|
مدونات الأعضاء قسم خاص يستطيع العضو انشاء مدونة خاصة به يكتب فيها مايشاء حسب قوانين الملتقى. |
|
أدوات الموضوع |
#1
|
||||
|
||||
~كلمات ستبقى بعد رحيلي~ ❤ .رﭝ۾ـۉ
[align=center]
السلام عليكم ورحمة الله هذه كلماتي اكتبها اليوم وستبقى بعد رحيلي ساكتب عن مافي حياتي من انا وماهو عالمي وشخصيتي ما احب وما آكره لحظاتي بكل تفاصيلها فرح حزن ضحك بكاء اجتماع جنون مغامره ماعجز لساني ان يبوح به ستجدونه بين سطوري اللهم اجعلني كالغيث إذا اقبل استبشر الناس واذا حط نفعهم وإذا رحل ظل اثره فيهم [/align] |
2010- 11- 14 | #2 |
أكـاديـمـي ألـمـاسـي
|
رد: ~كلمات ستبقى بعد رحيلي~ ❤ .رﭝ۾ـۉ
[align=center]
بتاريخ 7/12/1431هـ الساعه 10:42 قررت ان اكسر حاجز الصمت لتدخلو الى تفاصيل حياتي فتنيروها بتواجدكم بين سطورها اسمي / لم اختاره ولم يخيروني ولكن الاكيد انه مدون في السماء قبل ان اولد لازمني منذ ان رات عيناي نور الحياه وسيلازمني حتى بعد وفاتي ارجو ان يكون مصحوبا بعبارة رحمها الله عمري / من اول صرخه بعد ولادتي الى اخر يوم الفظ فيه انفاسي بينهم سنوات لا اعلم كم عددها مرت 24 سنه ولا ادري كم تبقى منها ولاكن اتمنى ان يكون عملي رضى لله واخر كلماتي شهادة ان لا اله الا الله ترتيبي بين اخواني السابعه ,,,, الحاله الاجتماعيه/ سأضع لها صفحه خاصه بين سطوري هوايتي / كتابة الشعر والخواطر بدفتري الخاص ,,, الطبخ ,,, الترتيب والتنسيق بالديكور والاثاث التصوير ,,,شراء العطورات ,,, المغاااامره احب / بالحياه الدينيه الدعاء والصدقه بالحياه طلعات البر والبحر والتأمل بشخصية الناس الصدق والوفاء التواضع حسن الظن والتعامل بحسن الخلق بالاكل ماحب شي محدد واللي اكله امس ماحب اكله اليوم <= لاتلومونها طباخه بالمشروبات البارده ما اشرب غير الببسي والمويه بس احييييان اشتهي عصير برتقال او فراوله بالجوافه الساخنه الكابتشينو والقهوه العربيه اكره / الاجتماعات العائليه الزايده عن حدها <= اعاني منها بقوووه زحمة السوووق اكره بالناس سوء الظن والتكبر والكذب والحش والانسان اللي ماعنده ذوق بالفاظه الخيانه نكران المعروف طبعي / طيبة قلب لابعد حد حنوووووونه لدرجه كل عيال اخواني يحبوني اكثر من امهاتهم الوفاء والتضحيه وحسن الظن ولا اجرح انسان بكلمه وإذا شفت تصرف مايعجبني التمس للشخص الف عذر ما اشيل بخاطري على احد واتمنى الخير لكل انسان اعرفه حتى لو جرحني استحي ومو اجتماعيه بس في ناس اخذ عليهم من اول مره اجلس معهم اهم صفه فيني ومايعرفها غيري اني احب ادعي لكل انسان تشوفه عيني اعرفه او ما اعرفه حتى وانا اصلي بالحرم وسمعت اللي جنبي يدعي اقول يارب استجيب دعائه وارحم ضعفه وانكساره بين يديك [/align] |
التعديل الأخير تم بواسطة ReemoOo ; 2010- 11- 14 الساعة 12:09 AM |
|
2010- 11- 14 | #3 |
أكـاديـمـي ألـمـاسـي
|
رد: ~كلمات ستبقى بعد رحيلي~ ❤ .رﭝ۾ـۉ
[align=center]
