اخذ الامر بطريقه سياسيه

بحيث صورتي ماوسخها , ودام اني بتضرر اي كان الضرر وحتى لو من اقرب الناس لي فأقطع العلاقه وبنفس الوقت انا متواصله عشان مااكون قاطعه للرحم ,


طيب اقرب لكم الصوره بشكل اوضح ..مثال واقعي

ولد عم ابوي ( بالاسم طبعا ) اخته طليقه عمي , فـ أمه اخذت عيال بنتها عندهم وعمي فضل ان العيال عند امهم لانهم لسى صغار , هذي جدتهم اخذتهم ولاعاد خلت ابوهم(عمي) يشوفهم ( فوق سنه تقريبا)
وزياده جدتي ام ابوي ارسلت لهم هدايا للعيال ولدها ولا رضيت تعطيهم اياها
فالعلاقه سيئه جدا جدا لابعد الحدود وفيها محاكم ..

- انزلت هالجده هنا
وابوي قابل ولد عمه وبارك له بوصول امه بالسلامه وقاااله .. خلي الوالده تجي عندنا وتراها معزووومه و ...و...

الرجال ( ولد عمه ) انهببل اندلخ ..مو مصدق ...حضن ابوي وقاله ي شيخ احنا اخوان مو عيال عم ..

- معتقدين من جد بندخلها بيتنا ونعزمها ونزعل جدتي عشان وحده حرمت ولدها من عياله ..مستحيييييييييل ..

يوم قلت لابوي وشلون ابوي كذا تقوله ... قالي يبنتي هذي بويه لاغير ..عشان صورتي ماتتوسخ واكسبه في صفي واحرجه من نفسه و اتقي شره...


الزبده واللي عليكم تسوهـ
اول شي القضيه المرفوعه واصلوا فيها ولاتتنازل امش ابد ..وهذا مو وسخ دنيا لا " المال والبنون زينت الحياة الدنيا" وهذا حق من حقوقها , يمكن تبغى تتصدق بفلوسها تساعد محتاجين تكفل بايتام تعول اسر تعين زوجها ....الخ اي كان ورثها ولها الحريه فيه , واسلامنا اعددل واعرف ولذلك فرض الارث وماسماه وسخ دنيا ..وفيه ايضا تصفيه نفوس , يعني لو تموا سارقينه .. عيال عيالش وعيالهم بتنسرد لهم القصه ..فلانين هم اللي سرقوا ورث امنا ... و الخ من المشاكل اللي بتحدث ..

ثاني شي انتوا البنات وخوانش مو ملزمين عشان تصلون الرحم انكم تزورنهم وتقهون عندهم موب هذا الرحم , امش تكفي عنكم بالاتصال
ولكن انتم ويا امش قدام الناس في المناسبات لاتتجاهلونهم ان سلموا عليكم او مريتوا قدامهم لا , لان هذا مهما كان بينكم الناس عليها بالظاهر ..بالعكس كونوا سمن ع عسل ..


ودام ان هم يكلمونكم ولا كان شي كبير بينكم ..انتم نفس الشي عاملوهم ..
معليش هم عارفين نفسهم كذابين كملوا التمثليه وكانكم تتطبقوا مثل مزحه برزحه بس بشكل ثاني ..


______

كلامي بناء على اللي ذكرتيه ولا المفروض مااقول الابعد مانسمع الطرف الثاني لان بكل تاكيد كل طرف منكم يشوف الثاني غلطان ..
وعلى ماقالوا اذا جاك صاحبك يشتكي ان فلان فقع عينه لا تحكم الا لما يجي فلانه يمكن ذاك فقع عينيه ( يعني الثنتين )
____

سلام لش ي خاالتي اذا كنتي متاابعه




استغفر الله واللهم اكفينا شر كل ذي شر ..

الله يكون بعونكم ويرحم جدكم ~

بصراحه هـ الحركه صايره لـ امي

خالي اخذ عليها ورثها .. وقاعد يلعب فيه ..

وهي ساكته .. ولا تكلمت .. تقول ما ابي اخسر اخوي

لجل وصخ دنيا مصيره لـ الزوال ..

وانا واخواني كلنا نعماله مثل ما نعامل باقي خوالي

(بالحسنا .. وعمرنا ما غلطنا عليه او قاطعنااه)

مع ان الله مو مهنيه بـ اللي خذاه ع امي

بس الى الان ما وعي ع نفسه عسى ربي يهديه