[ المستوى السادس ] : بفصل من الجامعه

[hano99]

السلام عليكم الموضوع اني كيف اقدر افصل من الجامعه دام انها مو معترف فيها ليش اكمل انا باقي لي سنه 3 سنين راحت هبا منثورا جد نفسيتي متحطمه من هذا الموضوع ولافتحت ولاماده للحين وكل ما افتحها اتذكر تغريدة احمد العيسى حسبي الله عليه انها مو معترف فيها بذمتكم ليش نكمل يعني انا جد اتكلم لحد يقول معترف فيها وزير التعليم قال مو معترررفه

[abu mazen]

عليكم السلام
يعني ما شاء الله مشوار ثلاث سنين يضيع عشان تغريدة
نفترض انه مو معترف فيها وكلام معالي الوزير صحيح

طيب ليه ما نحتسب الأجر
ونكمَّل ونستفيد في الدنيا قبل الآخرة
العلم نور بغضّ النظر عن الشهادة الجامعيّة وهل معترف فيها والا لا ..

نصيحتي واصلي مشوارك .. راح الكثير وما بقى إلا القليل
وما يدريك قد يأتي من يغير هذا القرار فلا تستعجلي الأمور
والله سبحانه وتعالى يغيَّر الأحوال من حالٍ إلى حال
أسأل الله التوفيق لنا ولكم .

[صالح الجنيدي]

المشاركة الأصلية كتبت بواسطة hano99

السلام عليكم الموضوع اني كيف اقدر افصل من الجامعه دام انها مو معترف فيها ليش اكمل انا باقي لي سنه 3 سنين راحت هبا منثورا جد نفسيتي متحطمه من هذا الموضوع ولافتحت ولاماده للحين وكل ما افتحها اتذكر تغريدة احمد العيسى حسبي الله عليه انها مو معترف فيها بذمتكم ليش نكمل يعني انا جد اتكلم لحد يقول معترف فيها وزير التعليم قال مو معترررفه

لاياخوي كمل وخذ شهادتك وماعليك من احد ماتدري الايام وش مخبيه لك

واتوقع ان الوزير العيسى اعتذر من كلامه وحتى لو ما اعتذر ماعليك منه خذ شهادتك ولاتسمع كلامه

[تيجان النور]

من هذا الشخص اللي ممكن يحطم حلمي او يحكم علي ادرس او لا
الدراسه هدف شخصي وقصه نجاح لك انتي حتى امام نفسك وظروفك
واذا عالوظيفه الرازق الله والانسان مايدري وش مكتوب له
انتصري لنفسك وللثلاث سنين اللي راحت كم تعبتي واجتهدتي ودفعتي رسوم تتنازلين عنها كذا
الكلام كثير ...تعوذي من الشيطان وقومي ذاكري وهالمواضيع لاعاد تفتحونها قبل الامتحانات

[علي أبو سعيد]

أي تغريدة ما وجدت هذه التغريدة في حساب العيسى اتمنى قبل ما تكتبون تتأكدون منه يا عرب .

[أبو عبد المحسن]

يقول الحكماء : لا تتخذ قراراتك الناتجة عن ردّة فعل وقتي.

أو كما قالوا ...!

[الابهاوي]

حتى لو قال الوزير مثل ها الكلام يعتبر وجهة نظر فيه غيره يشوف اهميه كبرى للتعليم عن بعد لايهمونك .. الرزق من عند الله

[هاجر المقاطي]

فعلا حرام يروح تعب ثلاث سنين عليك ،، انتي تدرسين لذاتك وللفائده مب عشان وظيفه في النهايه دراستنا هذه تعتبر انجاز وتحدي لنفسنا رغم الانشغالات الكثيره نصيحه يااختي لاتستسلمي لواسوس الشيطان وكملي ماتدرين عن الاقدار وكل شي مكتوب لنا خير من الله سبحانه

[خالة سعود]

اختي بقولك قصتي

انا دخلت دبلوم سنتين مبرمجة حاسب الي في احد المعاهد الاهليه
لان كان هناك قرار ان من معها بكلريوس + دبلوم حاسب يسمح لها بتدريس مادة الحاسب وكنت طالبة بكلية التربية قبل 6 سنوات على وجهي تغير القرار بعد ما انصفت بدبلوم


قلت مومشكله اكمل وادرس بالمعهد لان المعاهد اشترطو لمدربه يكون معها دبلوم


على نهاية تخرجي من الدبلوم صدر قرار من التعليم الفني والتدريب المهني ان لا يحق لي التدريس بالمعاهد لان المطلوب بكلريوس يعني يخرجون وبس مو مسؤلين عن الخريجين


وازيدك أنهم وضعو اختبار اجتياز تعجيزي لو طلعتي في اقل من مقبول لا يحق لك تتوظفين


مثلا ان الدرس بمعهد على حسابي واخذت ممتاز لزم اختبر اجتياز عند وزارة التعليم الفني والتدريب المهني لو ما اجتزته ما يحق لي اتؤظف






الان نزلت لي وظيفه على المرتبه السادسه في جداره لان معي دبلوم حاسب الي اخذته قبل كم سنه ورفضت المعاهد توظفني فيه




خلاصت كلامي ان الوزارة عندنا كل يوم لها قرار وكل ساعه


توكلي على الله


يمكن تخلصين البكلريوس ويطلع قرارات ثانيه

[الشهد72]

بــين غمضة عــين وانتباهتهــا


يبدل الله مـن حــالٍ إلى حـال