 |
|
||||||
| ملتقى المواضيع العامة منتدى المواضيع العامة والنقاش الهادف |
 |
|
|
أدوات الموضوع |
|
#1
2007- 7- 18
|
||||
|
||||
الله لا يوريكم الي شفته في الرياض
مساء الخير
شلونكم؟؟ والله قاعدة اكتب لكم وانا مو قادرة حتى احرك اصابعي على الكيبورد من زود الي شفته في عاصمتنا الغالية الرياااض <<< اي يصير خير :mh19: عاد الله يسلمكم طبعا تدرون الرياض بعيدة عن الحسا يعني خذت يمكن في القطار ثلاث ساعات او اكثر شوية بالموووت وصلنا الرياض العاصمة خبري فيها من قبل سنين <<< بتقولين قصة حياتج؟؟؟؟؟؟ المهم ماعلينا نرجع لمحور حديثنا على اساس الله يسلمكم اني سجلت بالنت في مستشفى القوات المسلحة في الرياض وحاطين رقم قلت ادقه استفسر وقال لي انتي لازم تجين الأربعا آخر يوم وانا كنت داقة الثلاثا ولازم تجيبين وياج كذا وكذا وكذا وهذر فوق راسي قلت بخاطري والمباراة؟؟؟؟؟؟ <<< هذا الي هامها!!!!:mh2578: طبعا تعتبر تضحية اني اروح وافوت مباراة المنتخب بس قلنا يلا نلحق هالمستقبل المايل عاد اهو عطاني العنوان وقال لي مبنى ستين انزين وندور بهالسيارة من مكان لمكان لفينا على المستشفى فوووق الخمسين مرة وموشايفين مبنى الستين على قولته بالموت لقيناه واستخدمت مبدأ الي يسأل ما يتوه  وسألت وحدة قالت لي روحي الدور الرابع ونروح والأخ يقول مافي تسجيل نعم؟؟؟ مافي تسجيل شلووون؟؟؟:s12: وادق على الرجال وهات ياهواش  قال انتي في المبنى الخطأ تعالي مبنى رقم 6 مو ستين انا وصلت حدي منه:bngo12: قلت اوكي وطلعنا ولا اكو سيارة وماتتخيلون شقد مرافق المستشفى كببببببببيرة تكسرت رجولي واحنا ندور المبنى وشوطنا الشوارع مادري شكثر لو متعمرة وحاجة اصرف لي هههههههه بالموت طلع هالمبنى ويطلع شي مختللللللف كليا مركز الامير سلطان لجراحة القلب ها ؟؟؟؟؟ انزين قال الي سجلتوا فيه يختلف عن هذا وهذاك بس تنتظرون النتايج يوم الاثنين على النت انزين انا من زود القهر قمت سجلت في هذا قلت واصلة على هاذي وهاذي بس الله لا يوووريكم كل شي زفت كمبيوترهم اخترب وطابتعتهم مادري شفيها وحالة ودنيا طبعا عشان نعبي بياناتنا رحنا مبنى 3 المقابل لـ6 وقضينا فيه 3 ساعات وعفسة ودنيا بعدين انا بديت اتنحش عشان ما اسجل :d1: بس قلت يلاااااااا وعبيت بياناتي ورجعت لمبنى 6 وقدمت ملفي والصور والعفسة انزين من دافع الفضول سألتها كم الي قدموا؟؟ قالت البنات فوق 145 طالبة والاولاد نفس الشي ويمكن اكثر قلت لها طيب كيف يكون القبول:mh19: قالت اول شي تشوفين النت يوم الأثنين اذا انقبلتي وله لأ واذا طلع اسمج هذا اذا تجين تمتحنين قلت لها هذا مثل الاختبار التحصيلي وانا مختبرته قالت لا لازم اختبار خاص بالمركز بعدين بعد ما تخلصين وهذا ذا كانت درجاتج عالية وانقبلتي مقابلة شخصية هذا اذا عديتيها انزين قلت لها بكل براءة كم عدد المقبولين؟؟؟ شنو تتوقعون قالت 15 بنت و15 ولد بسسسسسسسسس قلت لها نعم ؟؟؟؟ :c17: انا وصلت حدي قلت لها اي 15 بنت 14 واسطة ووحدة حظها يكسر الصخر ماردت علي وطلعت وانا معصبة هذا بأختصار الي صار لي شفتوا الي قلته من شوي حلقة من مسلسل ضياع المستقبل الي قاعدين نمر فيه صحيح الأمل بالله كبير بس احنا حاولنا وحاولنا شنو قاعدين نشوف هذا وانا جايبة في التسعينات وهذا حالي شيسون الي في الثمانينات؟؟؟ هاذي سلبيات روحتي :t5: بس الأشيا الإجابية في الرحلة أهي : الضحك :003: البلوتوث ههههههههه حوستنا في غرفة السكرتيرة ولا بعد خلينا لها ذكريات ههههه روحتنا لبرج الفيصلية واكيد باسكن روبنز هههههههه هذا الي صار لي بأختصار اتمنى انكم ما زهقتوا ولا تنسوني بالدعاء اختكم: ريـــــــــم 
|
|
2007- 7- 19
|
#2 |
|
عضوة في الفريق الإعلاني 
|
رد: الله لا يوريكم الي شفته في الرياض
حمدالله على سلامتك ريم ...
