[ جميع التخصصات ] : محتارة في التسجيل..

[زهـــرة]

بسم الله الرحمن الرحيم..

السلام عليكم ورحمة الله وبركاته..

انا طالبة سبق ودرست في جامعة سعود ونافست في الكليات الصحية وقبلت طب اسنان

وصارت ظروف لاهلي وانقطعت عن الدراسة ولما جيت اعمل طلب قيد ماطلوااا وقالوا لي لازم وااسطة وبدون الواسطة لا تتعبين نفسك وانا على قد حالي ماعندي واسطة مع اني دافورة لكن ذا الشي ماشفع لي عندهم المهم انا قلت ما ابغى اضيع وقت وابغى اسجل قسم قريب للاسنان لاني احبه ورح اكمل عليه لكن محتارة هل اسجل في معهد العلوم الصحية بالرياض دبلوم مساعد طبيب اسنان
او اسجل بالاكاديمية الدولية وايهم اضمن في التوظيف وايهم افضل في طريقة التدريس يعني لما اتخرج اصير محترفة في مجالي انا عندي طموح ايش هو المعهد اللي رح يرضي طموحي ..انا خريجة ثانوي من عام 1426 ما ادري اذا بيقبلوني او لا ...علما اني مو من الرياض يعني لو كان معهد العلوم الصحية افضل هل يستحق اني اتغرب او اسجل في الاكاديمية اللي قريبة من اهلي انا اسال عن الزي والتوظيف وطريقة التدريس ياليت تفيدوني..

وارجوكم ساعدوني .. وانا في هم لا يعلمه الا الله فرجوا عني فرج الله عنكم كرب الدنيا والآخرة
..

[شوااقة]

اهلين وعليكم السلام ورحمة الله وبركاته /
أختي طالما طموحك طب أسنان والشي اللي تحبيه ليش ما تسجلي بكلية الغد طب أسنان ؟؟؟
او بالأكاديميه مساعد طبيب أسنان وبعدين ان قدرتي تكملي كملتي او انك تكتفي بهالمجال .
ما عندي فكرة الحقيقة عن معاهد الرياض .
بس بما أنك سألتي عن الأكاديميه ونظامهم وزيهم حبيت أرد عليك ....
طبعا المعاهد الحكومية أفضل في التوظيف ...والأكاديميه ومعهد التنمية من افضل المعاهد كتدريس وشهادة وهذا أستنتجته من خلال بحثي وسؤالي عن هالشي .
اذا كنتي علمي يقبلوكي ومافي اي مشكلة ..
الزي نلبس السكراب الأزرق اللي يلبسوه بالعادة بغرف العمليات ...بصراحة تعودت عليه مريح وعملي وأحسن من اللبس الخارجي .
طريقة التدريس بصراحة حلوة يعتمدون على كويزات مستمرة طول السنة وهذا يشجعنا على المذاكرة المستمرة .
وبالنسبة للدكاترة مثل اي مكان فيه الزين وفيه الشين .
عن نفسي بشكل عام مرتاحة والدكاترة مرة كويسين وأغلبهم سودانيات ومصريات وفيها طبعا سعوديات .
التوظيف أرزاق ...بس اللي اعرفه ان اذا ضمنتي المعدل ضمنتي الوظيفه وبس .
أتمنى اكون افدتك .