طــــــــــــفـــــــــولـــتــــي رائعه مضحكه تعبت امي فيها طبعا اختي اللي اكبر مني جت عقب 5 اولاد فطلعت البنت بوي مافيها ذرة انوثه وجيت انا عقبها هههه وحط ابوي كل الانوثه فيني كنت دبدوبه وشعري طوووووووويل كان مثقل علي بالحيل صرت دلوعة ابوي ,,,, خوالي يموتوووووون فيني وانواع الدلع ماكنت اعرف شي اسمه خووووف واي احد يناديني اروح له <= ياما كنت بنخطف ما احب احد يلبس مثلي ولو اشوف بنت لابسه مثلي ما عاد البس اللبس ابببببببد اهم شي عندي الايسكريم واذا شرينا انا اخر وحده اكله حتى لو ساح على ايديني المهم ماخلصه قبل احد ياكثر ماتطاقيت مع عيال الحاره ومافي الا قوة تقطيع بشعري بالسياره ما اركب الا قدام بين ابوي والباب حاشره نفسي هههههه كنت احب ولد عمي وياويل وحده من بنات الجماعه تكلمه كنت مفضوحه وعمي مصورني بالفديو بحركاتي اكثر من مقطع جنب مدرستي بيت وعندهم شجرة توت مستحيل اطلع من المدرسه وما امرهم اطق عليهم الباب واقولهم ابي توت ياحليلهم مدري وشلون كانو صابرين علي واذا طلعت من المدرسه مستحيييل ارجع للبيت على طول لازم اخذ كم لفه على بيوت صديقاتي ياما انطقيت وتهزأت من امي لاكن ما اتوب هدية نجاحي سيكل ولا ارضى بغيره ابد واستحقر اللي يجيب لي عروسه اذا اخذت قلم من اختي وضيعته اقول اني رجعته لها وتبلش امي بينا واذا لقيته اروح احطه بشنطة اختي ولا كاني سويت شي احيان تمسك معي انا م تحت السرير او فوق الدولاب بس الله ستر ماعمري طحت وياقلبي على امي تنهبل الصبح وهي تدورني الشي الوحيد اللي مصبر امي اني الاولى على المدرسه ولاكنت اتعبها بالمذاكره معتمده على نفسي ودايم المدرسه تكرم امي [/align] |
2010- 11- 14 | #4 |
أكـاديـمـي ألـمـاسـي
|
رد: ~كلمات ستبقى بعد رحيلي~ ❤ .رﭝ۾ـۉ
[align=center]
ج ــــنــون الــم ـــــراهــقـ,,ــــــــه عالم مجنون بكل تفاصيله عشق المغامره بكل ماتعنيه الكلمه لامبالاه ,,, مزاجيه,,, شخصيه متقلبه,,,حساسه ,,, عشق الصور ,,, الموسيقى استهبال ,,,ضحك,,,نوم ,,, اكل المتوسط *_^ الثانوي عايشه يومي طول اليوم اضحك وكل اللي اضحك عليه تخيلااات وماسكه التلفون 24 ساعه سنترال البيت واذا دق التلفون لو ابوي جنبه يناديني ويقول ردي خخخ كانو البنات يعشقون اربعه ويجمعون صورهم <= بالمتوسط فهد الهريفي خالد التيماوي خالد عبدالرحمن,, راشد الماجد<= ماكنت اجمع صوره وكل صوره اكتب قدامها شعر ولا عبارة حب LOVE= ? + ? اي شي يطرى على بالي اسويه لازم اسوووووويه غصب طيب المهم لازم اوصله كنت كيس نووووووووووووووم امي تكسر باب غرفتي ولا احس نومي كان ثقيييييييييل اخر الليل يجيني حب للكشخه تقولين رايحه حفله كنت دااااايم اطلع فوق الملحق اللي بالسطح واخذ الدربيل معي هههه واعيش عالم ثاني ماحب قعدة البيت وكل يوم والثاني نطلع زواجات ملاهي اسواق مطاعم لو اروح للبقاله مع ابوي احب قعدات الشباب مع اخواني وعيال عمي <= اختي تزوجت وانا بثاني متوسط واخواني 6شباب دايم اطلع بالسياره مع اخوي يلف فيني على احياء الرياض الحبيبه احب اتصور واكتب اغاني واشعار من تأليفي او اخذ ابيات شعر واغير فيها بمزاجي الحن وانطرب على الحاني وماحب احد ينتقدني تضيق فيني الدنيا بالمدرسه لساني طويل وارد على المدرسات واطلع حرة البنات من المعلمات وبالحصص انواع الضحك بس شاطره على الورق ضامنه الدرجه الكامله في مدرسات كانو يحبوووووني رغم الهبال اللي اسوي حتى المديره كانت دايم تضحك بس اذا امسكتني عشان مخالفه بالصبح وانحشت منها تنادي وتغسل شعري وتحوسني حووووووووس لامكياج ولا تسريحة شعر دمااار شامل كل بنات المجمع يعرفوني ابتسم بوجه الكل اذا شفت وحدة متضايقه مريت من عندها