ضروري لطالبات الأكادمية بالدمام

[ذكريات]

السلام عليكم
لو سمحتم أتمنى الإجابه بصراحه ولا تحيروني أكثر مما أني محتاره
أني سجلت بالإكادميه بس لسى ماسلمتهم شهاداتي الأصل وناس بالمنتدى تمدح وناس تقدح وتقول نصابين
بس أبي أعرف شنو اللي بالدمام سلبياتها لأن بكره إن شاء الله باسلمهم أوراقي وانتظر ردكم خايفه أني أتسرع وتالي أندم ومره محتاره أكمل أوراقي ولا ماأدرس بالأكادميه
أنتظر ردكم حتى أتخذ قرار من مجربين وماأتأسف
أمانه لاتطنشوني محتاجه الإجابه ضروري:mh19:

[ملكه الليلك]

برب
لي عوده قليلا

[ذكريات]

شدعوى أخوات ماكو تعاون طلبت منكم مساعده وللحين محد مجاوبني وأني مره في حيره بين الكلام اللي أسمعه قلت أسأل مجرب أحسن وينكم طالبات الدمام ماتجاوبوني كيف وضعكم بالإكادميه مو نصابين وشلون التوظيف بعد التخرج؟؟
وربي يوفق كل من يجاوبني ويجزيه خير

[الفيصـــــل]

صلى الاستخارة وشوفي ربي وين يخيرك

[ملكه الليلك]

السلام عليكم ورحمه الله وبركاته
مارح اقول كلام يعني ماله اساسس بقول الي عندي وبس
من جهه انهم نصابين ..الناس تخلط بين انهم يطلبوا رسوم كبيره وبين النصب يمكن يعني
بس مدري كيف المعاهد الباقيه نفس كذا ولا ازيد ولا اقل مدري كل معهد له شي خاص فيه
انا هناك ادرس يعني السلبيات..ممكن الي بقوله يكون شي مودائم يعني سلبيات مؤقته موشرط كل الي تسجل يصيبها نفس الي صابنا
اول ماسجلت هالسمستر الكتب متى وصلت وووووووووووووين تشلططنا تلشطط
ولمن وصلت الكتب موالكل اخذها كامله الا بعد ذاك الوقت كل الدروس انشرحت منها جزئيات وانا وحده ماعرف اركز الا ومعاي كتابي من اول يوم ناخذ محاضره فيه
هذا تاهيلي طبعا انا مادري عن الباقي الله اعلم
طول السمستر للحين نطارد ورا الملازم كل مره نصور ملزمه شكبرها نقولهم ليه ؟؟ يقولو الكتب ماهي كامله موكل شي فيها
ليش تعطونا اياها دامها كذا حالتها واحنا مكلفين كل يوم نصور كن حد فاضي يصور لنا كل مره ملزمه
مدري هالشي مسؤليه مين بالتحديد؟!
الي درسوني الحمد لله يعرفوا يشرحوا ويفهموا يعني وحده من ثلاث لو ماقدرت تفهمنا الدرس صح وهذا يحصل بكل معهد
الانجليزي طول السمستر ضايعين بالطوشه كل مره تتغير التيشر وحده زينه وحده ها نص ونص وحده تروح المحاضره كلها سوالف
وساعات تشرح بس السوالف اكثرم ن المحاضرات بس راحت الله يستر عليها ويوفقها ويعينها ع ال هي فيه
بس كانت تشرح ولو سالناها شي تقول عادي
البعض هناك يعاملك كنك بزره بكل ماتحمله الكلمه من معنى
وهالشي بعد لورحتي معهد ثاني يمكن تلقيه نفسه
يعني زبده الكلام عذآبي كان في الكتب والملازم الي دهورتنا طول السمستر وحنا نطارد وراها
فرضو علينا تيشر لماده من المواد رغما عن انفنا وماكنا فاهمين عليها شي مولان هي ماتعرف تشرح لا هي ممتازه بالماده والله وكيلي على هالكلام
بس ماكانت تقدر توصلنا معلومه بحكم انها مبتدئه وعلى ماظنتي مجازفه يحطو لتاهيلي استاذه مبتدئه لكن هي بعد ايام اثبتت قدرتهآ على انجآز الماده هذي بشكل حلو لكن لوطلعت شينه !! يعني نفس الشي مارح تتغير واحنا الخسرانين
ويمكن بمستويات ثانيه لوتكلموا غيروها لهم يمكن مدري
لكن جزاها الله خير هي كانت متعاونه معانا
طيب
يعني مدري من الي قلته شوفي انتي وش تسوين اكيد غيري له تجارب يمكن حلوه عكسي انا
لانو ذي مهيب قاعده
المديره اخلاقها عاليه محترمه جدا جدا جدا
احسن من غيرهآ بوآجد
ماعليك من الي يقولك ابله نوف اخلاقها مش حلوه بالعكس انسانه خلوقه وذوق وحبابه جربي تحتكي فيها بتحبيها
ذا بالنسبه للاداريات
والحين كل الي انا ذكرته ماهو بالضروره يحصل لك هناك
شوفي زي ماقالك اخو الفيصل سوي استخاره
وشوفي وش ربك يكتب لك
مافي احسن من هالحل
بشكل عام البنات هناك خلوقين ومن كل ديره في من الدمام سيهات الجبيل الخبر القطيف صفوى ولايهونوا الباقيين اخلاقهم كلهم ماشاء الله عليهم على مستوى من التربيه
ماحتحسي بالغربه معاهم
الله يدوم عليهم هالشي
بس انتي شوفي وش رغبتج وتشجعي وشوفي وين تروحي وين ربك يكتب وكوني مفعمه بالحماس
كلامي طوووووووووووووول مره لاني موعارفه بالتحديد انتي ايش حابه تعرفي
عندج شي تفضلي اي استفسار احاول اجاوب
تقبلي مروري الثقيل نوعآ مآ هههههه :g26:

