بصراحة هل تحضر زواج أبوك على أمك ؟!!

[صمتْ]

بسم الله الرحمن الرحيم ..


السلام عليكم ورحمة الله وبركاته ..


اسعد الله اوقاتكم بكل الخير




الزواج حق شرعي للرجل مثنى وثلاث ورباع..


وان كان منفصل عن الام بالطلاق او الوفاة لا يشمله نقاشنا ..


ولكن لو كان الام مازالت موجوده وبعصمة الاب وفجاة


ابوك انت يالشاب او الفتاة جاك وقالك:


ياوليدي ترى عرسي بكرا ولازم تحضر



هل تحضر؟
طبعا وبدون اي شك 99% من الحريم ما يبون عيالهم يحضرون زواج ابوهم ..

لكن :


قد يتعارض امران:


الاول: امر ابوك بحضورك لعرسه


والثاني: امر امك بعدم حضورك لعرس ابوك.


انتم و شرايكم بتحضرون ولا لا ؟



انتظر ارائكم بصراحهـ


بالنسبة لي امممم لا مانيب رايحة ..

للأمانه قرأته بأحد المنتديات وأحببت طرحه هنا ..

[Abu ali55]

يعطيك العافيه على الموضوع ... والله يعيننا على ردود البنات الحين بيجون مهوين

انا عني راح احظر اكيد ,,, يبقى ابوي مهما يصير ,,,

[حلـ....ـم]

والله صارت وراح همها وماكان مني إلاالحضور وإرضاء خاطر ابوي وماكان من امي إلاحثنا على الذهاب حتى وهي كلها ألم ماأنكر إن كأنه زوجي اللي تزوج علي دمعتي مافارقت عيني بس بالأخر هذا ابوي وماأقدر أقوله لاومصيره يرجع لأن الأوله الأصل .
مشكوره على هالموضوع .

[دوحه غَنّاء]

والله اعتقد أمي بتحظر لأنها كم مره تطلبه بس يرفض يتزوج


نوعيه غريبه


لذالك عادي بحظر أهم شيء عندي العدل


أقولك سر أول مره أقوله

ارحم جارتنا زوجها توفى وما عندها أعيال ومرررره حنونه

ومتمرمطه بين اخوانها

كنت وانا صغيره إذا زعلت من أهلي أهج عند باب بيتها اخذ من بابها شوي من دفاء حنانها:haha hahahah:


ودي إذا أبوي بيتزوج ياخذها بس ما عمري صرحت لاحد يعني تصريح حصري في موضوعك



عاد الناس يقولون اننا نقول عادي واحنا بالسعه بس لو ابوي بيتزوج صدق بتتغير أرائنا والله اعلم



بس تبين الصدق انا عادي عندي دامه حلال عمات عيني الحرام

[لوجي الشرقية]

..

مستحيل
امي زعلانة وتبكي وانا بزواج !!!
الله يباركـ لة لكن حضور مآتووقع

[shatila]

تجربتي حضرت وعاونته بسيارة اخر مديل ورشاش



وامي طقم ذهب

والله يجزاهم عنى خير

كما ربونا صغارى

[ياحبي للقصيم]

اقول الله يطول بعمره الوالد قلبه ماما وبث مافكر يتزوج على ماما

[ۅح ــيٌ .. !]

ابو علي افااا ..

طيب ميمتك ومشاعرها

اتوقع الشباب الاغلب بيقولون اي بـ نحظر ..

واغلب البنات ان ماكانوا كلهم بيقولون لا ..

والسبب اختلاف طبيعتنا ..

نحن البنات تحكمنا العاطفه قبل كل شيء ..

واقدر اكذب ع نفسي و ع غيري واقول اي بحظر ..

لكن الحقيقه المؤكده اني ماراح احظر ..

وجودي مع ميمتي بـ ذاك اليوم اهم من وجودي بـ احتفال ابوي ..

اللي بيكون بـ الغالب مشغول فيه وباله مب معي او مع غيري ..

وان حضرت لإي سبب كان .. فـ بيكون حضوري جسدي فقط بدون حضور القلب ..

العادة الرجال يمزح في بيته ويهدد انه راح يتزوج ع زوجته لكن في بيتنا صاير العكس ..

ميمتي كل مازعلت من ابوي الله يحفظه قالت رح تزوج وطلقني عسى القى واحد احسن منك << على اساس الاخوان شباب

والله يديم المحبه في بيتنا ولا يفرق شملنا ..

ويكمل لقانا بـ الجنه يارب ..

[L U X U R Y]

وَ الله لآ , وَ إذا قررت أحضر فَ بقلبه لهم عزآ ,
أجل أمي [ جنتي وَ نآري ] قلبهآ يحححححترق وَ ممكن يجيهآ شيء
وَ أبوي في عز ونآسته !
من أولى !

لآ وَ الله مآ آرضآهآ , إلآ أبفزع مع أمي
وَ بعدين اللي يقول [ عادي أحضر ] وَ اللي يقول [ صار فعلاً وحضرت ] ,
إذا كانت أمكم مو موافقة وَ أنتوا رحتوا , بالله وش شعوركم !
وَ رايحين على أساس ترضون أبوكم وَ تقهرون أمهاتكم وَ لا وش بالضبط . . .

[Rashed]

اكيد راح احضر يعني مربيني وصارف علي وتعب وحالته حالة ولليلة زواجه اجحده لانه متزوج ثانية او ثالثة او رابعة ( حقه الشرعي)