وقلت لها كلمتين خليتها تضحك ,,,,,,, ما افوت فرصة اجتماع المدرسات عند المديره وادخل غرفهم واسرق اوراق الاختبار وافتش شناطهم <= يالقافتي وحتى الحارس ماسلم مني مهبله فيه ياما هددوني بعض المدرسات ,, انهم يرسبوني واعيد السنه ,,, ويجبون بالاختبار اسأله صعببببببه بس انا لها اجاوب مايروح فيها غير البنات عاد انا اشوف نفسي عالمدرسه خخخ احلى ايااااااااام عمري بمعنى الكلمه ايام الثانوي احداثها كثيييييره قمة الوناسه اعيش يومي مثل الطفله واعشق المغامره واسوي حركات بتوديني بداهيه بس الله ساتر علي اختي حلمت فيني اني اطيح من فوق جبل عااالي ويوم صلت للارض قمت وضحكت قالها الشيخ اختك تخاطر بعمرها ماتحسب حساب للشي اللي تسويه بس الله دايم ينجيها ويستر عليها هذا جزء من مراهقتي [/align] |
2010- 11- 17 | #5 |
أكـاديـمـي ألـمـاسـي
|
رد: ~كلمات ستبقى بعد رحيلي~ ❤ .رﭝ۾ـۉ
[align=center][table1="width:95%;;border:4px groove deeppink;"][cell="filter:;"][align=center]
مأساة الحب الرجل / يريد أن يكون آول من يدخل قلب المراءة المراءة / تريد ان تكون آخر من يدخل قلب الرجل [/align][/cell][/table1][/align] |
التعديل الأخير تم بواسطة شرقاوية موووت ; 2010- 11- 17 الساعة 04:06 AM سبب آخر: بطلب من العضوة |
|
2010- 11- 17 | #6 |
أكـاديـمـي ألـمـاسـي
|
رد: ~كلمات ستبقى بعد رحيلي~ ❤ .رﭝ۾ـۉ
[ALIGN=CENTER][TABLE1="width:95%;background-color:black;border:10px double black;"][CELL="filter:;"][ALIGN=center]
أبيك تتخيل الشخص اللي تحبه وتركز تفكيرك عليه وبكل احاسيسك ابيك ... تخيـــــل ... اليوم انت معاه ... أرضك هي أرضه ... وهواك هواه ... اليوم هو منك قريب وعندك ... لو ماتشوفه على الاقل توصلك اخباره ولو من بعيد ... لكـــن .... بعد هاليوم ... تخيل لو مرة بس ... انه ... رحــــل .... فجأة ودون سابق انذار ... من هالدنيا اختــــــــــفـــــــى ... !! أبتعد ... ورااح لبعيد ... بعيـــــــــــــــــــــــــــــــــد ... ومستحيل يرجعلك .... راح لمكان مامنه رجوووع ... تتخيل معي صح ... ؟؟؟ راح لدنيا الكل بها موعود ... خلاااااص ... رحل عنك غصب .. وأخذه المووووووووووووووت ... وخلاااك ... انت وحيد تايه .. حاير .. متألم .. منصدم .. ياترى تقدر تتخيل كيف حالتك بهذيك الساعة ؟؟؟؟؟ تصــرخ ؟؟؟ تصــيح ؟؟؟ والا من الصدمه بتسكت وقلبك من داخلك جريح .. ؟؟؟ حياتك بتمضي أكيد .... بس !!! من دونه ؟؟؟؟... أيامك بتعيشها صح ... لكـــــــــــــــــــــن ... بدون صوته؟؟؟ ومن دون شوفة عيونه؟؟؟؟ .... تخيل وشو اللي ممكن تفقده ؟؟ صوته حبه حنانه حزنه إبتسامته عطفه شوقه كلامه طيبته قسوته عناده براءته كلامه ومزاحه ومزاجه قلـــبه ][®][^][®][ كــــــــــــــله ... ! ؟؟ ][®][^][®][ تخيل وشو اللي ممكن تخسره ؟ حلمك شمسك بدرك ليلك عمرك قلبك كلك .. ! ؟؟ ياترى بتلوم نفسك لانك في يوم قسيت وخليته ؟؟ يمكن جرحته ولا راضيته ؟ او حتى في يوم يمكن تناسيته ؟؟ بس مايفيد ندمك اليوم ... هو خلاص راح تحت التراب وخلاك تتحسف على كل كلمة ضايقته ... هو حَبك مهب شويه !! حَبك كثيـــــــــــــــــــر وانت قسيت عليه ... اليوم حسيت بحبه .. وبك اياه اليووم جنبك .... لازم تعوضه عن كل شي سويته ... بس تلقى نفسك عاجز .. وندمان ... دامه جنبك اليوووم ... حــــاول تحبه دووووم .. كل غالي لك .. يمكن ماتشووفه بعد اليوووم .. قوله .. احبك .... ولا تنسى انه بعد يحبك ويمووت فيك ... ][®][^][®][ أحــبــــــــــــــــك ][®][^][®][ لكل إنسان غالي عليك .. أمك أبوك أختك أخوك زوجتك جدتك صاحبك صديقك حبيبك حبيبتك روح قوله انك تحبه .. لا تخبي عليه .. لأنه اليوم معاك .. وباكر تحت الترااااااااااب لاتحرم حبيبك طعم الحب [/ALIGN][/CELL][/TABLE1][/ALIGN] |
2010- 11- 20 | #7 |
أكـاديـمـي ألـمـاسـي
|
رد: ~كلمات ستبقى بعد رحيلي~ ❤ .رﭝ۾ـۉ
[ALIGN=CENTER][TABLE1="width:95%;background-color:white;border:4px ridge limegreen;"][CELL="filter:;"][ALIGN=center]
` '•. ¸إلى كل إنســان ¸.•'´ تذكر أن هذه الدنيا فانيه ولـن تثمر إلآ بأعمالك الصالحـه وڵآ تستسلم أمام مغريات الشيطان.. ` '•. ¸إلى كل مظلوم¸.•'´ تذكر أن الله معــاك والحق معك والظالم سيأتي اليوم الذي يندم فيه على ظلمه لك.. ولاتلون حياتك بلون رمادي قاتم وكن موقن بإن الله سينصرك. ` '•. ¸إلى كل حـزين¸.•'´ أبتسم فالحـياه جميله ڵآتستحق منك كل هذه الآحزان.. ولا تجعل دموعك تنهار معلنا إستسلامك للحزن مدى الحياه.. ` '•. ¸إلى كل من فقد الأمــل¸.•'´ أنت في بداية درب الأمــل لماذا تفقده!! لآتجعل اليأس يدب في نفسك في أول خطواتك .. وأبني جسررر طويل من الأمــل فوق بحار اليأس.. ` '•. ¸إلى كل من دب اليأس في قلبه¸.•'´ أنت تنظر للحياه بيأس ولآ ترى فيها إلا الغروب .. حاول أن تنظر للمواقف المشرقه في حياتك.. وأنظر لحياتڪ بتفاؤل لتكون كالشمس تشرق كل يوم بأمل جديد .. هي ترحل ولكن تعود بكل تفاؤل.. ولآ تكن حياتك شمعه تذووووب ولاتعود أبداً.. ` '•. ¸إلى كل من سافر وأبتعد عنا¸.•'´ حقاً أنت بعيد بالمسافات.. ولكن أنت قريب وتعيش في قلوينا.. نحن في إنتظارك فلآ تبتعد كثيراً عن أعيننا.. ` '•. ¸إلى كل عابس¸.•'´ ☺أبتــسم☺ فأنت أجمل بإبتسامتك المشرقهـ.. وتذكر أن الأبتسامه أقصر الطرق لقلوب الأخرين.. ` '•. ¸إلى كل مـن يبحث عن السعاده¸.•'´ هـل تريد السعاده حقـاً.. هل تظن أنها في جمع الأموال والعيش في القصور!!.. الــسعــادهـ الحقه.. هي في طــاعة الله عز وجــل .. فأين أنت من تــلك الســعاده؟! [/ALIGN][/CELL][/TABLE1][/ALIGN] |
التعديل الأخير تم بواسطة ReemoOo ; 2010- 11- 20 الساعة 10:29 PM |
|
2010- 11- 20 | #8 |
أكـاديـمـي ألـمـاسـي
|
رد: ~كلمات ستبقى بعد رحيلي~ ❤ .رﭝ۾ـۉ
[ALIGN=CENTER][TABLE1="width:95%;background-color:black;border:5px ridge darkred;"][CELL="filter:;"][ALIGN=center]
لا شفت لك مجروح .. حاول تداويه..! دآوه .. ولو .. من باب الإحسان .. دآوه..!! وإن شفت من يبكي .. فــ لا تسأله ليه ..؟ الدمع .. ما عمره .. نزل .. من فضاوه [/ALIGN][/CELL][/TABLE1][/ALIGN] |
2010- 11- 22 | #9 |
أكـاديـمـي ألـمـاسـي
|
رد: ~كلمات ستبقى بعد رحيلي~ ❤ .رﭝ۾ـۉ
[align=left]
[/align] |
2010- 11- 22 | #10 |
أكـاديـمـي ألـمـاسـي
|
رد: ~كلمات ستبقى بعد رحيلي~ ❤ .رﭝ۾ـۉ
[align=right]
[/align] |
مواقع النشر (المفضلة) |
الكلمات الدلالية (Tags) |
بعد, ر۾ـۉ, رحيلي, ستبقى, كلمات |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|