|
لكل وحده انسرق الايفون تبعهآ بالكلية او اي مكآن !!
شفت هذا الموضوع باحد الموآقع وقلت احطه عشان البنات اللي ينسرق جوآلهآ لا سمح الله :)
اقتباس:
جوالي 4 اس واحد القلائل الذين استطاعوا الاستفادة من خدمة find my iphone والان مع التفاصيل
وقفت مع الشباب يوم الاربعاء الماضي في احد محطات طريق الثمامة ونزلت البقالة رجعت ركبت السيارة حركنا
بعد اقل من دقيقة، دورت الجوال ماحصلته، دقوا عليه الشباب، اعطانا مشغول
وقتها وقفت بي الدنيا، كنت استنى اسمع صوته من تحت الكرسي ولّاشي، لكن وقفت بي الدنيا حرفيا
دقوا عليه ثانية وثالثة ورابعة ويعطي مشغول كل مرة الين طفاه، ماشغله ذيك الليلة
طبعا انا مااحط رمز قفل على جوالي بالعادة، عاد لما رجعت الغرفة اخر الليل فتحت icloud واعطيت امر رمز قفل ونمت، لما قمت الصباح للدوام لقيت الجوال اونلاين وتم تنفيذ الامر وحددت الموقع، طبعا انا محمل برنامج من icaught u pro من السيديا
للي مايعرف البرنامج هذا، فه باختصار شديد يرسل لك ايميل عندما يقوم احدهم
بادخال رمز القفل بشكل خاطئ، يحتوي الايميل على المعلومات التالية: الموقع، الوقت، التاريخ، وصورة للسارق من الكاميرا الامامية، كل هذا بدون علم السارق !
ايضا يمنع السارق من اغلاق الجوال ويرسل لك ايميل بنفس المعلومات عندما يقوم احدهم بمحاولة لاغلاق الجوال
وايضا الكثير والكثير من المزايا الرائعة جدا
استاذنت من الدوام، ورحت للشرطة (وبعد الكثيييييييييييييييييييير من المرمطة) طلعوا معاي دورية فيها عسكري وواحد من المباحث بثوب ركبنا سيارة خاصة، حسيت اني في فلم اكشن
رحنا للموقع، وطلع نفس المحطة اللي فقدتها فيه ومن الصورة اللي وصلتني على الايميل انه بنغالي، رحت ادور عليه في المحطة مالقيته، سالت العامل اللي كان يعبي بنزين، تعرف هذا؟ قال ايه، نايم جوا
ورحت علمت الشرطي وينزل هو وخويه وندخل عليهم في غرفتهم ويشغل عليهم اللمبات ويقومهم من النوم ونحصل راعي الصورة
ويدبغه العسكري، قام البنغالي بنفسه اعترف وقال ادري الجوال الجوال ويطلعه من شنطته
وياخذه التوقيف ورجع لي جوالي
وعمّت السعادة على الجميع
لي انا على الاقل مو البنغالي
تحديث
البرنامج هذا فيه خيارات كثيرة جدا
1- اي احد يدخل الرقم السري غلط يتم تصويره وارسال ايميل لك بالموقع والصورة والوقت والتاريخ
هنا مثال للايميل اللي جاني
2- اي احد يحاول يطفي جوالك يجيك ايميل بنفس التفاصيل اللي فوق
3- يمديك تعطي امر تصوير صورة من الكاميرا الامامية
4- يمديك تعطي امر تصوير صورة من الكاميرا الخلفية
5-يمديك تعطي امر ارسال احداثيات
6- امر اصدار صوت تنبيه
7- اغلاق الجهاز او اعادة تشغيله
8- يرسل لك الرسائل اللي توصل للحرامي
9-مسح المعلومات
--10 تشغيل الموسيقى
11 -منع الحرامي من اطفاء الجوال
12- الوضع الخادع، الوضع هذا باختصار اذا فعلته، الحرامي
يدخل على جوالك حتى لو حط الرقم السري خاطئا ظنا منه انه خمن الرقم السري ابو العريف
مع تحديد البرامج اللي مايملك كنترول عليها، مااشوفها مفيدة هذي انا
13- الاحلى من ذلك والاخطر انه يمديك ترسل رسالة لتفعيل الداتا لو انت من النوع اللي مايخليها شغالة، طبعا الرسالة تكون sms او imessage
باختصار البرنامج جبار جدا جدا جدا
|
التعديل الأخير تم بواسطة zσσz яαsнιd ; 2013- 6- 28 الساعة 05:44 PM
|
2013- 6- 28