|
|
|
|
2007- 7- 19
|
#3 |
|
مؤسس الملتقى
|
رد: الله لا يوريكم الي شفته في الرياض
¤§©¤ ريم ¤©§¤ بدون تعلييييييييييييق  بعد كل هالتعب و الروحة و الجية ... يطلعون المقبولين بس 15 طالب و 15 طالبة  الله يعينكم صرااااحة .. كل ما لهم و يصعبون القبول :070: |
|
|
|
2007- 7- 19
|
#4 | |||||||||
|
من مؤسسي الملتق
|
رد: الله لا يوريكم الي شفته في الرياض
اقتباس:
أفتقدنا وجودج صراحة .. حسينا فيه شي ناااقص في الملتقى :222g: يلا لازم ترتاحين و تنامين عدل .. أنتي تعبانة ألحين اقتباس:
 اقتباس:
اقتباس:
أكيد رزقج ما رايح يضيع ... و الله كاتبه لج و محفوظ اقتباس:
اقتباس:
اقتباس:
اقتباس:
اقتباس:
و إن شاء الله تعبج ما رايح يضيع ببلاش |
|||||||||
|
|
|
2007- 7- 19
|
#5 |
|
:: مــشرف سـابـق :: 
|
رد: الله لا يوريكم الي شفته في الرياض
مسلسل ممتع
متى الحلقة الجاية >>> يستظرف  طيب يا اخت ريم انا حسب علمي ان القوات المسلحة التسجيل بالنت بس ... ويوم الاثنين القادم تظهر نتايج الترشيح على النت يعني ليه رايحه أصلاً ؟ |
|
|
|
2007- 7- 19
|
#6 | |
|
أكـاديـمـي مـشـارك
|
رد: الله لا يوريكم الي شفته في الرياض
اقتباس:
ربي يساعدكم ان شاء الله و تنقبلين بكل مكاااااااااان ياربي يا حبيبي تحياتي |
|
|
|
|
2007- 7- 19
|
#7 |
|
أكـاديـمـي
|
رد: الله لا يوريكم الي شفته في الرياض
ياطولها والله مافيني حيل اقراء
لوووولبس شكلك تعبتي وانشاء الله تعبك يجيب نتيجه وتنقبلي هناك .. |
|
|
|
2007- 7- 19
|
#8 |
|
طـالـبـة مـاجسـتـيـر
|
رد: الله لا يوريكم الي شفته في الرياض
ياريم الله يوفقك
وما تدرين يمكن تطلعين وحده من 15 المقبولين ربي قادر على كل شي تخيلي انا لما قدمت للماجستير كنا والله فوق 300 بنت قلت استحاله انجح في الاختبار لانهم يبغون 12 وبعدين طلع اسمي وترشحت للمقابله وقلت في نفسي استحاله انجح لانهم بيختارون خمس بس والحمد لله طلع اسمي اول اسم ماتدرين لو لك رزق بتاخذينه |
|
|
|
2007- 7- 19
|
#9 |
|
أكـاديـمـي فـضـي
|
رد: الله لا يوريكم الي شفته في الرياض
ههههههههههههههههههههههههههههه..
:003: بجد قصة تضحك وتبكي في نفس الوقت ..!!!حرام والله حرااااااااااام ناس تتعب وتكرف طول السنة عشان تجييب معدل يرفع الراس وبعدين تلف الجامعات والكليات كلها وبالأخيــر الي عندها واسطة تمشي زي الحلاوة وياليت بعد نسبتها اووكي الا تفشللل والي جايببن اووكي مساكين جالسين بالبيت  وينتظرون على أحر من الجمر ..:bngo12: بس مااقول الا الله كريـــــــــــم ويعطيك على قد نيتك ولكل مجتهد نصيب وان شاء الله نصيبك راح تلقينة يارب ويعجبك الله يعيننا ويوفقنا يارب ..:praying: :s12: يارب ننقبل بالفيصل بدل العبالة كلها مليـــــــــــــــــــــــــــــــــــــــــــــــ ـــــــــت اختبارات ومليت تسجيل ومليت انتظار والله بجد الحين حسيت بقيمة المدرسة وايامها الحين لو الود ودي ترجع ايام اختبارات الوزارة والصيااح والخوووف احسسن بكثير من هالحالة مو اجازة هذي والله ننام ونجلس على اختبارت ونسب وتسجيل الله يفرج ويوفق يارب الجميــع..:praying:
|
|
|
|
2007- 7- 19
|
#10 |
|
أكـاديـمـي فـعّـال
|
رد: الله لا يوريكم الي شفته في الرياض
حرام والله حرااااااااااام
يساعدكم ان شاء الله و تنقبلين بكل مكاااااااااان ياربي يا حبيبي تحياتي |
|
|
|
| مواقع النشر (المفضلة) |
| الكلمات الدلالية (Tags) |
| الله, الى, الرياض, يوريكم, شفته |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| المقبولون نهائياً للدراسات العليا بجامعة أم القرى | ★ NiGhT AnGeL ★ | ملتقى الدراسات العليا و الابتعاث | 2 | 2007- 9- 19 11:46 PM |
| في فضلِ شهر رَجَب وأعمالِه | المنسي | ملتقى المواضيع العامة | 4 | 2007- 7- 19 06:13 PM |
| غذاء الرسول صلى الله عليه وآله معجزة إلهية .. | محمد | ملتقى الكليات الصحية بالاحساء | 2 | 2007- 7- 4 08:46 AM |
| ماذا تعرف عن جبرائيل عليه السلام | جنون الحب | ملتقى المواضيع العامة | 2 | 2007- 6- 30 08:00 PM |
| الا رسول الله صلى الله علية وسلم | المحروم98 | ملتقى المواضيع العامة | 1 | 2007- 5- 14 07:26 AM |
