ماراح يستفيد كثير


منطقياَ اي شخص نلقاه ونقول له معنا ثلاث شهادات بكالوريوس راح يستغرب بعكس او الشخص ذكر انه معاه


شهادتين ماستر او ثلاث شهادات ماستر


لانه غالباَ بعض التخصصات مقطوعه عند الماستر اضافة لأن الفترات الزمنية للماستر بالغالب لاتزيد عن سنتين


الواحد يحاول قد مايقدر ياخذ شهادة اعلا من الشهادة الي هو يدرسها


وعلى فكرة كثير من الجامعات تقبل تعطي الشخص دراسة ماستر في غير التخصص الي هو درسه في البكالوريوس


هذي ابحثو عنه واذا حب الواحد يطور نفسه بمجال معين فالافضل ياخذ دورات تقنية متخصصه راح تفيده


كثير افضل من انه يضيع اربعه سنين في دراسة بكالوريوس ثاني

[Mr.Nasser]

اخي علي ربما انت تراه مضيعه للوقت وللجهد وللمال فكل واحد له وجهة نظر.
فمن السهل ان اقول شهادتين ماستر ايضا مضيعة للوقت و....., اذا ماعرفنا ان امتداد التخصص مطلوب في اكثر الوظائف ان لم يكن جميعها.

[حُلمْ !]

فكرت بهالشي بس طبعا خليته اخر الحلول ناوية على ماستر لغويات تطبيقية اذا رب ما كتب لي القبول فيه
ممكن اخذ بكالريوس ادارة اعمال

[بنت الليث]

ان شاء الله اخلص البكالوريوس وادور على وظيفة وريح راسي من شي اسمه شهادة ثانية يعني العمر كله ندرس اكيد لا مقتنعه بشهادة وحده ويارب لك الحمد

[رَاء.]

على فكرة يا اصدقاء يعني بعض الناس اللي جوابهم مثلي * انو عادي ندرس مره ثانيه* اتوقع انهم يوافقوني الراي بأن تفكيرهم تفكير دراسه محضه أكثر من انهم يفكرون بوظايف وبناء مستقبل وهالكلام


في ناس بتقول طيب ماستر ع الاقل .. نقول لهم صح ماستر بس اذا حصل بكالوريوس ليش لا بعد ؟ الماستر بالتفق الحين بالموووت الواحد ينقبل او بفلوس ارخص شيء انا شفته 80 ألف هذي لو تطيح حبية عيوني ما بقدر ادفعها


لذلك حنا ندرس حبا بالدراسه وحبا بالتخصصات الثانيه وليس مضعية للوقت والجهد والمال
في اكثر من تخصص ودي فيه .. اي تي .. تاريخ .. اعلام .. يعني لمجرد التثقيف صراحه




الله يسهل لنا يارب ويسهل للجميع.