[ اسئلة اختبارات ] : راسلت دكتور علم المعاني ورد علي

[ربي يوفقنا]

طيب والي مثل حالتي يالغالي مايدري كان الاسئله من المحتوى ولا من برى ولا سمع الدكتور ولا يعرف صورته اصلا ويبي ينجح وش يسوي

[hani1402]

هذا مثل اللي رمتني بدائها وانسلت

اغلب الاسئله من خارج المحتوى وجالس يرقع لنفسه وحده ارسلت انها جابت 49 من 50 كان عملتها وقلت 50 من 50 عشان تضبط الكذبه

عموما انا بتصل عليه ببرد حرتي ماني مترجيه ينجحني الله لايشكر فضله

[ماجد الخرج]

انا ماتابعت شرح الدكتور بصراحه لكن حاولت مذاكرتي تكون على نمط اسئلته في الاعوام الماضيه ولكن للاسف كانت تختلف اختلاف كلي مما جعلني اتفاجاء بطريقة اسئلته والاسئله كانت بصراحه بمستوى واحد والقدرات متفاوته كان عليه التنويع بين السهل والصعب لكي لا يضيع تعب الطلاب وفي الاخير اشكر الدكتور على التجاوب وكلامه الجميل مع تمنياتي له بالتوفيق والنجاح

[вαƨσм]

البرواز المكسور يعطيك العافيه


الدكتور من كلامه يستحق الاحترام
ماله داعي تشككون بالنيات
حتى نيته الرجال ماسلمت !!!

[إنقلش]

صباح الخير والتوفيق -ان شاء الله -
ردي قد لا يعجب أكثركم .. بصراحة أنا استغرب كثرة الردود والمواضيع حول الماده

أنا موظف و وقتي ما يساعدني للمذاكرة من البدايه ومع ذلك ذاكرت المادة قبل يومين من الاختبار وركزت

ولله الحمد والمنه (بالنسبة لي ) كان الاختبار واضح جدا والخيارات أوضح وان شاء الله بتكون درجتي في
الاختبار + a
عموما الي احب اوصله للكثير : لازم تعرفون انن طلاب (جامعة ) يعني تعليم عالي وان اي دكتور غير ملزوم بإعادة اختبارات الفصول السابقه
والشي الاهم (نحن طلاب مستوى سادس ) في اللغه يعني اذا الطالب واصل مستوى سادس ومايعرف يفرق بين مصطلحات اللغه العاديه والواضحه فيه مشكله
طبعا بكره راح نتخرج ان شاء الله وكل واحد له هدفه من الشهاده ولكن ,, اذا كان الوضع كذا راح تكون مخرجات الجامعة ضعيفه جدا
اذا كان طلاب الانتظام للسنه الاولى افضل مننا فهم أحق بدراسة اللغه وكان يجب علينا دخول تخصصات اخرى!

اخيرا / اهتموا شوي وركزوا باقي ع الاقل 6 مواد راح نختبرهن ويمدي اي طالب يعوض فيهن

وعسى الله يسهل كل أمر ويوفق الجميع

تحياتي ,,

[-كبرياء-]

الله يجزاه الخير بصراحه كلام يريح القلب ..
وبصراحه الدكتور تقريبا اغلب اسئلته من المحتوى كوبي بست بس الخيارات كانت شوي معقده
انا درست الماده اكثر من مره قبل الأختبار ,,
الله يعوضنا يارب خيرا ان شاء الله ..
الله ما يضيع تعب اي انسان ..

--------------------

[انعاش حلم]

مو مشكلتنا بالاسئلة

مشكلتنا بالشرح الدكتور فقط لاغير

اسئلتة بالتدرج عشان يفرق بين الطالب المهمل والجاد


لكن شرحة ياناااااااس مايشرح وهذي الطامة ؟








اتمني ياخ برواز ترسل رابط الموضوع للدكتور عشان يعرف وجهة نظرنا

[Rooz Musk]

.
.
.

طيب الاسئله هذي وش وضعها ؟؟؟
_ pretty

وســــــــؤال
_ dolar

وســــــــؤال
اللي إجاباته من ضمنهم احمد ؟؟

^ هذي اللي اتذكرها كانت جميعها امثله خارج المحتوى !!!

[الوالي سعيد]

اذا يبغى يعرف احصائية لعدد الطلاب المتضررين من الاختبار يروح يشوف اللي اشتكوا في الخدمات الطلابية مو اللي ارسلو له ايميل.
مشكلة الدكتور لم يوفق في شرح المادة وكان يقرا في الشرائح وزاد الطين بله انه لم يتدرج في الاسئلة من الاسهل للاصعب وجاب اجابات متشابهه.

[the.red.flower]

أرأيتم الفرق بين أسلوب بعض الطلبة وبين الأسلوب الدكتور المحترم..
صحيح أني من ضمن اللواتي لم يجبن عن الأسئلة..لكن بصراحة كان السبب أنه كانت لدي مادتين في ذلك اليوم ولم أستطع ختم مادة الفترة الثانية وهي المعاني ..

على العموم .. جزاك الله خيرا يامن ارسلت الرسالة للدكتور .. لكني أرى أنه كان من الأولى أن لاتذكرون في رسالتكم العبارة ( والطلاب يدعون عليكم ).. صعبة جدا هالعبارة..

مع الشكر