طريقة دراسة الانتساب .. ,, نصيحه جربوها ..

[Ali2010]

السلام عليكم ورحمة الله وبركاتة ,,

هذا أول موضوع لي معكم في الملتقى ,, :o3:

وهو عباره عن طريقة اتمنى انها تساعدكم في كيفية التغلب على دراستنا الي هي الانتساب المطور ,,

اتوقع ان معظمكم مثلي موظف ووقته صعب التحكم فيه لكن ,, احب اشاركم بطريقتي واتمنى تجربوها اسبوع ,, ولا زلنا في البدايه ولا ابيكم بكره تتراكم عليكم المواد وتصيروا كذا

الطريقة بكل سهوله .. صعبه

ولا تنفع مع الكسوووول مع احترامي الشخصي له .. وترا الكسول ما تنفع له ولا طريقه :no2:
وقسم بالله لو تجرب هالطريقة اسبوع بس ,, راح تدعي لي ,,


الطريقه ..:
1- يومياً ساعتين لماده محدده .. جدول ظروري .. ولازم كل الي في البيت يعرفوا ان عبسي أو لينا << اسمائكم طبعاً هذا في هالوقت عنده دراسه لا احد يقاطعه ولا يزعجه ولا هوب ناقص قلق ,, ..

ماذا يحدث في هالساعتين ..
غلطكم كلكم وغلطتي في الترم السابق , . ووالله اني احذركم من هالغلطه ,, الي هي :

الانترنت بحر ,, أعرف انك اذا دخلت الانترنت في هالساعتين بس للمحاضره (( للماده الي انت داخل على شانها )) فقط :103: هالساعتين مو للمنتدى ولا لليوتيوب ولا لفلكر ولا للفيس بوك ,, هذي للمحاضره او للماده ,, اذا خلصت منها عاد ادشر في الانترنت بكيفك << ماقلت شي

2- شغلت الجهاز وفتحت البلاك بورد ,, يجب ان يكون معك أقلام (( احمر ازرق أخضر أسود )) وقلم رصاص .. وطبعاً دفتر ابو 200 لكل ماده ,,
أنصحكم بطاولة كمبيوتر فيها مسافه للكتابه ,, وبسماعة اذن اثناء سماع المحاضره ,,

أفتح المحاضره .. خل الدكتور يتكلم في النقطه الي هو يتكلم عنها ,, أفهمها (( لا تكتب و الدكتور يشرح )) افهم الي يقوله ... اذا فهمتها وقف المحاضره بضغط على الي يوقف المحاضره ,, اكتب الي فهمته الحين ,, وانت تكتب حاول تحط بالالوان مثل العناوين المواضيع الرئيسيه بلون و المحتوى بلون ثاني وهكذا .. اذا ما فهمته رجع المحاضره لبداية النقطه الي تكلم منها الدكتور ,, وبعد ما تفهمها اكتب الي فهمته .. تعريف .. طرق .. خصائص ,, الززي منووو :150:

اذا خلصت المحاضره ,, استرخي على اي كنبه خمس دقائق ,, ارجع اقراء الي كتبته ,,
^
^^
لعيال النعمه استرخي على كنبه والي مثل حالتي طبطح في المقلط

خلصت من محاضرة اليوم ,,

بالنسبه لمحاضرات المحاسبه : حقيقه طريقة الدكتور في قراءة الفصول قبل حضور المحاضره روعه
بالنسبه للرياضيات : مسائل الواجب تفهمك المسائل غصب ,,
بالنسبه للقانون الاقتصاد والاداره : يبي لك بندووول ... او سابوفين .. ظروري بعد كل محاضره
وهالثلاث مواد اذا حضرت محاضرتهم الافضل ما تكون مرهق ..

اقدر احتفظ بهالطريقه لوحدي ويمكن واجد يستخدمها ... حبيت اشاركم فيها لمصلحتكم ,,

هذا ما عندي وشكراً

أخوكم/ علي

[ليدي لندا]

الله يرضى عليك والله خوش فكرة
بس احنا الي عندنا بزارين صغار مايمدينا نذاكر الا في الليل لما الكل ينام(الله يحفظهم) ويهدى البيت

[بدر الرياض]

عيني عليك بارده


هذي احسن طريقة وشكلك دافور وبتأخذ الأول

[يـآرب توفـيـقكـ]

المشاركة الأصلية كتبت بواسطة بدر الرياض

عيني عليك بارده


هذي احسن طريقة وشكلك دافور وبتأخذ الأول

قل ماشاء الله طيب

ماشااااااء الله

الله لايضرك كلامك حكم الله يوفقك ويسهلها عليك

تم نسخ كلامك وحفظه عندي بالجهاز عشان انتفع منه ماقصرررررت والله

الله يوفق الجمييييع ياااااااااارب

[ǺĽ ẕeeห]

الللللللللله

خووووووووووش طريقه وهـ بس ياناس يسلمك ويسعدك ربي

انا بطبقهااا صراحه عشان ارتاح نفسيآآآ ويطمإن قلبي

يسلموووو يالغالي وهذه اطلق مشاركه ك

يعطيك ربي الف عافيه ان شاء الله يستفيدون منها الكثير

[لاكوست]

انا اسوي نفس الشئ
احس اني اركز وعيد كل شوي
ومخصخص كل يوم ساعتين
كل ماده على حدا
انا من رأئ كذا احسن بكثير
مشكوووووووووووور

[غموض إمرأة..]

.
.
عسى الله يوفقنـآ ويــآك .. مشكور ع النصايح بجد
لو كل منا خصص ساعتين باليوم تنهتي مشكلة الترآكم ..

وطبعـآ انـآ اول وحدة اشتكي منهـآ.. ~

[ادارة اعمال]

انا نفس اللي تسويه
والله خلصت ثلاثة الوان من اقلامي لأني شارية 12 لون
ياجماعة وأضيف على كلام الاخ ان الالوان مفيدة في كتابة المحاضرة غير كذا
اتبعوا طريقة الخاطة الذهنية مرة مرة ممتازة وتنفع مع كل المواد وخصوصا للقانون لأنها تفيد كثير وماتصير المادة صعبة علينا وكذلك لمن تعملوا الخارطة الذهنية ركزوا على الالوان فيها لأن العقل البشري يحفظ الصور والالوان بطريقة واضحة وبذلك ماتضيعون وقت كبير في المذاكرة خصوصا اللي عندها بزارين وبيت زيي
موفقين يارب

[MANSOUR]

عندي حركه اذا كنت اتابع المحاضره اضغط على زر f11 علشان المحاضره تكون كامله بالشاشه لان بعض المواد على البور بيونت ماتكون واضحه الا بالحركه هذه

[wdo0o7]

مشكور ع طريقه المذاكره

بس الله يعين ويوفقنا كلنا ونجيب معدلات كويسه