[ اسئلة اختبارات ] : سجل شكرك للاعضاء والدكتور عيسى حيرش

[وآرف]

المشاركة الأصلية كتبت بواسطة f-fatimah

خلوه يشكر ليه معترضين على الشكر اللي في محله !!


او الشكر والعرفان مخصوصين للي يحطون اسئلة خارج المنهج والمحتوى !!


ايوا صح حيرش مايستاهل شكر لان مادلعنا مثل الدولية وجاب اسئلة مكررة من طلاب الانتظام

للاسف ياحيرش مانبي نشكرك لانك الزمتنا بمحتوى وماطلعت منه مانبي نشكرك لان اعطيتنا اسئلة بالعملي نحلها اضافيه للتمرين مانبي نشكرك لان مافي اسئلة للانتظام وماكررت كثير من السنوات السابقة


لكن شكرا للقحطاني لان كل مره ياكد علينا نذاكر فقط المحتوى وماندقق واعطانا اسئلة معظمها خارج المحتوى



على اساس حنا المثقفين مانهتم بالمحتوى ونهتم بغيره







الشكر لله ثم للدكتور وللوردة وام جهاد وكل قروبي العزيز اللي ساعدنا على اجتياز الاختبار بشكل ممتاز


الحمد لله على كل شي



.....

أحييك على ماذكرت ، واعتراض البعض او متعاضهم حق لهم ، وبالمقابل ثناء البعض على الدكتور حق له والمفروض ماحد يصادر حق احد في طرح رأيه ، وللأسف احنا مجتمع مايفقه بثقافة الإنصاف ، حكمنا على الأمور يتم من خلال نجاحاتنا وفشلنا فيها ، حتى لو ماذاكرت وحملت المادة هذا بيكون رأيي ، لأن الدكتور جاب الأسئلة من المحتوى ، فاللي ما ذاكر او لاقى صعوبة بفهم المنهج يتحمل مسؤولية نفسه ويكون شجاع مع نفسه ويتحمل النتائج .

[waleed4565]

اتكلم بكل منطق وليس لي اي انحيازيه على اي طرف
الدكتور اوجد اسئله سهله وواضحه لاكن الماده دسمه حيل من جد الماده نفسها تجيب المرض ويجب اعطائها حقها الحقيقي من المذاكره والاهتمام بالنسبه لي اشكره جزيل الشكر لانه ماخرج عن المذكره والاسئله العام الماضي والشكر الجزيل للاخوان الذي وضعو ملخصات واسئلة العام والكوزات اكرر شكري لك يادكتور لانه ماضاع جهدن على الفاضي مثل مافعل بنا دوغان الشر الله لا يسعده لا بدنيا ولا بالاخره

[Vip-212]

من سهولة الاختبار مادريت وين سيارتي الله يصلحك ولا بعد تشكر الدكتور اييييييه اقول الله يستر عليك

[قائم باعمال]

م يمدح السوق الا من كسب بة،،،،،،،،،،،،،،،،،،،،،،،،،،،،،،،،،، حسبي الله ونعم الوكيل

[waleed4565]

المشاركة الأصلية كتبت بواسطة قائم باعمال

م يمدح السوق الا من كسب بة،،،،،،،،،،،،،،،،،،،،،،،،،،،،،،،،،، حسبي الله ونعم الوكيل

الموضوع اقسم بالله مو موضوع من كسب فيه لابد ان يكون بالعدل هذا اساسه لو تعرف الدوغان كان عرفت ان هذا حبيب وعسل وسؤال امانه بينك وبين الله متى راجعت وكم من الوقت عطيت الماده لان تعليقي ان الماده دسمه حيل الله يسعدك ويوفق ونا اخوك ومعوض خير بحول الله بس برضه الدوغان بكبدي لليوم

[ام مووودي]

المشاركة الأصلية كتبت بواسطة قائم باعمال

م يمدح السوق الا من كسب بة،،،،،،،،،،،،،،،،،،،،،،،،،،،،،،،،،، حسبي الله ونعم الوكيل

اخوي ابي اعرف تتحسب على مين
اذا على الدكتور فهذا شي بينك وبين ربك
لكن اذا تتحسب ع من ربح بالسوق على قولك ابي اعرف عشان اقدر أرد عليك ما ابي اظلمك وأظلم نفسي

[قائم باعمال]

المشاركة الأصلية كتبت بواسطة ام مووودي

اخوي ابي اعرف تتحسب على مين
اذا على الدكتور فهذا شي بينك وبين ربك
لكن اذا تتحسب ع من ربح بالسوق على قولك ابي اعرف عشان اقدر أرد عليك ما ابي اظلمك وأظلم نفسي

ولا شئ ي اختي بس اشوف ناس تمدح وناس تسب ،،اليس كذلك

[ام مووودي]

المشاركة الأصلية كتبت بواسطة قائم باعمال

ولا شئ ي اختي بس اشوف ناس تمدح وناس تسب ،،اليس كذلك

نعم كذلك
في كل ماده يتم فتح موضوع شكر لدكتور الماده وموجود المدح والسب
جزاك الله خير

[العلا111]

صراحة وكلمة حق ان كل طالب يتحمل نتيجته ولايلوم الانفسه ولكل مجتهدا نصيب المتابع من اول الترم اكيد مايشتكي من الأختبار والمتابع قبل يومين من الأختبار كالعاده يشتكي ان ماحالفه الحظ ولاجت الأسئلة الي لحق يقرأها وأنا واحد منهم ولكن الحمد لله مشتكيت لأني عارف السبب ....ياجماعة استحوااا الي يشوفكم يقول طلاب محوا الأميه العصر يدرسون وان طرالهم طاري قاموا وخلو المدرس عند الصبورة لابعد ويقولون له الحقنا بالبيت ....الحمد لله والشكر أولأ ثم لمن ساهم بمساعدتنا من أداريين ودكاترة وزملاء من كل المستويات... هدا وصلى الله وسلم على نبينا محمد

[النسيان]

استغرب من البعض استماتته في الدفاع عن البروف!!!

اتمنى عدم مصادرة اراء الاخرين

يا انكم تقولون الاختبار كان سهل وواضح او انكم ماتفهمون
وماتستحقون الشهادة ولا الجامعة و لا اعطيت المادة حقها
من المذاكرة
مافيه احد منتسب في الجامعة ما يذاكر ويراجع

لكن هالمره جاب فينا العيد حيرش
الله يحلل الدوغان عند حيرش
وعلى قولتهم هذا ال؟؟ وهذا طرفه

وللعلم هذا المستوى السادس ومعدلي ٤
ولم احمل ولامادة سابقا ولله الحمد

والاولى شكلها بتكون بسبب ابن الحلال البروف حيرش