[ طلاب الثانوية ] : كلمة للمقبولين والغير مقبولين ولكل من ساهم هنآ !

[M A D N E S S]

السلام عليكم ورحمة الله وبركاته
طبعاً الفترة الحالية واللي راحت كلنا شهدنا أشياء كثيرة
مواضيع الاستفسارات ، وإجابات الأعضاء الي ما يقصرُون
ومشاعر فرحة القبول ، والمشاعر السلبية للي ما انقبلو
والمشاعر الكئيبة للي انقبلو بأقسام ما يبونها والمشاعر المصدومة !
نقدر نقول شهدنا مشاعر وحالات وشخصيات كثيرة جداً
شفنا المتفائلين ، المكتئبين ، السلبيين ، الإيجابيين و الطموحين !
وراح تتكرر هالدراما كل سنة بفترة القبُول والتسجيل
ماراح أطوّل عليكم أكثر بالمقدمة
بس حآبة أقول كم كلمةة

[mark=#FF0066][ ♥ ][/mark]

حابة أشكر كل من ساهم بإجابة ، بـ رد إيجآبي ( يرفع المعنويات ! ) أو بـ معلومة حلوة !
وحابة أخص الشكر للأعضاء الأكثر مساعدة واللي تواجدو بالقسم بشكل ملحوظ :

القلب النابض
AsOmH
Ś н т ά т
s o 7 a
خواطر انسآن
عز سنان
troooke

وأرجع أكرر الشكر موصول لكل من ساهم بـ إجابة !
طبعاً لو أذكر اسم كل عضو ماراح أخلص
لكن اللي ذكرتهم كان لهم أكثر اجابات معتمدة
وأكيد كل شخص كتب إجابة نيته يفيد غيره مو ينتظر الشكر
لكن من منبر (لا يشكر اللهَ من لا يشكر الناس)


[mark=#FF0066][ ♥ ][/mark]


الشيء الثاني اللي حابة أتكلم عنه ( المقبولين والمقبولات ) :
أولاً لآزم تشكرون ربكم إنكم آنقبلتو
ثانياً لآ تحسبون الموضوع وقف عالقبول وبس ، لازم تشدون حيلكم السنة التحضيرية بالأخص
لأنها بزمنا هذآ غالباً مآ تكُونْ هي اللي تحدد التخصص والكلية والمسار وكل شيء بالحياة !
ومبروك القبول لكم وعقبال الدراسات العليا والوظيفة إن شاءالله


[mark=#FF0066][ ♥ ][/mark]


الشيء الثالث ( لكل اللي ما انقبلو بأي كلية أو قسم ) :
تذكرو دائماً إن " لكل مجتهد نصيب " < هالعبارة حطوها ببالكم وافهموها
لا تقولون الثانوي نسبتي 99 والقدرات والتحصيلي لعب فيني < هالجملة ماراح تقدّم ولا تأخر !
وتذكرو إن النجاح ( 1% إلهآم و 99% اجتهاد ومثابرة وإرادة )
وإن دراستكم الجامعية ما انتهت
فيه خيارات كثيرة للي يبي يدرس من جد وفيه فرص كثيرة كثيرة برضو
ماراح أعددها لأني ماراح أخلص


[mark=#FF0066][ ♥ ][/mark]


آمممممم ما ودي أخلي الموضوع رسمي
لكن كل اللي أبي أوصله ( تقديري لكل عضو ساهم ب هالقسم )
ورفع معنويات للي ما انقبلو هالسنة < ماراح أقول للي ما حالفهم الحظ
لأن الحظ شيء والاجتهاد شيء
لا تحبطون أنفسكم وتقللون من قيمتها بمجرد انكم ما انقبلتو !


[mark=#FF0066][ ♥ ][/mark]

انا احبٌ يكون الشيء من ظروف خارجية
لكن مايكون فشل مني , او تخادل

# هالعبارة اقتبستها من موضوع العضوة المتفائلة بشكل أقدّره جداً ( الأمال الكبرى )

[mark=#FF0066][ مواقف ][/mark]


# صديقتي العام قدمت على كلية التصاميم وما قبلتها لأن نسبتها المركبة ببساطة 70 !
وهي أساساً ما حطت بالرغبات الا هالكلية ، تبيها بشكل مو طبيعي بشكل ما تتصورونه
جلست سنة بالبيت وخلال هالسنة سجلت بمعهد انجلش وطورت لغتها الانجليزية
تدرون ليه ؟ لأنها حاطة ببالها انها راح تنقبل السنة ذي بكلية التصاميم اللي صارت مسار هندسي
وكانت واثقة بشكل ، تدرون ليه ؟ ما اعتمدت عالحظ ، لآ أبداً ، اجتهدت وأهلت نفسها للقدرات والتحصيلي
وقدمت عليهم السنة وصارت نسبتها الموزونة جداً مرتفعة وانقبلت بالدفعة الأولى مسار هندسي

# بنت عمّي كان طموحها آنجلش بشكل ما تتخيلونه بس خصصوها دراسات إسلامية
استخارت ورضت فيه وخلت نيتها طلب العلم والاجتهاد بسبيله فقط
وفعلاً اجتهدت وتخرجت السنة ذي من كلية الآدآب بالدمام تخصص دراسات اسلامية
وشهادتها مو تربوية ومع ذلك ربي كتب لها تنقبل على طول معلمة ببمدارس السعد الأهلية ( ماشاءالله )

# سوحا الجميلة طموحها مسار صحّي وانقبلت مسار علمي
ونفسيتها وطموحها جميلين ماشاءالله ، اقتنعت فيه وأتوقع حبته بعد < سوحا لا تفشليني

[mark=#FF0066][ ♥ ][/mark]

طبعاً المواقف والقصص كثيرةة
لكن حبيت أوصل لكم كذآ نقطة
تذكرو دايم إن الخيرة فيما اختاره الله ،
أذكر مقولة للشيخ عايض القرني فيما معناه إنو
اللي يقفز كثير من تخصص لتخصص ومن وظيفة لوظيفة
ذآ يدل على فشله وإنه مو قادر يجتهد بشيء

[mark=#FF0066][ نصيحة ][/mark]

فيه كتاب للدكتور / خالد المنيف أنصح الكل يقراه
اسمه " افتح النافذة ثمة ضوء "

تلقونه بمكتبة جرير سعره 38

وإن شاءالله إنّي ما ثقلت عليكم وطوّلت
اسأل الله أن يوفقكم جميعاً ويكتب لكم كل مآفيه خير

[sm sm]

حبيبتتتتتتتتتتي موضوعك جميل جدااا

وانا بعد اشكرررر كل من فادني وتجاوب معي ورفع معنويااااتي

لكم كل الشكر والتقدير استفدت بشكل كبييييير منكم

عسى ربي يوفقك ويوفق الجمييييييع

الزبده جتني الصيييحه

احبببببكم

[Abrar Al-Owaied]

ربي يسعدك ..

ويوفق آللي انقبلوآ ..

ويرزقنآ الأفضل .. ( اللي ما انقبلوآ )

وكل شيء بتقدير ربي وعلمه بآلخير ..

وآلله أخير بعبده ..

إن شَآء الله ما يحصل إلا كل خير ..

في حفظ الرحمنُ ..

