المشاركة للدوافير والمتابعة من اللي بيغى يصير دافور ^ــ^

[معقول]

حتى اذا كنت راسب في مقررات وجهة نظري معقده شوي والبعض ممكن إنه ينكرها

كل مقرر له 30 درجة مشاركة و 70 درجة اختبار
ال 30 درجة معروف كيف تحصل عليها

الكلام كله يدور حول ال 70 درجة الباقية
وهنا تبدأ وجهات النظر وكل طالب حسب التكتيك اللي يستخدمه

اذا قلت لك افتح كل المحاضرات اكذب عليك لاني مافتحت ربعها حتى.
وان قلت لك اقرا كتب مااذكر اني قريت 4 او 5 كتب من حوالي 24 مقرر الحمد لله خلصتها
طيب وش الطريقة باختصار ؟

الحل:
1- اختيار الطريقة الصحيحة لمذاكرة المقرر.
2- الطريقة الصحيحة للاجابة في الاختبار.
------------------
الشرح :
1- اختيار الطريقة الصحيحة لمذاكرة المقرر( وهذي تختلف من مقرر لمقرر آخر :
هذي تقررها بناءا على عدد من الامور منها :
أ- طبيعة المقرر هل هو رياضي والا نظري .
ب- المرجع للمقرر هل كتاب أم محتوى .
ج- اسلوب الدكتور في الشرح هل يركز على الفهم أم الحفظ. ( تقدر تستنتجه من متابعة جزء من محاضرة ).
د- اسلوب الدكتور في كتابة اسئلة الاختبارات السابقة .
هـ- وجهات نظر وتوصيات ونصائح الطلبة اللي سبقونا في دراسة المقرر.
وـ الوقت اللي راح تخصصه انت بناءا على ضروفك لدراسة المقرر وتغطيته.

2-الطريقة الصحيحة للاجابة في الاختبار :
مهمه جدا لازم يكون عند الطالب استراتيجية محددها قبل لا يدخل الاختبار
بحيث تكون الخطوات واضحه وماتقبل اي مناقشة .
على سبيل المثال :
1- الحضور قبل الاختبار ب ربع ساعه .
2- تعبئة البيانات وبعدين قراءتها للتأكد.
3- اقرا السؤال اكثر من مره للتأكد من فهم المطلوب والاجابة على الاسئلة اللي متأكد منها 100 % ولا يدخلها اي شك مهما كان واللي غيره اخلي حلها للمراجعه.
4- بعد ماخلصت النقطة في الرقم 3
احسب عدد الاجابات وهذا الرقم راح يكون درجتي المتوقعه في المقرر بعدين ابدا اراجع من جديد واركز على الاسئلة اللي ماجاوبتها واشتغل عليها بنظام الاستبعاد حتى اوصل للاجابه اللي اشوف انها صحيحه .


ملاحظات مهمه على اسئلة الاختبارات السابقة مع ان ذكرها هنا ممكن يسبب مشاكل لكثير من الطلبة ويطرح علامات استفهام كثيرة :
1- وانت تذاكر الاسئلة السابقة حاول تستنتج طريقة وضع الدكتور للخيارات لانه ممكن يساعدك كثير في الاسئلة اللي تعقدك في الاختبار.
2- فيه اختبارات يكون فيه خطأ في صيغة السؤال او الخيارات هنا تأكد ان الخطأ سببه الطباعه وبكذا حاول تغير كلمه في السؤال وتشوف وش راح يكون الجواب لانك بالطريقة هذي راح تكسب درجتين في حال كان جوابك صحيح . ( كيف ؟ بتاخذ درجة السؤال وبعد ماتطلع نتيجة اختبارك راح يضيفون لك درجات الاسئلة اللي كان فيه خطأ في صياغتها وبكذا حصلت على درجتين من سؤال واحد )


الله يوفقنا وياكم

[بنت النماص]

المشاركة الأصلية كتبت بواسطة gєℓηαя

^^

مو ضروري حبيتي كلامي او لا

لو مو ضروري كان ما رديتي المفروض يكون عندك تقبل لرأي الاخر

[جرح المشاكس]

متآآبع بصمت

[SMSRH]

اقتباس

"انا وبفضل الله الترم ذا جايب 4.5 والترم اللي فات 4.64 ولا افتح الماده الا قبل الاختبار بيوم انزل المحاضرات عالجوال جلكسي نوت شاشته كبيره واعلقه قدامي على قزاز السياره وامسك خط وامشي بشويش عالخط السريع لين ما اوصل للمحاضره السابعه يو تيرن ما اوصل مدينتي مره ثانيه الا وانا مخلص الماده وسامع كل محاضراتها بعض احان امشي اكثر من 700 كلم باليوم ... وكل يوم اتجه لمدينه مو شرط اوصلها مره اوصل للسابعه قبل ما اوصل المدينه اللي متجه لها الف وارجع .... الاختبارات اللي فاتت من تبوك وصلت الجوف والمدينه واملج وحقل والعلا
صحيح الطريقه تعب لكن انا استمتع بالقياده وبعدين ترتبط المعلومه عندي بالمكان اللي سمعتها فيه عالطريق فاتذكرها بسرعه اذا جاني سوال فيها
.....
تحياتي للجميع "






