المشاركة الأصلية كتبت بواسطة صالح أبو عايض

الشكر لك ابن عيده وللاخت ام شهد ولوسيندا والمنادي وغيرهم والمعذره اذا سقط اسم من كل من قام بشي لاخوانه واخواته الشكر موصول والدعوات لهم جميعآ وكل الجنود الخفيه ان لم نعلمهم فالله سبحانه يعلمهم والله يعطيكم العافيه جميعآ ومن حسن حظنا ان دفعتكم قبلنا وفادتنا كثير في التبويبات والملخصات والشروحات وللامانه اختصرتوا علينا شرح وكلام بعض الدكاتره هداهم الله

السؤال ياخوان الاخت ام جهاد الله يحفظها ابحث عنها هل هي متواجده وفي اي دفعه او هي من المتخرجات ؟ اعذورني على جهلي لكن هالبنت ماشاء الله تبارك الله توزن بذهب وافضل من كذا دكتور عندنا وهل هي اسمها ايلاف او ان ايلاف شخص ثاني بصراحه تستاهل الشكر على جهودها ومساعدة الجميع واي كلام قليل فيها والله يحفظها ان شاء الله

بصراحه نغبطكم على وجود اشخاص مثل الي ذكرتهم او سقط اسمهم وماذكرته وعلى نشاطكم وفعاليتكم في كل شي

لكن استغرب بموضوع الدكتور السهلاوي وانكم اعتمدتوا على كلامه ان لا تراجعوا الاختبارات السابقه اسمحوا لي برأي صغير المفروض الكل يكون مذاكر الماده ولا تفرق معه الدكتور قال كذا او لا وهذا ماعرفناه عنكم وللاحتياط كان الشخص يمر ويراجع في النماذج السابقه اقلها عشان تنشيط معلوماته وانا بصراحه استغربت من البعض لومه على الدكتور وانا اشوفه من افضل الدكاتره واذا قال هذا مهم فيكون مهم وشرحه لنا في الاداره الماليه ١ كان جميل وسهل علينا الكثير من الامور الدسمه وقال لنا مثل ماقال لكم لا تعتمدوا على اسئلة الاعوام السابقه لكن الكل راجعها وكان واضح في المحاضره المباشره ٤ يركز على امور جت في اختبارات سابقه وكرر اسئله كانت موجوده " بصراحه صرت اشك ان الدكاتره ماعندهم كل الصلاحيه في وضع الاسئله " او انهم ماعندهم اي صلاحيه والله اعلم لكن يكون عندهم علم في الاسئله فقط

تحياتي للجميع وبالتوفيق ان شاء الله والمعذره على الاطاله