[ النظام الأفتراضي ] : إنطباعكم عن الإختبار النهائي لـ "إدارة العمليات"

[Reem al_ghamdi]

الحمد الله على كل حال ..

الماده كانت سهله ممتنعه ..

لكن الاختبار كان جدا ضغط من ناحيه الوقت غير الاجوبه اللي جلست اتأكد منها :(

يوم قريت ممنوع الاله شقلبت الورق احل قبل لاتنسحب :(

غير كذآ المراقبات يوم شافوا البنات تسلم سببوا نوع من الضغط على اللي يحل




ان شاءالله القادم افضل

[Rwabi]

حسبي الله ونعم الوكيل
طلعت ب خطأ وانا ضاع وقتي وسحبوا الورقة مني وانا اكثر من نص الاختبار ما ظللته !!!!
فيه مادة نصها عملي يعطونا زيها زي غيرها ساعتين بس ... والمساءل والآله والمراجعه والنظري معقول يمدي كل هذا بساعتين


وليش خيرها وبغيرها واللي فات مات !!
وتعبنا وسهرنا نذاكر هالمادة نقول خيرها بغيرها عشان غلطة الدكتور

قهر ذاكرت بكل طاقتي وفهمت الماده والمساءل فهمتها وحلولي تطلع صح رايحه الاختبار وانا مبسوطة بمذاكرتي
بس ضيعت وقتي ب دقرت عندها وماظللت
وزودها مررره بالمقاييس


والمراقبة اللي بقاعة التدريب ما ادري وش أقول صراحه

[HALF_MOOOOON]

الحمد لله كما ينبغي لجلال وجهه وعظيم سلطانه
الحمد لله ماضيعت وقتي على الباء خليتها لآخر الوقت ورجعت لونتها بس وعطيتهم
الاختبار عموما بالنسبة لي جيد جدا
تمنياتي للجميع بالتوفيق

[رااقي]

السلام عليكم ورحمة الله وبركاته

الاختبار يعتبر صعب صراحة اول مرة اختبار فيه مسائل حسابية يعطونا فيه 70 سوال والمفترض 50 سوال
ثاني شي الخربطة اللي سواها في بعض الاسئلة وكانت النتائج مخالفة للاختيارات توهنا والله
ثالث شي الدكتور يدور عالاشياء الصعبة والغامضه
رابعاً يقارنا نحن طلاب تعلم عن بعد بطلاب الانتظام يحط اسئلة محيره ومخربطة مع ان اكثر مادة ذاكرناها .
خامساً الدكتور له تجربه سابقة معنا في مادة سابقاً كانت سهلة جداً وصعبها وسوى لنا لف ودوران بالاسئلة

سوالي : وش يستفيد الدكتور باللي يسويه فينا شطاره مثلاً .
الانسان ماله الاذكره الطيب واعتقد ان الدكتور ماراح ينذكر بالطيب .

[المساهم]

المشاركة الأصلية كتبت بواسطة rawabyt

السلام عليكم

ياليت أخواني وأخواتي ترسلون للدكتور أيميل جماعي على الخطأ الكبير أي في الأرقام مابقى طريقة ماطبقتها ماطلعت معاي قيمة ب أقلها يقدرون يصححونها في ويحسبونها للكل وبالتوفيق ان شاء الله .

يا جماعة هذا بريد د. صالح الراشد للإرسال له بخصوص الخطأ في السؤال رقم (33 و 34 و 35)

[المساهم]

المشاركة الأصلية كتبت بواسطة المساهم

يا جماعة هذا بريد د. صالح الراشد للإرسال له بخصوص الخطأ في السؤال رقم (33 و 34 و 35)

عفو ليس هذا البريد الصحيح.

سوف نحاول أن نضع البريد الصحيح للدكتور صالح الراشد

[حنان آل حيان]

المشاركة الأصلية كتبت بواسطة مجتهد ..

الإختبار بشكل عام سهل للي مذاكر

ولكن سؤال المربعات الصغرى .. قيمة (ب) خطأ في السؤال
وأشكر الدكتور صالح الراشد على تعاونه وتواضعه .. قابلته وشرحت له الخطأ الموجود وراح يهتم بنفسه بالموضوع
وإن ثُبِت الخطأ .. سيتم تعويضنا بمشيئة الله

يعني لا تشيلون هم الثلاث الأسئلة الخاصة بالمربعات الصغرى ، راح أتابع الموضوع وأوافيكم بالأخبار الطيبة إن شاء الله

فالكم التوفيق .. وشدوا حيلكم في التدريب العملي

ارتاحوا وركزوا على الماده الجايه ومايحتاج ترسلون بريد الأخ مجتهد يعطيه الف عافيه تولى الموضوع ماقصر حسب الرد المقتبس اعلاه


بالتوفيق

[مجتهد ..]

المشاركة الأصلية كتبت بواسطة half_mooooon

الحمد لله كما ينبغي لجلال وجهه وعظيم سلطانه
الحمد لله ماضيعت وقتي على الباء خليتها لآخر الوقت ورجعت لونتها بس وعطيتهم

هذا الصح .. المفروض في حال واجهت أي سؤال صعب أو شاك في إجابته، حط عليه علامة وارجعله آخر شيء

[المبارك 10]

صباح الخير للجميع
ممكن تعطوني ايميل الدكتور وائل وايميل الدكتور صالح
وشكراً لكم

[Saudanb]

الاختبار كان سهل لكن الوقت كان قصير

حضر الدكتور في القاعه وسمح باستخدم الاله الحاسبه وان المكتوب على ورقه الاسئله من منع كان بالغلط
اخبرناه عن الغلط في السوال ورد بالحرف اذا لم تكن الاجابات والارقام الموجوده صحيحه لكم مني عشر درجات

وتم توزيع اوراق مسوده على الجميع

وبالتوفيق للجميع