من جدككككككككككككككككككككككككككككككككككككككككك!!!!!
بجربها أشوف بس اتوقع حادث على طول

[SMSRH]

ريما عادل سلمت يديك

[SMSRH]

أخي : معقول

ياخي أنت مبدع ، أنت مو معقول أبداً :)

بصراحة
أشكرك

[فضيل]

المشاركة الأصلية كتبت بواسطة طالبة ينبع

نصيحه مني حب الماده او الدراسه بشكل عاام تجيب اربعه ونص وزياده بعد

فعلاً، انا مثلاً في مقرر الأدب اطلع شاعر والفقه فقيه والفيزياء عالم ( طبعاً هذا يخلي الواحد يحب الماده الممله ههههه)

المشاركة الأصلية كتبت بواسطة gєℓηαя

اللي يجي ويقول ذاكر وافتح محاضراتك اول بأول


مو كل الطلاب ما يفتحون محاضراتهم مو كل الطلاب ما يذاكرون


انا من ضمن اللي يذاكر ويهري نفسه هري من المذاكره لكن درجاتي كل مالها وتصير بالحضيض


تعبت من كثر ما اقول اني باخذ في كذا ماده a+ لكن اغلبها اما تجيني b او اقل منها

يا ترى طريقتي في المذاكره غلط او فيه شي انا ماعرفه


ولحد يجي ويقول انتي تذاكرين ليلة الاختبار << برد عليه وبقول احد يذاكر مواد تخصص اللي هو الانجليزي ليلة الاحتبار خل عنك بس


<<< معصبه

فعلاً اللي يقول اذاكر ليلة الاختبار واجيب +a ماهو دائماً يصير كذا وبعدين اكيد يتورررررررررط

المشاركة الأصلية كتبت بواسطة بنت النماص

تمام عليك تفكير صح

فعلاً صح

[فضيل]

المشاركة الأصلية كتبت بواسطة مجهوووولة

النجاح وضده الفشل الكل منا يريد االنجاح سواء النجاح الوظيفي أو
التعليمي أو التجاري أو غيره من الأمور النجاح مطلب كل الناس
ولكن الذي يريد أن يصل إلى النجاح يجب عليه أن يكون صادقاً في
طلبه للنجاح وأن لا يستسلم عند أي موقف أو فشل بل يحاول
حتى يصل إلى النجاح الذي يبحث عنه وإن فشل في المحاولةالأولى
يحاول المحاولة الثانية ولا يكرر الخطأ الذي وقع فيه بالمحاولةالسابقة
أي يسعى الى تحسين أخطائة ولا ييأس أو يستسلم.. اخي في الله لكل طالب الطريقه الخاصه في مذاكره ..للوصول الى الطريقه المناسبه يجب الطالب ان يتوكل على الله و يضع خطه مسبقه للمذاكره تناسب قدراته وظروفه المحيطه به واسلوبه في طريقة المذاكره سواء بالفهم او الحفظ ..
واسال الله ان يوفقنا وان يسر لنا امورنا في الدنياء والاخره..

فعلاً الذي ليس له هدف هو الخسران فعلياً !

أما الذي لم يحقق هدف ( فقد حقق هدفه بالبحث عن الهدف ) طبعاً صاير فيلسوف بعد مقرر نظرية المعرفة

[ريماس محمود]

حط لنفسك خطه وهدف مع الاصرار والعزيمه راح يتحقق المطلوب (اهم شئ تنظيم الوقت )

[ريماس محمود]

اقتباس

"انا وبفضل الله الترم ذا جايب 4.5 والترم اللي فات 4.64 ولا افتح الماده الا قبل الاختبار بيوم انزل المحاضرات عالجوال جلكسي نوت شاشته كبيره واعلقه قدامي على قزاز السياره وامسك خط وامشي بشويش عالخط السريع لين ما اوصل للمحاضره السابعه يو تيرن ما اوصل مدينتي مره ثانيه الا وانا مخلص الماده وسامع كل محاضراتها بعض احان امشي اكثر من 700 كلم باليوم ... وكل يوم اتجه لمدينه مو شرط اوصلها مره اوصل للسابعه قبل ما اوصل المدينه اللي متجه لها الف وارجع .... الاختبارات اللي فاتت من تبوك وصلت الجوف والمدينه واملج وحقل والعلا
صحيح الطريقه تعب لكن انا استمتع بالقياده وبعدين ترتبط المعلومه عندي بالمكان اللي سمعتها فيه عالطريق فاتذكرها بسرعه اذا جاني سوال فيها
.....
تحياتي للجميع "




صدقني ياأخي العزيز راح يجيك سهم من سهام الشيطان على ذالكلام (ربي يحفظك من عيون الحساد )