[njoud#]

وعليكم السلام ورحمة الله وبركاته
قريت موضوعك وجاب لي التفاؤل
الله يسعدكِ ويوفقك يآرب
شكراً لكِ

[amoola yousif]

كلههم الله يجزيهم الخيير وماقصروا سواء معي او مع غيري
كانووا متعاونين واييد واييد
بصراحه انا لمادخلت هنا لمست فيكم روووح الاخوه،عسأكم ع القووه دوووم
والله يوفقكم

وتسلمين ياقلبي مووضوع ولارووووع بصراحه ابدعتي فيه

والحمدالله ع ككل حال،والف الف مبروك لككل المقبولين
وهاردلك للي ماتقبلووا ولاتوقفوون عند كذا ممكن تحققون شي اكبر
مين اللي يحققه المقبول
اهم شي الهمه والاراده والعزيمه
وطبعا ه الكلام بعد موجه لي
بالتووفيق للكل،

[عبدالله88]

يعطيييك العافييه
وماقول غير الله ﻵ يوفق الي حط شي اسمه تنشيط طلب

عوافي ي الغلا ع الكلام

[N.H]

يعطيك العافية

والله يوفقكم ويوفقهم
جميعهم مآ قصروآ

والحمدلله على كل حال

[sh12]

موضوعك جمييل
الله يعطيكم ويرزقكم على قد نيتكم يارب❤❤

[الأمال الكبرى]

-
مافي شيء أنتهى
ديُ بس البداية , كل شخص , حالم وطموح
وعنده حلمَ وَ متعلقَ فيه , لآزم يكافح عشانه

مو معناة أن هالمرة ماوصلتُ ! أوقف بنصف الطريق ولآ أكمَل
يفترض اني أكمَل ,

ولو كنت بسابقً والناس كلها وصلت النهاية وبس أنا الي لساتي بنصف المضمار
هل أوقف تسابقي عشان انه الناس وصلت وآنا لآ

* أن تصل متأخرا خير من آن لآ تصلَ أبدآ
لكل الناس الطموحة وتحس أحلآمها أنتهتُ , مافي شيء ينتهيُ
فرصتي فاتت , مافي شيء يفوتُ ! آلآ ادا خليناه يفوت

فأل يوسف ان شاء الله , فأل يوسف ان شاء الله
و دعوآتكم ليُ بكلية الطبٌ
لآني ناوية أعيد السباق , وأرجع اسابق

شكرا لكُ على مشاعرك الطيبة

[s o 7 a]

يا زييييينككك يا شييييخخهه
ماشاءالله عقل و أخلاق و أسلوب ما قد شفت زيه
الله يكملك بـ عقلك و يحققلك مرادك يارب :")

حابة أشكر كل من ساهم بإجابة ، بـ رد إيجآبي ( يرفع المعنويات ! ) أو بـ معلومة حلوة !
وحابة أخص الشكر للأعضاء الأكثر مساعدة واللي تواجدو بالقسم بشكل ملحوظ :

القلب النابض
AsOmH
Ś н т ά т
s o 7 a
خواطر انسآن
عز سنان
troooke

وأرجع أكرر الشكر موصول لكل من ساهم بـ إجابة !

الشكر لك إنتي والله
ماشاءالله بـ كل موضوع ..
و بـ كل قسم ..
و لـ كل مشكله ..
ألاقيك موجوده بـ الحلول و الإجابات السليمه
يعطيك ألف عافيه , الله يرزقك على قد ما ساعدتي و فكيني أزمات ناس بـ هالمنتدى

# سوحا الجميلة طموحها مسار صحّي وانقبلت مسار علمي
ونفسيتها وطموحها جميلين ماشاءالله ، اقتنعت فيه وأتوقع حبته بعد < سوحا لا تفشليني

هههههههههههههههههه منيب مفشلتس منيب مفشلتس
صادقه والله , حلو الواحد يفتح عيونه شوي لـ خيارات ثانيه غير اللي هو مقتنع فيها طول عمره ..
لأن أحياناً يكون تفكيرك بـ تخصص معين مجرد لـ وجاهه مجتمع أو رأي أهل !
موب رغبتك الشخصيه .. فكروا بس فكروا شوي بالتخصص اللي أنقبلتوا فيه يمكن تحسونه أنسب لكم من غيره

و فـ الأول و الأخير ..
الخيره فيما أختاره الله


M A D N E S S
YOU ARE AN ENDLESS LOVE