ڛڪر عٌيُوُنْڪ..*

[عاشقة H]

احتاج مثبت للمعلومات في مخي

[عاشقة H]

صباحكم خير
صار لي فترة ادخل الملتقى و اطلع ادخل و اطلع كأني جني و عطبة
و صار لي يومين و هذا الثالث متحملة مسؤلية اخواني و خواتي لان امي و ابوي في مكة الله يتقبل اعمالهم يارب

و صار لي فترة ما كتبت شي ماهو ملل كثر ما اهو لا تغيير ولا جديد
و سلامتكمم و ولا تنسوني من دعائكم

[عاشقة H]

مره مره مره نفسي اقوم اطبع الاسئلة و اقعد اخربش و اشخبط و اشيل و احط بس التعب و الثقل و الكسل فل الفل عندي

[عاشقة H]

صباح الخير

من ٦ شهور و حالتي حاله بس الحمدالله رب العالمين مليون مره
مزاجات متقلبه نفسيات رايحة و نفسيات جاية
فيني توتر على خوف احاول اتغلب عليهم بالمزاج الايجابي
اقعد افكر اقول ايه بعدين بصير كذا و كذا اشياء ايجابية بس ساعات التفكير السلبي إغطي على كل شي

عندي بعض الالتزامات لازم اخلصها
و ضروري قبل العيد
عندي اختبار حسيته زاد الطين بله زاد توتري شي الزامي لازم اخلصه

لازم اخلص الالتزامات عشان بعدها كا يكون عنديدشي عشان اتفرغ للمذاكرة

دعواتكم مو تنسونا منها
و الله يوفق الجميع

[عاشقة H]

ذكرني ( بيس) بزعل القرايب
من فترة كنا متجمعين مع العايلة و موجودين قرايبنا هم خوات المهم ان الميانه بينا طايحة على قولتهم نمون على بعض
إلي صار ان وحدة منهم قدي متزوجة و في مسؤلية زوجها صادف هذاك اليوم انها راجعة من البحرين قعدت تتكلم تقول في النراكز لما وصلو عند التفتيش ما كان الرجال واقف برا كان قاعد ف الكبينة
شي معروف ان لما توصل عندهم السيارة الرجال يفتح النافدة حقته تقول طلع جسمه من الكبينة عشان اشوف السيارة داخل و طلب منهم يفتحو النافدة ورا اولادها كانو قاعدين
مو هنا السالفه
السالفه ان اهي لما قالت طلع الرجال جسمه من الكبينة
ما شفنا الا اختها تكلمت و قامت تلعلع انا من جهتي اهي تدري إني ماحب فلسفتها الزايدة
المهم ما شفناها الا تقول المفروض لما تمرو ع التفتيش تقطو بواشيكم على وجوهكم طبعاً لان انا و اختها ( محجبات) فقط ما نتغطى ولا نتنقب و عارفين حدودنا الحمدالله و ازواجنا راضيين ماحد له شغل

يعني يشوفو ثنتين جميلات اكيد بقطو نفسهم داخل السيارة
وش دخل جميلات من كلامها حسستنا ان ازواجنا مو رجال لان ما خلونا نتتقب و اهي فيها حمصة في قلبها تبغى تتحجب ما تبغى تتنقب

قلت لها انا عن نفسي في عصمة زووووجي و اهو راضي بالحجاب و مو معناتها ما خلاني اتنقب يعني مو رجال عيب عليك هذا الكلام
قالت لها اختها كان خليتي زوجك يغطي بنته او تتنقب قلبت الموضوع كللللله ع المكياج قلت لها احنى ما تكلمنا عن المكياج تكلمن عن الغطى بشكل عام سوا بمكياج او بدونة
حسستني ان كل المتحجبات لما يطلعو حاطين مكياج
فيه محجبات يطلعو فل مكياج بس مو شرط تشملينا معاهم
انا بس قهرتني ب تحسيسها لنا كأنا ازواجنا مو رجال كان ودي اقوم ارتكب فيها جريمة بنت اللذين
كل واحد حر و هذي اتفاقات من قبل حفلة الخطوبة حتى

نهاية السالفه ما شفناها الا تضحك و تقول ادري بطيت جبدكم قلت لها ولا همتني السالفه بس اشوف لما دخلنا بنتك ف الموضوع سكتي
كان تسكت مره ثانية

[عاشقة H]

ذكرتني ي بيس بذكرى العين

مادري احزن او اصيح
لما كنا في بيتنا القديم قبل لا ندخل عند البيوت كان فيه عين
مايتها صااافية تجنن تشرح الصدر <<< وصف جدتي طبعاً انا ما كبرت الا اهي تسكرت و مره اخذت طلعه عليها كان الباب مفتوح بغت تجيني السكته من منظرها بس كان شي جميل يذكرنا بأهل اول كيف عايشين
يكفي ان جدتي كانت تروح تغسل الثياب و المواعين فيها كل امهات اول يروحو و يغسلو و يخلصو و يرجعو بيوتهم هذا شي معروف في الزمن القديم
و سبب تسكيرها كان عند العين شجرة كعك فيه ولد كان متسلق فوق جدار العين و اهو يقطع له كعك من الشجرة الا ان شاء القدر و طاح فيها
و مو اي احد يجزم انه ينزل فيها ف جابو لهم غواص عشان ينزل اشوف اذا الولد موجود او لا
تقول جدتي ان حتى الغواص لما شاف العين و شاف المسافه جته هيبه من العين تردد انه ينزل
بس نزل فيها عشان اشوف الولد موجود او لا و طلع الولد من العين ميت الله يرحمة و الكعك في ايده ماسكه بكل قوته
وبعدها سكروها حطو عليها باب و الاشجار عندها ارتفعت و غطت على جدرانها

وبس سلامتكم

[عاشقة H]

الى الحين عايشين الناس إلي تبغى تعرف كل شي عن غيرها بس اهي حياتها سرية ما انقرضو
ي الله منهم استغفرالله
لكن من يوم و رايح مافي مجاملات ولافيه شي
الكلام إلي إريحني بزعلهم خليهم يزعلو بالطقاق ماجبت خبرهم ع الاقل لما يزعلو بفتك انا من الاسئلة البايخة

[عاشقة H]

يارب

[عاشقة H]

هالفترة صايرة ما يمديني احك شعر راسي ولا يمدي اسوي لنفسي شي
ولا يمدي اتصفح مواقع اذا بطلب شي الا هالحزة هدووووء

فيه امور واجد في مخي بصراحة احاول اخلصها شوي شوي
بديت فيها و ان شاء الله انهيها بخير و عافيه

الحمدالله افتكيت من المواعيد لشهر قدام مافي مستشفيات
تعبت مليت
اقدر اخلص بعض من اموري هالشهر
لو اقدر اخلصها اصير بططططلة

[عاشقة H]

.الله يعطيك الصحة والعافية وييسر أمورك

الله يعافيك يارب

جميعاً يارب
شكراً