[ جميع التخصصات ] الجآمعه في سطور .. للمقبولين بالعلوم [مميّز]

[Prada]

بسم الله الرحمن الرحيم ..

من كم سنه كنت أتمنى ألآقي موضوع يسآعدني ويعرفني على الجآمعه وعلى أنظمتهآ والأمآكن وإلخ بس للأسف كآن قليل ,,

كثير يسأل حتى قبل م ينقبل بالجآمعه << شنو نظآم اللبس والعآدآت والأوضآع .. إلخ بالجآمعه

فحبيت أسندكم بتجربتي وبمشآهدتي وبنصآيحي للي بينقبلون على الجآمعه على أسآس إنهآ

مرحله مختلفة تمآمآ عن الثآنوي وأزيد مشآركه لزميلآتي الجآمعيآت بخبرآتهم اللي م تختلف عن خبرتي ..

أبدأ بأول م تنقبلين بالجآمعه << ألف ألف مبروك لك كطآلبه القبول والله الله بالجهد والمثآبره ,

هنآ عندك شهر تستعدين نفسيآ لاستقبآل المرحله الجديده << رح يكوون ضغط علييك نفسيآ,

لأنك تفكرين مين معآك من صديقآتك , و كيف الدكآتره , وكيف أتعآمل مع البنآت , و شنو نظآم اللبس

, و ايش أحط بشنطتي ,و إيش أخذ ,و إيش ألبس ,و إيش ممنوع وإيش مسموح , و كم سنه

التحضيري ,و كيف أتخصص وهل فيه نشآطآت لآمنهجيه... وإلخ << أسئله كثيره بتدور ببآلك ,

هنآ خليييييك مرتآحه مو مرتآحه المرتآحه << كون إنك جآمعيه هذي أول نقطه إيجآبيه والبآقي

سهل وربي بييسر لك بإذنه ,, وهذي بعض النقآط الأسآسيه اللي بتسآعدك جدآآآ وأتمنى إني أكون
أفيدك فيهآ ..


1- موقع كلية العلوم :

عند شآرع الأمير نآيف في حي الآتصآلآت أو من الخلف من جهة الريآن المدخل الرئيسي للطالبات

2- الوضع الدآخلي :

إذآ دخلتي الجآمعه لآ تفكرين بصديقآتك وتخآفين إذآ هم معك او لآ << صدقيني وجودهم شيء حلوو

وبيدفعك معنويآ بس بالأخير كلن له طريقه وإنتي بتختآرين الشي اللي ينآسبك وهم اللي ينآسبهم

, وتكوين الصدقآت مو صعب حتى لو أنتي خجوله هالشي سهل جدآ إبدي بالسؤال مع مين م كآن

وسؤال يجر سؤال وبالأخير تلآقين نفسك تعودتي , أهم شيء م يكون سؤال كنوع من التطفل

المزعج سؤال ودي من بآب التعرف , وأخلآقك أخلآقك هي الشي الوحيد اللي تتجملين فيه .

3- نجي للدكآتره :

عندنآ بالجآمعه أفضل الدكآتره وكلن يعطيك حقك << م أقول الكل لكن الله وحده

أعلم , خلي إنطبآعك عن الدكتوره ميييييييين م كآنت حلووو << هذآ الشي لنفسك , لأنه بالأول

والأخير هي نقطة الأسآس اللي بتخليك تحبين المآده , لآ يغرك إسلوب البعض بالقسوه أو إنه م

يعطيك وجه << هذآ شي طبيعي لأنه لآزم يكون فيه حدود بينكم كونك طالبة وكونهآ دكتوره هنآ

يكمن الفرق , ركزي عالمآده اللي بتدرسينهآ وأعطيهآ كل حقهآ من كل مطآلب الدكتوره من بحث

ومشآركه ووآجبآت وعروض << هذآ الشي لصآلحك ولآتهملين هالشي أبدآ لأن الدرجه تغير أشيآء كثيره .

4-من نآحية النظآم :

هنآآ يطووول الكلآم بالأنظمه من نوآحي كثيره أنظمة الدرجآت و أنظمة السلوك

وأنظمة التعآمل وأنظمة اللبس وأنظمة الغيآب وإلخ .. << بس حطي ببآلك النقطه الأهم اللي

تلخص لك كل الأنظمه , كل منآ في دآخله شي جميل بالحيآة تطبعي بطبعك كوني أنتي إبعدي عن

المبآلغه ولفت الإنتبآه والغيآب المتكرر لتهرب من الدرآسه ولآ تهملين المحآضرآت ودآئمآ اهتمي

بالحضور عشآن م يفوتك تخطيط أو كلآم مهم أو أسئله تنقآل أو موآعيد الإختبآرات لأنه صعب

تآخذينهآ من البنآت إذآ كنتي جديده و إنتي م سعيتي للجآمعه عشآن تلعبين إنتي جآيه

تستفيدين وبإذن ربي بيجي وقت إنتي تفيدين غيرك , فكوني إنتي بأخلآقك اللي تجملينهآ بدينك

وبحسن سلوك وهذآ بإختصآر مفآد أغلب الأنظمه << بس م يمنع إنك تتطلعين عليهآ وي حبذآ لو صآر عندك فكره عنهآ ..

