 |
|
||||||
| ملتقى المواضيع العامة منتدى المواضيع العامة والنقاش الهادف |
 |
|
|
أدوات الموضوع |
|
#1
2010- 7- 14
|
|||
|
|||
|
معاً لتصديق شهاداتنا و اعتمادها بوزارة الخدمة المدنية .. ادخلو للضروووووره
السلام عليكم و رحمة الله و بركاته ..
سوف أدخل في الموضوع مباشره ... نعلم جميعاً أن ديوان الخدمة المدنية قد رشح 3 دفعات للتوظيف و لله الحمد و المنّة كنت من أرقام الدفعة الثانيه ... لكن تعالوا للصدمات التي فاجأتني أولاً : أنا حصلت على دبلوم علوم الحاسب و التعليم "سنة واحدة" من معهد العالمية للحاسب الآلي عام 1424هـ تحت اشراف هيئة الإغاثة الاسلامية بالأحساء تصديق وختم جامعة الملك سعود و لكن وقت التسجيل طلع لي بالنظام أنه لا تقبل اي دورة مضى عليها أكثر من 5 سنوات ,, حسبنا الله و نعم الوكيل و هذا اعتبره اجحاف في حقنا وين تعبنا و شقانا و فلوسنا ... ثانياً : تبقى عندي دورات و الحمدلله و قلت ان شاء الله خير علماً بأن تو خلصت دبلوم تقنية برمجة "سنتين" من معهد العالمية كذالك و اختباري الشامل بذو القعده , أخذت تعريف من المعهد بأني خلصت السنتين + السجل الأكاديمي و رفضه الديوان ... و قلت لهم انوا الشهادة تصدر بذو القعده و لكن لا حياة لمن تنادي .. ثالثاً : نأتي لبقية الدورات لدي 3 دورات "برمجة - صيانه - لغة انجليزية" كل دوره بشهر و نصف من معهد نيوهورايزن من عام 1427 آخر شهاده كانت بتاريخ 28-7-1427 و مختومه بختم "معهد الخليج للتدريب و التعليم النسائي تحت اشراف التدريب التقني النسائي بالمؤسسة العامة للتعليم الفني و التدريب التقني" و لللأسف ما رضوا الديوان يقبلونها يقولون مو مصدقة . رابعا : لدي دورة من معهد التفوق الأهلي النسائي لتعليم اللغة الانجليزية 8 شهور بتقدير 99% -320 ساعة بتاريخ 20-7-1429 هـ و تصديقهم "تحت اشراف وزارة التربية و التعليم" و الصدمه بعد ارفضوها الديوان يقولون مو مصدقة . خامساً : تعالي لمعهد أكاديمية أرض المعاهد للتدريب اللي غطى على الجميع في النصب و الاحتيال أخذت منهم دورة فوتوشوب الاحترافي بواقع 60 ساعة بتقدير ممتاز بتاريخ 7-4-1430 هـ تصديق وزارة التربية و التعليم ترخيص أكاديمي 203798 و رفضوه الديوان .. و تتوقعون ايش السبب يوم راجعنا التدريب الأهلي بالأحساء ؟؟ المعهد في هذي الفتره اللي خذت فيها دورة كان مغلق يعني مشمع بالشمع الأحمر و هو فاتحه الأخ اللطيف و جالس يعطي دورات بمبالغ , قالوا لأبوي عطنا الشهادة و احنا نرفع شكوى و نرجع فلوسها بس أبوي ما رضى ,, لكن أنا ماراح أتركهم إلا يرجعون فلوسي . الآن بذلت الأسباب بعد التوكل على الله .. أمس راجع الوالد في الرئاسه و لا رضوا يصدقون له شئ و قالوا أنوا تروح التدريب الأهلي بالثانويه الصناعيه يعني الرئاسه صرفوه أخلوا مسؤوليتهم و راح للتدريب الأهلي و مارضوا يصدقونها و قالوا أنوا لازم تراجع المعهد و يوم دقيت على المعاهد اللي درست فيها تخيلوا وش ردوا علي ؟؟ قالوا أنو التعاميم الجديده تقتضي رجعتك و خضوعك لإختبارات ؟؟؟ صدمممممممه ايش اختبارات ؟؟ عشان تكون شهاداتك معتمده ؟؟؟ طيب و الديوان بينتظرني لين أخلص اختبارات كل هالدورات ؟؟؟ انا ايش ذنبي هم توهم هالسنتين منزلين القرار و انا انظلم ؟؟؟ طيب يوم كنت أدرس بالثانوي ماكان عندي قدرات و بعد ما تخرجنا نزلت اختبار القدرات طيب ... ليه ما رجعوا كل خلق الله يدرسون قدرات مره ثانيه ؟؟ مو هذا نفس الشئ ليه ما قاسوه بنفس الطريقه ؟؟؟ و ربي ظلم ظلم ظلم ... حسبنا الله و نعم الوكيل الكل جالس يخلي مسؤوليته ؟؟ أنا أبحث احين منوا المسؤووول عن كل هالتخبط ؟؟؟ يانااااااس أنا كنت اشتغل براتب بسيط الصباح و ادفع بالمساء عشان أدرس و ارفع نقاطي للتوظيف انتوا متخيلين كل سنين عمري 7 سنوات ادرس ضاااعت حسبنا الله و نعم الوكيل ... أنا ابي أحد مسؤووول اشتكي عنده عن هذا التخبط و النصب و الاحتيال اللي احنا جالسين نعيشه الآن ؟؟؟ أو يرجعون لنا هالمعاهد كل ريال دفعناه و ربي يعوّض علينا خير ؟؟ يوم راجع أبوي أمس الديوان قاله واحد بالديوان مالك إلا ديوان المظالم ؟؟ بس أي فرع نروح يقولون اللي بالأحساء ياليل ما أطولك المعامله تتأخر عندهم و ما أدري ايش ؟؟ طيب يا جميع الأعضاء نبي ندافع عن حقوقنا نستبعد عشان كذب و نصب و احتيال المعاهد و القرارات الجديده الصارمه اللي ما ترحم ... شرايكم نسوي حمله و كل وحده تشوف هالموضوع تحاول تنشره لأكبر عدد من المنتديات و نتكلم بالجرايد ؟؟ و ما يضيع حق وراه مطالب ؟؟ يمكن تتكون لجنه و ينظرون في أمر الشهادات اللي على قولتهم مو مصدقه ؟؟ أو الشهادات اللي مضى عليها أكثر من خمس سنوات ؟؟ "بصراحه هالقرار 5 سنوات مو موجود و لا في دوله إلا احنا ليه ما أدري ؟؟ يارب يارب يارب سهل أمورنا ... و لا تسلط علينا من لا يوجد بقلبه رحمة يا أرحم الراحمين ... انتظر ردوركم بارك الله فيكم 
|
|
2010- 7- 14
|
#2 |
|
أكـاديـمـي
|
رد: معاً لتصديق شهاداتنا و اعتمادها بوزارة الخدمة المدنية .. ادخلو للضروووووره
بااااااااااااارك الله فيكم جميع
يااااااااينات لا تسكتون .. انشروا في جميع المنتديات .. أكيد فيه أحد بينتبه ... دقوا على الجريده و خلونا نرفع معاناتنا هذاالرقم 035871712 بيرد عليكم المسؤول و قولوا احنا نبي نشتكي و بيحولكم على صحفية بتسمع معاناتكم .. و حاضره انها تنقل هالمعاناة للجريده ... لا تسكتون طلبتكم لازم نحاول و نبذل الأسباب... و ما توفيقي إلا بالله |
|
|
|
| مواقع النشر (المفضلة) |
| الكلمات الدلالية (Tags) |
| للضروووووره, لتصديق, معاذ, الأدوية, الحيلة, ادخلو, اعتمادها, بوزارة, شهاداتنا |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
