[ استفسار ] طلب حضور د. عبدالله الديرشوي لمادة الاخلاق الاسلامية

[تغريده الملتقى]

ابو نورا كلامك ممتاز بس ياليت ترسله للفريدان او الشعيبي

[AMINAH1414]

حسبي الله ونعم الوكيل

[استغفرالله22]

نبي نعدي في ها ماده حرام تعبنا راح خسراه وربي ذاكرنا بس الأسئلة صعبه 😣💔

[ام ناشي]

حسبي الله عليه من دكتور..
والله كنت متوقعه اخذ a من سهوله المادة ..بس هو صعبها .
مدري وش يحس فيه ذا الدكتور

[طالبة بلا حقيبة]

حسبي الله ونعم الوكيــل تكفيني وتكفي كل من انظلم بهالمادة ليه يادكتور تعشمنا بالاسئلة الصيفية والي قبلها وطريقة طرحك كانك مخالفة تماما لما ذكر مادة سهلة تمنينا ان نحصل على درجات عاليه فيها وحطمت طموحنا لك الله في مافعلت فينا .

[the secret]

خلاص يا جماعة اهم شي احنا سوينا الي علينا والي قالة لنا والله يحاسبة على الي سواة فينا المشكلة ان في المادة اداب المهنة بس شكلة ما قراها كويس لازم نعطية محاضرة في الطهارة المهنية

[ابو نورا]

الاخوه والاخوات الاعزاء

يوجد ايقونة في الخدمات الطلابية الا وهي

تلقي ملاحظات الطلاب حول الأختبار

كل واحد ما ادى يدخل ويكتب شكواه

والله يعدينا هالمادة

[ثامر المرزوقي]

حسبي الله ونعم الوكيل
مع احترامي لوجهت نظر جميع الاخوان .. لاكن الاسئلة بشكل عام كانت من بين السطوور ؟؟؟
والي زاد الطين بله كلام الدكتور بالمحاضرة الثالثة عشر يوم يقول ركزو ع الاسئله للاعوام السابقه .
وانا عن نفسي قدمت شكوه للاداره بالجامعه بخصوص هذا الموضوع ..
واتمنا الانصاف من جامعتنا العزيزه .. كل الود لكم ,, مع تمنياتي لكم بالنجاح . دمتمو بود

[wintr song]

اي الاختبار صدمنا و كان فية نوع من الغموض والصعوبة بس مو لدرجه انو مانعدي المادة لا

الا اللي موو مذاكر !

ان شاء الله الجميع يعديها

بالتوفيق ,,

[ابو تولين 2]

الكل ان شاء الله بيعدي هالمادة بس اتوقع الكل يتكلم بخصووص الهبوط الي بيحصل بالمعدل بسبب مخالفة الدكتور لكلامه لنا بالمحاضرة المباشر الثالثة

وهذا حق مشروع للكل انهم يعترضون بس انا استغرب من الكل انه ما يبي يتوجه لايقونة ملاحظات حول الاختبار

بالنسبة لي انا كتبت ملاحظاتي بالايقونة واتمنى الكل يسوي مثلنا ، اذا حصل تجاوب من العمادة كسبنا واذا ماحصل ماراح نخسر شي خمس دقايق ماراح تضر اي شخص فينا .

بالتوفيق للجميع ،،،