|
المشاركة للدوافير والمتابعة من اللي بيغى يصير دافور ^ــ^
السلام عليكم هذا موضوع يهم الجميع وهو : الطلاب والطالبات الي معدلهم فوق 4.5 الله يوفقهم ويزيدهم علم ومعرفة ويحقق أمنياتهم وللجميع نتمنى جميعنا نعرف هالأشخاص لأن عندنا أسئلة لهم وهم بالأكيد يودون لنا الخير وبعد يهمنا نعرفهم حتى نوجه لهم بعض الأسئلة وناخذ منهم بعض النصائح في المذاكرة والمراجعة وغيرها السبب أو الموقف : أول مره في حياتي انقل من ورقة زميلي في اختبار الترم الماضي تدرون وش المفاجأة !! طبعاً ماأعرفه ولايعرفني بس ماذاكرت والعادة جميع المواد تكون درجتي من 62 إللى 78 بالضبط هالمرة المفاجأة جبت 98 في المادة هذي :5::5::5::5: كيف صارت وليش جاب الدرجة كاملة إلا درجتين أكيد يعرف كيف يذاكر مو على عماها وعشان كذا لازم نفهم :) <<<<< برنامج سياسي على cbc المهم نبي والله طريقة المذاكرة من اللي جايبين فوق 4.5 بأمانه ومحبة خاصة أنا باقي في بداية الترم لايجي واحد حامل 4 مواد ويعطينا نصايحه ههههههههههه تكفون يكفينا اللي فينا وبس ^ـــ^ |
رد: المشاركة للدوافير والمتابعة من اللي بيغى يصير دافور ^ــ^
:21: شرفوووووووووونا لو تكرمتو
|
رد: المشاركة للدوافير والمتابعة من اللي بيغى يصير دافور ^ــ^
انا ابغى اصير فرن مهب دافور 😄😊
امزح امزح ذاكر وافتح المحاضرات اول بأول وتصير دافور 😄👍 |
رد: المشاركة للدوافير والمتابعة من اللي بيغى يصير دافور ^ــ^
حليب سنكولا
أفدتنا ماشالله ماقلنا فكونا ياللي شايلين 4 موااد :5: شكراً لوجودك بس خلنا نسمع شرح منطقي عاشقة أرواج شكراً لدعوتك لهم |
رد: المشاركة للدوافير والمتابعة من اللي بيغى يصير دافور ^ــ^
الجد والاجتهاد زين وناخوك ولكن انا اؤمن ان الناس قدرات وكل واحد له قدره معينه على الاستيعاب مالها دخل بالمذاكره |
رد: المشاركة للدوافير والمتابعة من اللي بيغى يصير دافور ^ــ^
لا أؤمن بما قلته أخي Flammable
:16: |
رد: المشاركة للدوافير والمتابعة من اللي بيغى يصير دافور ^ــ^
اقتباس:
هههههههههههه .. احترم وجهة نظرك بس هذي الحقيقه كل شخص له قدره على التركيز والاستيعاب.. يعني بالعربي مستحيل بين يوم وليله تصير دافور وايام الثانوي كنت ميح !! والعكس صحيح واسال الجميع!! |
رد: المشاركة للدوافير والمتابعة من اللي بيغى يصير دافور ^ــ^
اؤمن بما قاله Flammable وخاصه اذا تكلمت مع اولاد وقلت لهم قصه البعض يستوعب والبعض لا
|
رد: المشاركة للدوافير والمتابعة من اللي بيغى يصير دافور ^ــ^
اقتباس:
يابعدي الله يسعدك أنا كنت غير غير مقتنع في جملة "مالها دخل في المذاكرة" أما بقية كلامك أؤمن به جداً :27: |
رد: المشاركة للدوافير والمتابعة من اللي بيغى يصير دافور ^ــ^
التكرار يعلم الشطار
وطبعا كلناعندنا معلومة مغلوطة عن كلمة شاطر في ظننا انها كلمة حلوة لكنها العكس و معناها ان هالشخص بطيء الفهم او ذاكرته ضعيفة ولذلك قالوا هالمثل المشهور جدا لذلك يفضل انك تطبع الملازم قبل الشمس بخمس و تسمع المحاضرة و تخطط بالملزمة بعدين تراجع المحاضرة و تنتبه للاشياء المهمة و تحط عندها مارك او اي شيء او تلونها كل واحد له طريقته ثاني شيء المحاضرة الجديدة تسوي نفس الخطوات بالاضافة الى مراجعة و قراءة المحاضرات السابقة الاكيد ان هذا الشيء ماحيكون كل المواد في يوم يعني مثلا خصص لك يوم السبت مادة يوم الاحد مادة ثانية , الاثنين مادة ثالثة و هكذا مع التكرار حتثبت المعلومة في ذهنك و يكون عندك النقاط الرئيسية المهمة في المادة و يسهل عليك تذكرها و تخلصيها وووو طبعا الموضوع هذا مجهد و مضني و لكن اثبت نتائجه المبهرة للجميع << لكن انا ما اسويه لان ماعندي وقت حتى لو تلاحظون التقييم الي يسوونه للطلاب يتطلب هذا الشيء اتذكر ايام المتوسط و الثانوي كانت عندنا استاذة اي يوم يجيك الاستاذة و تسالك في اي درس من الخمس دروس السابقة وطبعا ما كانوا يقولون لنا ترى عندكم تقييم او شيء او بسالكم في هالدروس كنا نتفاجا وبعدين علمونا بالخطة الجهنمية اللي ماكان عندنا وقت لها ايام المدرسة بسبب المواد الكثيرة توصل الى 14 مادة و كل يوم 7 حصص يعني مستحيل يكفينا اليوم حتى نسترجع السابق و اللاحق بعكس الحين شوي فيه فضاوة حتى لو ساعة بعد الدوام تسمع المحاضرة و تتابع مع الملزمة و هكذا <<<<<<<< يوووووووووووووه طولت في الهذرة بس معليش اسمحوا لي :16: بالتوفيق جميعا :16: حملة خلونا دوافير :16: |
| All times are GMT +3. الوقت الآن حسب توقيت السعودية: 01:18 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه