ملتقى طلاب وطالبات جامعة الملك فيصل,جامعة الدمام - طلاب الثانوية كلمة للمقبولين والغير مقبولين ولكل من ساهم هنآ !

- - [ طلاب الثانوية ] : كلمة للمقبولين والغير مقبولين ولكل من ساهم هنآ ! (https://vb.ckfu.org/showthread.php?t=350045)

كلمة للمقبولين والغير مقبولين ولكل من ساهم هنآ !

السلام عليكم ورحمة الله وبركاته
طبعاً الفترة الحالية واللي راحت كلنا شهدنا أشياء كثيرة
مواضيع الاستفسارات ، وإجابات الأعضاء الي ما يقصرُون
ومشاعر فرحة القبول ، والمشاعر السلبية للي ما انقبلو
والمشاعر الكئيبة للي انقبلو بأقسام ما يبونها والمشاعر المصدومة !
نقدر نقول شهدنا مشاعر وحالات وشخصيات كثيرة جداً
شفنا المتفائلين ، المكتئبين ، السلبيين ، الإيجابيين و الطموحين !
وراح تتكرر هالدراما كل سنة بفترة القبُول والتسجيل
ماراح أطوّل عليكم أكثر بالمقدمة
بس حآبة أقول كم كلمةة

[mark=#FF0066][ ♥ ][/mark]

حابة أشكر كل من ساهم بإجابة ، بـ رد إيجآبي ( يرفع المعنويات ! ) أو بـ معلومة حلوة !
وحابة أخص الشكر للأعضاء الأكثر مساعدة واللي تواجدو بالقسم بشكل ملحوظ :

القلب النابض
AsOmH
Ś н т ά т
s o 7 a
خواطر انسآن
عز سنان
troooke

وأرجع أكرر الشكر موصول لكل من ساهم بـ إجابة !
طبعاً لو أذكر اسم كل عضو ماراح أخلص
لكن اللي ذكرتهم كان لهم أكثر اجابات معتمدة
وأكيد كل شخص كتب إجابة نيته يفيد غيره مو ينتظر الشكر
لكن من منبر (لا يشكر اللهَ من لا يشكر الناس)

[mark=#FF0066][ ♥ ][/mark]

الشيء الثاني اللي حابة أتكلم عنه ( المقبولين والمقبولات ) :
أولاً لآزم تشكرون ربكم إنكم آنقبلتو :004:
ثانياً لآ تحسبون الموضوع وقف عالقبول وبس ، لازم تشدون حيلكم السنة التحضيرية بالأخص
لأنها بزمنا هذآ غالباً مآ تكُونْ هي اللي تحدد التخصص والكلية والمسار وكل شيء بالحياة !
ومبروك القبول لكم وعقبال الدراسات العليا والوظيفة إن شاءالله :wink:

[mark=#FF0066][ ♥ ][/mark]

الشيء الثالث ( لكل اللي ما انقبلو بأي كلية أو قسم ) :
تذكرو دائماً إن " لكل مجتهد نصيب " < هالعبارة حطوها ببالكم وافهموها :sm5:
لا تقولون الثانوي نسبتي 99 والقدرات والتحصيلي لعب فيني < هالجملة ماراح تقدّم ولا تأخر :biggrin:!
وتذكرو إن النجاح ( 1% إلهآم و 99% اجتهاد ومثابرة وإرادة ) :wink:
وإن دراستكم الجامعية ما انتهت
فيه خيارات كثيرة للي يبي يدرس من جد وفيه فرص كثيرة كثيرة برضو
ماراح أعددها لأني ماراح أخلص :sm5:

[mark=#FF0066][ ♥ ][/mark]

آمممممم ما ودي أخلي الموضوع رسمي
لكن كل اللي أبي أوصله ( تقديري لكل عضو ساهم ب هالقسم )
ورفع معنويات للي ما انقبلو هالسنة < ماراح أقول للي ما حالفهم الحظ :biggrin:
لأن الحظ شيء والاجتهاد شيء :004:
لا تحبطون أنفسكم وتقللون من قيمتها بمجرد انكم ما انقبلتو !

[mark=#FF0066][ ♥ ][/mark]

اقتباس:

انا احبٌ يكون الشيء من ظروف خارجية
لكن مايكون فشل مني , او تخادل

# هالعبارة اقتبستها من موضوع العضوة المتفائلة بشكل أقدّره جداً ( الأمال الكبرى )

[mark=#FF0066][ مواقف ][/mark]

# صديقتي العام قدمت على كلية التصاميم وما قبلتها لأن نسبتها المركبة ببساطة 70 !
وهي أساساً ما حطت بالرغبات الا هالكلية ، تبيها بشكل مو طبيعي بشكل ما تتصورونه
جلست سنة بالبيت وخلال هالسنة سجلت بمعهد انجلش وطورت لغتها الانجليزية
تدرون ليه ؟ لأنها حاطة ببالها انها راح تنقبل السنة ذي بكلية التصاميم اللي صارت مسار هندسي
وكانت واثقة بشكل ، تدرون ليه ؟ ما اعتمدت عالحظ ، لآ أبداً ، اجتهدت وأهلت نفسها للقدرات والتحصيلي
وقدمت عليهم السنة وصارت نسبتها الموزونة جداً مرتفعة وانقبلت بالدفعة الأولى مسار هندسي

# بنت عمّي كان طموحها آنجلش بشكل ما تتخيلونه بس خصصوها دراسات إسلامية
استخارت ورضت فيه وخلت نيتها طلب العلم والاجتهاد بسبيله فقط
وفعلاً اجتهدت وتخرجت السنة ذي من كلية الآدآب بالدمام تخصص دراسات اسلامية
وشهادتها مو تربوية ومع ذلك ربي كتب لها تنقبل على طول معلمة ببمدارس السعد الأهلية ( ماشاءالله )

# سوحا الجميلة طموحها مسار صحّي وانقبلت مسار علمي
ونفسيتها وطموحها جميلين ماشاءالله ، اقتنعت فيه وأتوقع حبته بعد < سوحا لا تفشليني :tongue:

[mark=#FF0066][ ♥ ][/mark]

طبعاً المواقف والقصص كثيرةة
لكن حبيت أوصل لكم كذآ نقطة
تذكرو دايم إن الخيرة فيما اختاره الله ،
أذكر مقولة للشيخ عايض القرني فيما معناه إنو
اللي يقفز كثير من تخصص لتخصص ومن وظيفة لوظيفة
ذآ يدل على فشله وإنه مو قادر يجتهد بشيء

[mark=#FF0066][ نصيحة ][/mark]

فيه كتاب للدكتور / خالد المنيف أنصح الكل يقراه
اسمه " افتح النافذة ثمة ضوء "

تلقونه بمكتبة جرير سعره 38

وإن شاءالله إنّي ما ثقلت عليكم وطوّلت
اسأل الله أن يوفقكم جميعاً ويكتب لكم كل مآفيه خير

:rose: