[ النظام الأفتراضي ] : رد الدكتور الفريدان بخصوص الخارطه ..

[غربة نفس]

واحد رسل له بتويتر
الدكتور عبدالله اسعد الله ايامك
تم تحميل جميع المحاضرات
وطلع بالخارطه اكس احمر بعد التحديث
لجميع المحاضرات
ما الحل

رد عليه الدكتور الفريدان
اعدها من جديد الخارطة فرصتك لتعلمك النواقص

https://twitter.com/alfraidan/status/542887918679756801

لا حول ولا قوة الا بالله
المشكلة نص المحاضرات المسجلة عندي X
وسبق أني حملتها كلهااا

[بيــــان]

الله يكون بعونك يا غربة موادك كثيرة

انا عندي اثنين X بالمباشرات الثانية ورجعت حملتهم ونشوف


تبين مساعدة ترا موادي فقط 5

[أسير نجد]

اصبري شوي ياغربة ممكن فيه تحديث جديد بعد أيام

واذا بتاخذين احتياط اكثر افتحيها على دقيقة فقط وتكفي بأذن الله

بالنسبه لي ماشفتها من كم يوم ولا ادري وش فيها

وايضا باقي لي مناقشات مادة واحده راح اسويها بكره ان شاء الله

وانتي سوي اللي دايم تسوينه قبل الخارطة وماعليك وانا اخوك

[غربة نفس]

المشاركة الأصلية كتبت بواسطة بيــــان

الله يكون بعونك يا غربة موادك كثيرة

انا عندي اثنين X بالمباشرات الثانية ورجعت حملتهم ونشوف


تبين مساعدة ترا موادي فقط 5

من جد موادي واااجد
ألحين وش أسوي أحملها ع الافتراضي والا احول على البلاك بورد وش الحل !!
لأن التحديث أول يوم اختبار !

من جد قمت أشك بحالي

[غربة نفس]

المشاركة الأصلية كتبت بواسطة أسير نجد

اصبري شوي ياغربة ممكن فيه تحديث جديد بعد أيام

واذا بتاخذين احتياط اكثر افتحيها على دقيقة فقط وتكفي بأذن الله

بالنسبه لي ماشفتها من كم يوم ولا ادري وش فيها

وايضا باقي لي مناقشات مادة واحده راح اسويها بكره ان شاء الله

وانتي سوي اللي دايم تسوينه قبل الخارطة وماعليك وانا اخوك

أخاف أعاند وتروح علييي درجات
تعااااال حلها مع الفريدان كيف أثبت له أني حملتها

والله أني بـ أمس الحاجة لدرجاتي
تخرج بإذن الله

وبنفس الوقت لو تأخرت وأحتريت التحديث الجاي
يمكن م يصير الا اول يوم أختبار مثل م يقولون بالملتقى
أو المصيبه لو تعطل البلاك بورد والافتراضي

[بيــــان]

يمكن المشكلة من سيرفر ارامكو ما يحسب لك


حمليها بالبيت ..

[Khaled.k]

غربة
تسلمين ماقصرتي
والله يعينكم ويسهل عليكم

[غربة نفس]

المشاركة الأصلية كتبت بواسطة بيــــان

يمكن المشكلة من سيرفر ارامكو ما يحسب لك


حمليها بالبيت ..

حملتها من STC
السرعة 40m

[بدر 2011]

السلام على الجميع
انا اول باول اسويها من بداية الدراسة وعندي مادة من المواد مافتحت ابدا
من جد رد ماله داعي انا اكثر من مره حملتها وفيه مشكله بالنظامين
وبعض المحاضرات ماتفتح والمشكله من موقع الجامعه وبالخارطة يعني
المسئولية عليهم ماهي على الطلاب لو تنقص علامات راح اشتكي
لاني بكل مره ادخل على الخارطه القى نقص وارجع اسوية اخرتها تم
تحميل المحاضرات بالصوت وسمعتها يعني النقص ماهو مني او من الطلاب
النقص بالانظمة اللي من دخلنا الجامعة والمشكله هي نفسها

[أسير نجد]

المشاركة الأصلية كتبت بواسطة غربة نفس

أخاف أعاند وتروح علييي درجات
تعااااال حلها مع الفريدان كيف أثبت له أني حملتها

والله أني بـ أمس الحاجة لدرجاتي
تخرج بإذن الله

وبنفس الوقت لو تأخرت وأحتريت التحديث الجاي
يمكن م يصير الا اول يوم أختبار مثل م يقولون بالملتقى
أو المصيبه لو تعطل البلاك بورد والافتراضي

والله مدري وش اقول !!

انا هاللحين وسوست على درجاتي ومحاضراتي كلها

شوفي ياغربة حنا اول كنا عايشين بدون هالخارطة وكانت امورنا ماشيه ولله الحمد

يعني كان شغلنا اول تمام وكنا ناخذ الدرجات كاملة ولله الحمد

وبالنسبه للدرجات كلنا والله في حاجتها مو بس انتي

حنا الان في بعض المواد يالله نجيب النجاح مع هالدرجات الجميلة


شوفي اي طريقة ممكن تضمن درجاتك وسويها ومعاك وقت

الان ارتاحي ونامي وبكره الصباح بدري قومي ياحمليها من جديد او افتحيها على دقيقية

وان شاء الله يمديك كلها ساعة وتكوني خلصتيها


بالنهايه الله يوفقنا جميعا ونعدي هالترم على خير