5-نجي للدرآسه في العلوم :

أول شي بسنوآتك الدرآسيه الأربع وهي أسهل مرحله << الترم

التحضيري تدرسين 5 موآد سهله جدآ معآده وهي منهج الثآنوي بشكل أوسع حبتين , بهالترم

يسآعدك إذآ كنتي مش محدده نوع إختيآرك للتخص , أمآ إذآ إنتي محدده خيآرك فاحرصي كل

الحرص تجيبين فيه معدل عالي عشآن تنقبلين في التخصص اللي تبينه سوآء كآن كيميآء أحيآء فيزيآء ريآضيآت ..

6- عندك النشآطآت اللآمنهجيه :

وطبعآ من تجربتي هي أفضل مهرب درآسي << مش بمعنى

الكلمه مهرب ولكن عشآن تمآرسين موهبتك وم تصير حيآتك الجآمعيه بس درآسه وسوآلف مع

البنآت اللي هي نوع من تضيع للوقت م أقول مش ونآسه ووسآعة صدر بالعكس بس كنوع من

الترفيه والتغير لك بنوع آخر من الأنشطه , عندنآ بالجآمعه م لآ يقل عن 7 انديه وكل سنه يسون لهآ

تعريف وهل انتي حآبه تشتركين فيهآ , عندك أنديه دينيه اجتماعيه علميه طبيه فنيه إعلاميه وإلخ ..

وكل أسبوع تقيم الجآمعه عدة دورآت ومحآضرآت وإحتفآلآت وجدآ أنصحك تشتركين فيهآ ,

بالجآمعه 7 نوآدي وهي

* نادي النورين * نادي المنار الدعوي *النادي الصحي والبيئي *نادي الثقافه والفنون
*نادي ديم للتدريب والتطوع * نادي رائدات الابداع * النادي الاجتماعي والوطني

وكل نادي له مسؤولات متعآونآت جدآ

7- تجيك المحآضرآت :

طبعآ عشآن تحضرين بمحآضره لآزم تكونين مسجله بالمآده وتسجيلن عن

طريق البيبول سوفت اللي مشروح وبكثره بالمنتدى بس لأنك مستجده بالجآمعه وبسنه تحضيريه

فهم يسجلونك يعني إرتآحي << التعب علينآ إحنآ اللي نركض ورى المقآعد , وأول م تسجلين

بيصير عندك الجدول اللي فيه أمآكن المحآضرآت وبأي مبنى وأي دور وأي كلآس , وكلية العلوم م تضيع أبدد

8- نجي للبطآقه الجآمعيه :

كون إنك مستجده م رح تحصلين عليهآ إلآ بعد الترم التحضيري عشآن

التخصص , بس وقتهآ أنتي بتستخدمين ورقة القبول اللي تطبعينهآ من موقع الجآمعه لأنك مستجده

وأنصحك تغلفينهآ حرآري نظرآ لعوآمل الجو والتغيرآت الجميله << بمعنى أنهآ بتهتري , أمآ

البطآقه إذآ حصلتي عليهآ لآزم م تضيعينهآ أبد وتحرصين عليهآ دآيمآ لأن صورتك فيهآ اولآ ولأنك م

تقدرين تدخلين إلآ فيهآ وم تقدرين تستأذنين بالخروج إلآ فيهآ << يعني شي مهم

9- نجي للوكر :

هو صندوق تحفظين فيه أغرآضك وتستأجرينه ب 200 ريآل ل4 سنوآت تحطين فيه

كتبك والبآلطو وأدوآتك اللي تستخدمينهآ بالمعآمل وعبآتك وكل أغرآضك << وجدآ يكفي حتى

شنطتك مهمآ كآن حجمهآ ,, بس احرصي تآخذينه بدري والا بتنظرين الين م تترك وحده لوكرها

10- جينآ للكفتيريآ :

بتلآقين كل شي تبينه فيهآ يعني بعيييييييييييييد كل البعد عن المقصف

,,عندنآ مطآعم من كل نوع يعني مش بالضبط ولكن مطآعم وفيهآ بقآله نوعآ مآ بطله .

