|
ملتقى طلاب التعليم عن بعد جامعة الملك فيصل ملتقى التعليم عن بعد جامعة الملك فيصل انتساب ( الانتساب المطور ) ,منتدى النقاش التسجيل,البلاك بورد,التحويل انتظام,تسجيل المقررات,الاختبارات والنتائج. |
![]() |
|
أدوات الموضوع |
#1
|
|||
|
|||
لكل الدارسين محتاجه مساعدتكم بلييييز
السلام عليكم ورحمة الله وبركاته
انا كنت متردده في اكمال دراستي الجامعيه بس بعد ما دخلت هالمنتدى وشفت الحماس والتعاون تشجعت كثير اني اكمل دراستي واكون معاكم بس حبيت تساعدوني في اختيار القسم اول شي انامتخرجه عام 1418 وتزوجت وخلفت وعندي اربعه الله يخليهم لي سؤالي انا احب كثير اللغه الانجليزيه بس اخاف انها محتاجه وقت للدراسه يعني يبيلها وقت طويل اذاكرقيه وانا انجليزيتي مو ذاك الزود تنصحوني فيها ولا لا ثانيا التربيه الخاصه حبيت دراسته بس خايفه من وظيفتها يعني اخاف ما اتقبل التعامل مع المعاقين ثالثا قسم علم النفس احبه كثير وافهم فيه بس ماله مستقبل وظيفي رابعا قسم الدراسات الاسلاميه تخصصي بحكم اني خريجة مدارس تحفيظ القران واحبه بس برضوا خايفه من المستقبل الوظيفي عطيتكم فكره عن اللي في باللي والحين ابي رايكم اي قسم اختار وياليت اي وحده من اللي درسو تعطيني فكره عن دراستها وموادها ومعدلها واخيرا عن الرسوم بكم السنه وجعل من يردعلي ييسر له النجاح والوظيفه وشكرا |
![]() |
#2 |
أكـاديـمـي ألـمـاسـي
![]() |
رد: لكل الدارسين محتاجه مساعدتكم بلييييز
عليكم السلام
انا انصحك بتخصص تربية خاصة انجليزي صعب واذا ماتعرفين شي مالك وماله تربية حفظ وسهل الرسوم 2465 تخصصي تربية مستوى اول |
![]() |
![]() |
#3 |
أكـاديـمـي مـشـارك
![]() |
رد: لكل الدارسين محتاجه مساعدتكم بلييييز
وعليكم السلام ورحمة الله وبركاته
البارونه حبيبتي حياااك الله بينا اول شي الله يوفقك في زواجك ويخليلك عيالك ويخليك لهم يااارب .. بالنسبه للدراسه شي حلو انك تكملين دراستك سواء توظفتي بعدها والا لا .. والتخصص انا انصحك بالانجلش لأنك راح تستفدين منه في اللغه راح تقوى عندك .. غير كذا مجالاته اكثر من ناحية الوظيفه .. لكن يبيلك تتفرغين له عشان تجيبين المعدل الحلو .. لأنه فيه ادب وشعر شكسبير وتفسيره وفيه شوي من البلاغه وفيه صوتيات وكيف تنطقين حروف العله .. كذا يعني .. انا عندي اخوي كان تخصصه انجلش في جامعة الملك فيصل وجبت هالمعلومات منه .. وعلى فكره فيه كثير متزوجات ومتزوجين داخلين قسم انجلش .. بالنسبه للتربيه اذا حابته هو قسم ما يخوف اللهم انه يخص فئه من الناس لهم حالات خاصه وتعامل خاص .. هذا القسم اتوقع ما تحتاجين تتفرغين له كثير زي الانجلش .. علم النفس ما ادري اذا موجود هذا القسم ضمن مسارات التربيه والا لا .. من رايي هو حلو تاخذين معلومات فيه بس مو تتخصصين فيه لأن مثل ما قلتي ماله مستقبل وظيفي .. دراسات اسلاميه ما في له وظيفه الا مدرسه تقريبا وكثييير اللي متخرجات منه ويبون يتوظفون يعني المجال ضيق مره .. وعموما مافي تخصص سهل او صعب كلهم حسب اجتهادك وميولك .. انا تخصصي انجلش مستوى ثاني ولسه ما بعد نتخصص فيه .. واعترف لك انا مو مره فيه بس مع الاجتهاد مافي شي مستحيل .. الدراسه مره حلوه ومريحه بالنسبه لي المواد كانت سهله الترم الاول تدرسين 7 مواد اساسيه والرسوم 2465 الترم الثاني يخيرونك بين 10 مواد وانتي تسجلين حسب معدلك اذا فوق 2 ونص اقصى حد لك تسجلين 9 مواد انا كان بإمكاني اسجل 9 مواد بس سجلت 7 مواد والرسوم حسب عدد الساعات الساعه بـ 165 ريال و دفعت 2310 ريال |
التعديل الأخير تم بواسطة الفاتنه~ ; 2010- 6- 25 الساعة 05:42 AM |
|
![]() |
![]() |
#4 |
أكـاديـمـي فـعّـال
![]() |
رد: لكل الدارسين محتاجه مساعدتكم بلييييز
يعطيكم العافيه ما قصرتو ياليت اراء ثانيه
|
![]() |
![]() |
#5 | |
:: مشرف عام::
ملتقى التعليم عن بعد (فيصل) سابقا واحد مؤسسيه ![]() |
رد: لكل الدارسين محتاجه مساعدتكم بلييييز
اقتباس:
هلا اختي بخصوص التخرج مافي اي مشكله المهم هو الثانويه العامه بغض النظر عن المعدل وسنة التخرج التخصص انا لاحظت انك تبحثين عن التخصص الأكثر نسبه في التوضيف وطبعا الوضيفه رزق قد كتبه الله لك لايعلم احدنا هل له نصيب في الوضيفه او لا ولكن الأخذ بالأسباب واجب والأنجليزي والتربيه الخاصه وعلم الجتماع والدراسات الأسلاميه متقاربه في التوضيف ولو ان اللغه تفرق بزيادة الطلب والتربيه بندرة التخصص والأجتماع بكثرةالمجالات والدراسات الأسلاميه خير لك في الدنيا والأخره تحتارين ويحتار الكثير في اختيار التخصص ولكن ماخاب من استخار ولكن يجب ان يكون طلب العلم هدف يسعى له الشخص حتى لو لم يجد وضيفه لاتخشين من الأنشغال وعدم وجود الوقت لواردتي ذلك وحرصتي عليه لكان عندك وقت كبير اعرف احدى الطالبات معنا ارمله ولديها اربع اطفال وتعول والديها وتدرس وقد حصلت على معدل عالي في الترم الماضي نعم ..... انسانه تستحق ان يرفع لها القبعه تقديرا لها وان يتشرف ابناءها بها اختي اتمنى ان اكون قد افدتك اتمنى لك التوفيق والنجاح تحياتي |
|
![]() |
![]() |
#6 |
أكـاديـمـي فـعّـال
![]() |
رد: لكل الدارسين محتاجه مساعدتكم بلييييز
الف شكر اخوي ابو فهد
|
![]() |
![]() |
مواقع النشر (المفضلة) |
الكلمات الدلالية (Tags) |
محتاجه, مساعدتكم, لكل, الدارسين, بلييييز |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
بليز محتاجه مساعدتكم | سعوديه حره | منتدى كلية العلوم و الآداب بالخفجي | 7 | 2010- 7- 5 06:40 AM |