موضوع سابق لأوانه ولكن
 

موضوع سابق لأوانه ولكن........حابه اعرف

الحين الخريج وين يقدم؟؟
واذا هو موظف وحاب يرفع مستواه الوظيفي كيف يكون ذلك!؟

اكيد الاغلب نفس وضعي مو عارف بس يمكن ربي يرزقنا بشخص له اطلاع او قريب له خبره :icon120:

رد: موضوع سابق لأوانه ولكن
 

اذا موظف او موظفه المفترض من اول مستوى دراسي بالجامعة يطبع خطاب من الأيقونة تثبت انه منتسب للجامعة ثم بعد ذلك يقدمها الي رئيسه بالعمل والاهم تكون علاقته مع رئيسه ممتازه عشان يوقع له ويرفع خطابه للمدير مع بعض التوصيات من قبل الرئيس يعني تضبيط بأن مثلا يكتب على الخطاب هذا من الموظفين المميزين والمنضبطين ع مستوى القسم او الادارة والخ هذا بتجيه الموافقه ان شاء الله وراح تفيده مثلا مرتبته الخامسة اذا جاب لهم الوثيقه ينقز الي المرتبه الثامنة مباشره اما اذا مرتبته الثامنه وفوق ماياخذ مرتبه ياخذ درجة او درجتين على حسب وكلها تحسن مستوى الموظف من جميع النواحي
نجي للتقديم عندك ديوان الخدمة المدنيه عندك مواقع الشركات ع الانترنت فيه شركات يوجد فيها أقسام خاصة بالنساء فقط بدون اختلاط وفيها العكس كذلك يوجد موقع ع الانترنت ينزل الوظائف المطلوبه وظائف حكوميه شركات اسمه وظائف كوم او سجلي بقوقل وظائف يطّلع لك مباشره وبالتوفيق ان شاء الله

رد: موضوع سابق لأوانه ولكن
 

وفي الاول والأخير كلها توافيق من رب العالمين فيه ناس ماتجيهم الموافقه نهائيا

رد: موضوع سابق لأوانه ولكن
 

غلطان اخوي تنقير مافيه الشهادة ماتفيد على رأس العمل وانت مرتبة خامسة اوأقل إلا في حالة تسابق على مرتبة سادسة عن طريق جدارة أما اذا كنت مرتبة سادسة تفيدك نقاط ترقبة لكن بعد القرارات الجديدة تحتسب الأقدمية والتقييم فقط
وترى هالأمور بيد الخدمة المدنية أما رئيسك مو للدرجة هذي له صلاحيات

رد: موضوع سابق لأوانه ولكن
 

رد: موضوع سابق لأوانه ولكن
 

لابالله ماني بغلطان يابو غدير انا يمكن ماوضحت مضبوط انا أتكلم عن التوظيف المباشر مو عن طريق الخدمة المدنيه لأن الخدمة المدنية توظف الجامعي على المرتبه 6 بينما التوظيف المباشر على المرتبه 8 اما من ناحية ماينقز من الخامسة الي الثامنه بعد الموافقه انا معي زميل في العمل مرتبته الخامسة وعنده موافقه بعد ماجاب الوثيقه نقزوه مباشرة الي الثامنة وكلامك صحيح يعتمد ايضا ع التقييم لازم آخر 3 سنوات يكون التقيم لايقل عن جيد جدا اما الرئيس انا ماقلت له علاقة مباشرة لكن توصيته تساعد بشكل اكبر هو بس يوقع تأشيره ع الخطاب ويحط مذكرة توصيه بأن هذا الموظف مثلا من افضل الموظفين ع القسم من الإنتاجية والانضباط وبعدين يرفعها للمدير والمدير يرفعها لمدير الادارة ومدير الادارة يرسلها عن طريق مراسلات بالإنترنت الي مدير تطوير القوى العاملة ثم بعد ذلك يشوفون وش مسماه الوظيفي هل هو متوافق مع التخصص اللي هو مأخذه مع الاطلاع ع تقاييم الموظف والخ ثم بعدين تجي الموافقه

رد: موضوع سابق لأوانه ولكن
 

اما اللي مرتبته الثامنه بعد مايجيب الوثيقه اذا عنده موافقه يعطونه استب واحد