[شوااقة]

اهلين وعليكم السلام ورحمة الله وبركاته /
أختي طالما طموحك طب أسنان والشي اللي تحبيه ليش ما تسجلي بكلية الغد طب أسنان ؟؟؟
او بالأكاديميه مساعد طبيب أسنان وبعدين ان قدرتي تكملي كملتي او انك تكتفي بهالمجال .
ما عندي فكرة الحقيقة عن معاهد الرياض .
بس بما أنك سألتي عن الأكاديميه ونظامهم وزيهم حبيت أرد عليك ....
طبعا المعاهد الحكومية أفضل في التوظيف ...والأكاديميه ومعهد التنمية من افضل المعاهد كتدريس وشهادة وهذا أستنتجته من خلال بحصي وسؤالي عن هالشي .
اذا كنتي علمي يقبلوكي ومافي اي مشكلة ..
الزي نلبس السكراب الأزرق اللي يلبسوه بالعادة بغرف العمليات ...بصراحة تعودت عليه مريح وعملي وأحسن من اللبس الخارجي .
طريقة التدريس بصراحة حلوة يعتمدون على كويزات مستمرة طول السنة وهذا يشجعنا على المذاكرة المستمرة .
وبالنسبة للدكاترة مثل اي مكان فيه الزين وفيه الشين .
عن نفسي بشكل عام مرتاحة والدكاترة مرة كويسين وأغلبهم سودانيات ومصريات وفيها طبعا سعوديات .
التوظيف أرزاق ...بس اللي اعرفه ان اذا ضمنتي المعدل ضمنتي الوظيفه وبس .
أتمنى اكون افدتك .

[زهـــرة]

أختي شوااقة ..

جزاكـــِ الله ألف خير على المساعدة الله يوفقك ويحقق لك اللي تتمنين وبدعي لك

ان شاء الله بالسجود..

مشكورة اختي مررة ..

ياليت اللي عنده معلومات عن معهد العلوم الصحية بالرياض

يعطيني معلومات عنه علشان اقرر ياليت بسرعة ..وسؤال متى موعد التسجيل في المعاهد..

جزاكم الله الف خير والله يفرج عنكم كرب الدنيا والاخرة ويحقق لكم مبتغاكم اللهم آميين..

[ورده الاكاديميه]

موفقه

[تفآؤل]

آلله يوفقكـ يآزهرهـ

شوآقه كفت ووفت ..

بسس نصيحه .. آذآ بتسجلي بآلآكآدميه لآتسجلي على حسآبك .. صرآحه آحس مآتستآهل

دبلوم وقريب ينلغي ..

آمآ آذآ بتسجلي كلية آلغد .. أفضل وبآلتووفيق

آممم .. آو خيآر آلثآلث سجلي موآرد .. بس مآفيه آلآ مجآل آلتمريض ..


آسستخيري بآلله وقرري

بآلتوفيق . وبشرينآ وش صآر معكـ

[زهـــرة]

اخواتي جزاكن الله خير وقررت بسجل في الاكاديمية ..

وان شاء الله اذا سجلت ببشركن ..

لكن سؤال ::

مين تعرف متى يبدا التسجيل في الاكاديمية..

ياليت اللي يعرف يقول لنا.

الله يوفق كل اللي ردوا علي ويحقق لهن اللي ببالهن..

[فني طوارئ متميز]

نصيحه ل وجه الله الاكاديميه خليها اخر قرار لك لان من تجربتي الي صارت لي معاهم ثلاث سنوات
ان اهم شي عندهم الماده والفلوس ولا همهم مستوى الطالب
وبالتطبيق يتاخرون عليك ولا يدفعون للجهات الحكوميه
يعني عله بعله شغلتهم
وانا حبيت انصحك ل وجه الله من تجربه انا عانيتها
والله يوفقك ياوخيتي

[hamsa]

هلا وغلا ..

نصيحه من اخت الى اختها

سجلي بكلية الغد افضل

[زهـــرة]

صرااحة اقتنعت بكلامكم ...

وعلى قولتهم اسال مجرب ولا تسأل طبيب..

انا الحين ابغى اسجل بكالوريوس في مجال طبي

ادعوا لي بالتوفيق وانه يتيسر لي امري ..

شكراا لكل من ابدى رايه في الموضوع ولكم دعوة في ظهر الغيب ..

جزاكم الله كل خير ..

ان شاء الله اذا انقبلت بابشركم ..

بالتوفيق لكم ..