11-نوصل للمكتبه :

مكتبه العلوم أتعب وأنآ أقول جمييله جدآ , مريحه وهآديه وأفضل مكآن للدرآسه

والقرآءه والإطلآع , بتلآقين فيهآ كل شي تبينه وتحتآجينه لدروسك وأبحآثك , و تقدرين تستعيرين

كتب وفيهآ غرفه لتصوير الملآزم والكتب والدفآتر وتقدرين بعد تطبعين فيهآ .. وفيه عندك المكتبه

الإلكترونيه اذا بغيتي شي من النت ,وهذي موقعهآ بالآدآب يعني يبلك مشوره بالجسر .

12 - والمكآفأه :

كل م كآن معدلك من 2ونص وطالع تآخذين حوالي 990 ريال ومتى تنقطع عنك إذا

نزل معدلك عن 2 ونص . وكلهآ بتضيع عالكتب وتجهيزاتك

13- شنطتك :

طبعآ هنآ ملآذك انتي كل شي تحتآجينه وضروري يكون معك هو الشي اللي

تحطينه دآخل شنطتك وقد م تقدرين تكون مريحه لك مثل : كتآب المآده اللي عليك والدفتر ونوت ملآحظآت وأقلآم ومحفظتك

وغالبآ حطي باحتيآطك لليوم فيهآ م لآ يقل عن 20 ريآل وشنطة مكيآج حطي فيهآ الأشيآء المهمه

مثل كحل وبلآشر وقلوس ومسكرآ وكونسيلر وأهمم شي المآء لآزم يكون بشنطتك << ورآك

مشوره بالجآمعه وحطي كآكآو << لآسمح الله دختي , والعطر وكريم وآقي من الشمس << هذآ

الشي صدددقيني أههممم شي بتحتآجينه ونظآره شمسيه لو تحبين وكل شي تشوفينه مهم لك

تقدرين تحطينه << ومو شرط كل اللي ذكرتهم تآخذينهم , بس اللي أنتي غالبا تحتآجينه


14- المكيآج :

أحسهآ نقطه أسآسيه << مو معنآتك إنقبلتي بالجآمعه يعني خلآص حطي ميك آب

وإنه مسموح فعآدي اسوي عرس بوجهي << لآ وألف لآ ,, مين فينآ م تحب الزينه كلنآ لكن بحدوووود

أتعب وأنآ أقول بحدود , إنتي جآيه تتعلمين , البسآآطه ثم البسآطه لآ تجين فل ميك آب مثل عرس

,إبعدي عن كريمآت الأسآس بأنوآعهآ تتعب بشرتك , انتي جميله بدونهآ سوآء سمرآء حنطيه بيضآ

<< لآ تعكسين شكل موب لك مهمآ جملتي م بيزيدك حلآ حطي قلوس أو روج بأنوآعه حطي كحل

وأبدعي برسمتك له حطي بلآشر وإذآ فيك سوآد تحت العيون إستخدمي كونسيلر وإذآ أنتي حآبه

إستخدمي مسكرآ بعد ,, بس لآ تبآلغين كل م كنتي بسيطه كل م كنتي أجمل ولآ تنسين الوآقي

من الشمس وكريمآت الجفآف تمر عليك أيآم تحسين نفسك بصحرآء من الجفآف والغبآر .

15- تسريحة شعرك :

شعرك وم أدرآك م شعرك << أول شي يلآحظ فيك حتى قبل هندآمك شعرك ,

سوي فييييه اللي تبين من صبغات من قصآت من تسريحآت بس تذكري كوني بسيطه ولآ تبآلغين

وأهم شي لآ تبآلغين بالألوآن شفنآ العجب هههه بس قليل , بس عشان م تتهورون

فلو حبيتيه مجعد ترآه حيل بيطلع جميل ولو بغيتيه نآعم أجمل وأجمل وسوي فيه تسريحآت مو

نآعمه النآعمه سوآء كآن قصير أو وسط أو طويل

<< كان ودي أفيدكم بصور بس م اعرف انزل << محد مشاركاته قليله ..

16 - اللبس :

إبعدي عن المبآآآآآآلغه << إكسسوآرآت وخوآتم كثيره ولبس ضييييييييييق اتعب وأنآ

أقول ضيق ينرحم اللبس وفتحآت أووب طبيعيه سوآ بالبلآوز أو بالتنوره << هنآ صدقيني إنتي مو

قآعده تجملين نفسك بالعكس تزيدين الطن بله << خليييييييك مو طبيعيه الطبيعيه إلبسي شيء

مريح وبنفس الوقت مرتب ,, تنوره سوداء او جنز مريحه < بس م انصح بالجنز ابداا نظرآ لان جونآ

باريسي جداا ,,

امم عندك القمصان او البلاوز اللي اكمامهآ طويله ارتب بالشكل ووو أشياااء كثيره من ناحيه اللبس

وانظمته ومخالفاته << يعني تنوره سكيني ممنوعه , لنص الساق ممنوعه ,, بلايز شفافه ممنوعه

, تي شيرت لانديه ممنوعه , مسموح التي شيرت النص ,, الهاي هيلز او الفلات

شي راجع لك << بس لانك جديده تعالي بفلات عشان م ترجعين ندمانه لاسمح الله

تمنيت اقدر انزل صور بس ان شاء الله البنات يفيدونكم << م اعرف انزل معآي عذري



بشكل عآم كل م سطرته عبآره عن سطور تجربتي ورؤيتي وأرحب بكل زميله جآمعيه تسطر تجربنهآ

وتفيد المقبلين على الجآمعه بمعلومات او صور ,,

وبالأخير .. إحنآ كلنآ لبعض << حلو الوآحد فينآ يحب لنفسه مثل م يحب لغيره

Prada

[Prada]

وأي سؤآل تبينه أنآ هونآ

[حُـلمـ]

ي حلووووووووووووووووووك
وربي كنت محتاجة هذا الموضووووع بشدة
وصراحة افدتيني في اشياء ما كنت عارفتها ابدا بتاتا
وربي موضوووووووووع جمييييل وانتِ الاججججججمل .. استفدددت كثيييييييييييير

الله يجزاك خير ويوفقك ويسعدك ووووكل ابو شي زين بِ هالدنيا

بس عندي استفسار بسيط

ورقة القبول اللي بدل البطاقة الجامعية من وين اطلعها
هي نفسها اللي فيها الرغبات ومكتوب قبول او رفض ولا ؟

وسمِّي ()~

[Prada]

حبيبتي تسسسلمين

ورقه القبول هي الورقه اللي استلمتيهآ من البريد وفيهآ قبولك

وو الف مبروك ي حلوه

[حُـلمـ]

يبارك فيك ياااااارب

طب بما انك تخصص كيمياء >> احس ربي رسلك لي لاني ابسال عنه ومحد اعرفه كيمياء :(

احم يعني انا انسانة اعشق الكيمياء واتمنى اتخصصه اذا ربي اراد لي
فكيف المواد .. والدراسة فيه صعبة ولا عادي .. وبالنسبة للدكاتره كيف

*ادري اني بثرة بس وربي اخيرا لقيت احد بيساعدني وتحمليني :( *

[Prada]

اممم الكيميآء بالتحضيري هو منهج الثانوي كامل << يعني م فيه شي جديد

وتلاقين نسبه كبيييييييييييره ودهم يتخصصونه ,, وهو اعلى معدل بالقبول للتخصصات

فإذا ودك الله الله بالهمه والمذاكره واهم شي تنجحين بباقي المواد بنسبه تدعم معدلك

واكثر البنات بيتحمسون له << بس كل م كبرتي بمراحل تتعمقين بالكيمياء أكثر م اخوفك هو جميل للي يذآكره او باول

اممم بالنسبه للدكاتره او المعيدات متعاونات جدا ,, وهذا بكل الاقسام م شاء الله جدد الكل متعاون ,, بس مرات وهذا شي ضروري تكون مضغوطه << هنآ ارفعي الرايه البيضآ

واي سؤال أرحب فيه

[حُـلمـ]

بإذن الله اكووون قدها وادخل اللي ابيه حمسسستيني

مشكووووره اووووي قدا ..

*ربي يرزقك من حيث لاتحتسبين ()

[Prada]

ويآك ي عسل

موفقه ي رب

[Prada]

[IMG][/IMG]

^ وهـ أول محآوله بتنزيل الصور

^ قاعة الأميره جواهر بس هذآ كآن في اليوم الوطني ,, هنآ هي بتكون محطتك الأولى بالجامعه ,

طبعآ اول اسبوع بيكون فيه 3 أيآم للتعريف << هو نفسه الاسبوع اللي يداومون فيه المدارس

و يعرفونكم بمحاضره عن الجامعه والأنظمه كلهآ وبعدين يوزعونكم على 9 شعب تقريبا ويوزعونكم أبجديا

حسب أسمائكم

<< وجدآآآ مفيده هالمحاضره يعلمونكم عن كل شي بالجامعه ووين تروحين وكيف تستلمين جدولك << يعني لا تسحبين من أولهآ

هذآ الأسبوع احنآ م ندآوم << يعني م بعد شفتي الزحمه

<< بالنسبه للصور المنتشره بكل مكآن لكليتنآ << أطمنك الكلية اللحين حيييل غير << تم تجديدهآ وبحمد الله


وأي شيء يخطر ببالي بنزله لكم < احم صرت أعرف أنزل صور

[تهولة]

الحين اللوكر ايجاره 200 ريال لاربع سنين ئه
مو كل شهر لا