[ذكريات]

مشكورين جميعاً على المرور الطيب يعطيكم العافيه

[ص.بنفسج]

طيب في الفحص الطبي ويش الامراض اللي مايبغوها
خايفه وقمت اهلوس اف متى اسجل وارتاح
افيدوني
ويش الامراض اللي ايغوها ويش هم الفحوصات في شي غير تحليل الدم رجاءا ساعدوني
لاتحقروني ردو عليي

[ص.بنفسج]

ذكريات سجلتي اليوم ويش صااااار؟!انتظرش افيديني

[ذكريات]

هلا خيتو
أني سجلت بس ماكملت تسجيلي لأن الدراسه بس دبلوم وأهلي فأني أحس أن الشهاده مو قويه مثل لو حكومه أو بكالوريوس وبالنسبه للتحاليل اللي يبونها هو فحص نظر وسمع وضغط الدم والقلب والجهاز التنفسي والعصبي وفحص للبطن واللياقه الجسمانيه والتهاب الكبد الوبائي ب/س وفيروس نقص المناعه ومرض الزهري بإضافه لأشعة الصدر واختبار الدرن وتحاليل شامله لأمراض الدم وتحليل للسكر ووظائف الكبد والأمراض الجراحيه والجلديه وتحليل البول والطفيليات
خيتو هذا اللي معاي بالورقه للفحوصات ولا تحاتي إن شاء الله مافيش إلا العافيه هذه فحوصات جداً طبيعيه أي مكان لازم يطلبها لأحتياط واجب
إن شاء الله افتدك وأي استفسار أني بالخدمه

[ص.بنفسج]

مشكورررة ذكرياااات

اف خايفه اررروح ومايقبلوني

هل في ناس ماقبلوهم؟!!
جاووبني

خاييييفه اني من المقابه وكل شي
يعني هل القبول مضمون