[ استفسار ] موضوع سابق لأوانه ولكن

[*الماسه*]

موضوع سابق لأوانه ولكن........حابه اعرف

الحين الخريج وين يقدم؟؟
واذا هو موظف وحاب يرفع مستواه الوظيفي كيف يكون ذلك!؟

اكيد الاغلب نفس وضعي مو عارف بس يمكن ربي يرزقنا بشخص له اطلاع او قريب له خبره

[mohammed98]

اذا موظف او موظفه المفترض من اول مستوى دراسي بالجامعة يطبع خطاب من الأيقونة تثبت انه منتسب للجامعة ثم بعد ذلك يقدمها الي رئيسه بالعمل والاهم تكون علاقته مع رئيسه ممتازه عشان يوقع له ويرفع خطابه للمدير مع بعض التوصيات من قبل الرئيس يعني تضبيط بأن مثلا يكتب على الخطاب هذا من الموظفين المميزين والمنضبطين ع مستوى القسم او الادارة والخ هذا بتجيه الموافقه ان شاء الله وراح تفيده مثلا مرتبته الخامسة اذا جاب لهم الوثيقه ينقز الي المرتبه الثامنة مباشره اما اذا مرتبته الثامنه وفوق ماياخذ مرتبه ياخذ درجة او درجتين على حسب وكلها تحسن مستوى الموظف من جميع النواحي
نجي للتقديم عندك ديوان الخدمة المدنيه عندك مواقع الشركات ع الانترنت فيه شركات يوجد فيها أقسام خاصة بالنساء فقط بدون اختلاط وفيها العكس كذلك يوجد موقع ع الانترنت ينزل الوظائف المطلوبه وظائف حكوميه شركات اسمه وظائف كوم او سجلي بقوقل وظائف يطّلع لك مباشره وبالتوفيق ان شاء الله

[mohammed98]

وفي الاول والأخير كلها توافيق من رب العالمين فيه ناس ماتجيهم الموافقه نهائيا

[سليمان العيد]

المشاركة الأصلية كتبت بواسطة mohammed98

اذا موظف او موظفه المفترض من اول مستوى دراسي بالجامعة يطبع خطاب من الأيقونة تثبت انه منتسب للجامعة ثم بعد ذلك يقدمها الي رئيسه بالعمل والاهم تكون علاقته مع رئيسه ممتازه عشان يوقع له ويرفع خطابه للمدير مع بعض التوصيات من قبل الرئيس يعني تضبيط بأن مثلا يكتب على الخطاب هذا من الموظفين المميزين والمنضبطين ع مستوى القسم او الادارة والخ هذا بتجيه الموافقه ان شاء الله وراح تفيده مثلا مرتبته الخامسة اذا جاب لهم الوثيقه ينقز الي المرتبه الثامنة مباشره اما اذا مرتبته الثامنه وفوق ماياخذ مرتبه ياخذ درجة او درجتين على حسب وكلها تحسن مستوى الموظف من جميع النواحي
نجي للتقديم عندك ديوان الخدمة المدنيه عندك مواقع الشركات ع الانترنت فيه شركات يوجد فيها أقسام خاصة بالنساء فقط بدون اختلاط وفيها العكس كذلك يوجد موقع ع الانترنت ينزل الوظائف المطلوبه وظائف حكوميه شركات اسمه وظائف كوم او سجلي بقوقل وظائف يطّلع لك مباشره وبالتوفيق ان شاء الله

غلطان اخوي تنقير مافيه الشهادة ماتفيد على رأس العمل وانت مرتبة خامسة اوأقل إلا في حالة تسابق على مرتبة سادسة عن طريق جدارة أما اذا كنت مرتبة سادسة تفيدك نقاط ترقبة لكن بعد القرارات الجديدة تحتسب الأقدمية والتقييم فقط
وترى هالأمور بيد الخدمة المدنية أما رئيسك مو للدرجة هذي له صلاحيات

[ابو غدير]

المشاركة الأصلية كتبت بواسطة *الماسه*

موضوع سابق لأوانه ولكن........حابه اعرف

الحين الخريج وين يقدم؟؟

يكون متابع للوظائف عن طريق النت

واذا هو موظف وحاب يرفع مستواه الوظيفي كيف يكون ذلك!؟

يكون ذلك عن طريق المدير المباشر اذا كان نزيه ويخاف الله واذا كان العكس ماتفرق معاك وثيقة الجامعة مثلها مثل الثانوية للاسف

اكيد الاغلب نفس وضعي مو عارف بس يمكن ربي يرزقنا بشخص له اطلاع او قريب له خبره

لدي خبره في مجال العمل بعض الزملاء تخرجو من الجامعة البعض منهم استفاد ( واسطة ) والآخرين لم يستفيدون

[mohammed98]

لابالله ماني بغلطان يابو غدير انا يمكن ماوضحت مضبوط انا أتكلم عن التوظيف المباشر مو عن طريق الخدمة المدنيه لأن الخدمة المدنية توظف الجامعي على المرتبه 6 بينما التوظيف المباشر على المرتبه 8 اما من ناحية ماينقز من الخامسة الي الثامنه بعد الموافقه انا معي زميل في العمل مرتبته الخامسة وعنده موافقه بعد ماجاب الوثيقه نقزوه مباشرة الي الثامنة وكلامك صحيح يعتمد ايضا ع التقييم لازم آخر 3 سنوات يكون التقيم لايقل عن جيد جدا اما الرئيس انا ماقلت له علاقة مباشرة لكن توصيته تساعد بشكل اكبر هو بس يوقع تأشيره ع الخطاب ويحط مذكرة توصيه بأن هذا الموظف مثلا من افضل الموظفين ع القسم من الإنتاجية والانضباط وبعدين يرفعها للمدير والمدير يرفعها لمدير الادارة ومدير الادارة يرسلها عن طريق مراسلات بالإنترنت الي مدير تطوير القوى العاملة ثم بعد ذلك يشوفون وش مسماه الوظيفي هل هو متوافق مع التخصص اللي هو مأخذه مع الاطلاع ع تقاييم الموظف والخ ثم بعدين تجي الموافقه

[mohammed98]

اما اللي مرتبته الثامنه بعد مايجيب الوثيقه اذا عنده موافقه يعطونه استب واحد