اقتراح اضافة مواد اختيارية للخطة لرفع المعدلات هل تؤيدونني ارجو الدخول من الجميع فضلا لا امرا

[my Dreams]

الحمد لله وحده والصلاة والسلام على من لانبي بعده

احبتي في الله اسعد الله صباحكم ومسائكم بكل خير واسال الله ان يوفقنا جميعا ويجعلنا من الناجحين الفائزين في الدنيا والآخرة اللهم آمين .


اضع بين ايديكم اقتراح هو ليس جديد في مفهومة بل هو مطبق في الجامعات اقسام الانتظام .


الاقتراح باختصار : اضافة مواد جديدة تكون اختيارية في الخطة نستفيد منها في رفع المعدلات اولا وثانيا نستفيد ان نتجاوز مواد لن نستفيد منها في تخصصنا لكنها صعبة على كثيرا من الطلاب .


مثال للتوضيح : كلية الاداب فيها ثلاثة مواد للغة الانجليزية واحدة عامة والثانية كتابة والثالة قراءة فما ذنب طلاب تخصص اللغة العربية او التاريخ او علم الاجتماع ان يأخذ الثلاث مواد وهي ليست من صميم تخصصه .

مثال آخر للتوضيح : مادة النحو1 والنحو2 مثلا تجد صعوبة كبيرة لدى اغلب الطلاب فما ذنب طلاب الانجلش والتاريخ وعلم الاجتماع ان يدرسوها .


مثال اخير : مادة الاحصاء بعض الطلاب متعقد من شيء اسمه رياضيات ونجد هذه المادة مقررة على الجميع فلماذا لا تكون اختيارية لمن رغبها .


ارى والراي لكم ان تكون مثل هذه المواد اختيارية واما ان تنزل مواد بدليه ويسمح لنا بالاختيار او يسمح لنا مثلا ان نختار مادة في كلية أخرى اما في التربية الخاصة أو ادارة الاعمال أو العكس وهذا واقع موجود لدى طلاب الانتظام ويسهل تطبيقه على طلاب الانتساب لان المادة نازلة نازلة ودكتورها موجود اصلا فلن تحتاج الجامعة لاستحداث كادر جديد الا في اضيق الحدود .


* سياتي اناس ويقولون نحن طلاب جامعة ومفروض ناخذ معرفة ومعلومات من هنا وهناك ولازم تكون شهادتنا قوية فاقول لهم هذا الاقتراح لن يضعف جامعتنا ولا شهادتنا لانه مطبق فعلا في اغلب الجامعات والامر الآخر انك ستدرس مادة تحبها وتظن انك ستبدع فيها وراح تجيب معدل مرتفع بها .

ختاما وان اطلت عليكم الامر في الاول والاخير مقترح فان رايتم ان تاخذوا به نرفع للجامعة باسمك ونسال الله القبول للجميع .

ملحوطة : عدد الساعات لكل تخصص لن تتغير وكذلك الرسوم الدراسية هي نفسها

محبكم على الدوام / ابو عبد العزيز

[~Mrs.ENGLI$H~]

اتفق معك ... بس ياليت هالكلام من اول


الان راحت علينا واكلناها كلللللللللللللللللها


ياليت لو تم كنت اقدر استبدل المواد العامه بأي ماده انقلش


انا داخله ادرس انقلش ليش تعطوني احصاء واداره واجتماع ونحو ؟


بكره ما بشتغل بهالمواد !!! ولا بتفيدني بشي غير رفع الضغط والاعصاب !! والان والله ناسيتها كللللللللللها لأنها بالنسبه لي حشو غصب عني


ليش ما يعطون الطالب مجال يختار مواد من تخصصه ... ولا يرغم بهذي كلها




رأي صائب جدا ..




اعاننا الله جميعا وحفظك اخوي ابو عبدالعزيز

[حلـ....ـم]

كلامك عين العقل أخوي وفعلا الكثير منا يكره بعض المواد أو يصعب عليه فهمها وهي مالها دخل بتخصصه .

أنا مع إقتراحك والله يقويك وكثير من الأخوه والأخوات بيئيدونك

دائماتأتينا بالمفيد الله يجزاك كل خير .......تقديري وإحترامي لشخصك الكريم

[عيون ALmaha]

انا مع الفكرة وماعندي مشكلة اخذ مواد خارج تخصصي من باب العلم بالشي

وعلى حسب علمي ان المواد اللي خارج التخصص تكون سطحية

مثل ما اخذنا عقيدة اسلامية وصحة ولياقة واحنا في ادارة الاعمال

ما ادري انا احب اتعلم واحب اطلع على قد ما اقدر وما يسمح لي وقتي

باختصار انا

[منى*]

اللهم صلي وسلم على نبينا محمد وآله وصحبه اجمعين

انا اتفق معك بكلامك
انا كـ طالبة انقلش ليه ادرس مواد عربي او رياضيات او اداره ؟
ماراح استفيد منها اي شي اولا لاني بذاكرها عشان انجح فقط
ثانيا ماراح استخدمها بعد مااتخرج
فيه مواد ممكن ندرسها حتى لو ماكانت من تخصصنا مثل المواد اللي احنا محتاجينها لتثقيف انفسنا
مثل صحه ولياقه عقيده اسلاميه تجويد
لكن اداره او احصاء وغيرها ليه نضغط انفسنا وناخذها ؟!

اتمنى الجامعة تلتفت لهالنقطه وتاخذها بعين الاعتبار

شكرا ابوعبدالعزيز طرح رائع كعادتك .

[صّـايِـلُ]

بــآركـ الله فيما خطه قلمك ،، اقتراااح رائـع جدا ،،
وبالنسبة للنقاط ،، بالفعل ارى بإن بعض المقررات تقحم في التخصصات ،، ولا ارى انها ذات اهداف او حتى اهمية لطلاب التخصص ،، واضف على ذلكـ ،، المقررات التي يدرسها طالب تخصص اداره الاعمال فلا نعلم هل تخصصنا محاسبه ام اقتصاد ام اداره عامة..!
في نظري الخاص المقررات في تخصصنا تكملة عدد ،، والدليل على ذلكـ عدم وجود خطه رسميه لهذا التخصص ولا مسارات ،، فحينما اتحدث مع الطلاب في جامعات اخرى في تخصص الاقتصاد ارى بإن المقررات الصريحه لهذا التخصص لدينا ،، بينما المقررات النظريه تستبعد من جامعتنا ..!
هنا لا اجد سوى اجابه واحده ،، وهي ان جامعتنا تخطو خطواتها الأولى بلا اهداف واضحه و لا تبدأ من حيث انتهى الأخرين بل تبدأ كما بدأو
تقبل مروري كاتبنا المتألق دوما

[البيلسآن ..]

اللهم صلي وسلم على نبينا محمد ..

اوافقكك الرأي بـ شدة .. يَ ليت يوصل مضمون الفكره لـ الجامعه ..

من جد .. الاحصاء , الادارة , [ الانجليزي ] وصل انه يتفرع لـ ثلاث فروع ..!! يَ رب عونكك بس

الله يعطيكك العآفيه يَ رب ع طرحكك بالصميم وربكك .. يَ ليت الجامعه تتفهم لـ هالنقطه ..

والله يوفقكك ويسعدكك بـ الدآرين

[آبيات]

اقتراح حلووو يا ليت جامعتنا اطبقه و تعطينا فرصة الاختيار


يعني صحة والياقة ليه ادرسها وانا ادارة اعمال اممم

مشكوور اخوي ع الاقتراح وياليت راينا وصوتنا يوصل للمسؤلين مو هنا وبس

[رامـ2009ـا]

شكرا أخي أبو عبدالعزيز وبارك فيك المفروض والمفترض أن الجامعة لاتعطينا هذه المواد لأننا سبق ودرسنها ونسيناها ولم نستفد منها يعني المفروض ندرسها مستوى أول وبعده خلاص بس لما تفكر بتشوف أنها في صالحهم لزياده عدد الساعات وبالتالي زياده المبلغ المالي لو نظر لمستوى أول فيه ماده النحو والتحرير وكلها متشابهه لماذا لاتوضع ماده واحده ولكن الماده فوق كل شي كالعاده
وفقكم الله لما يحب ويرضى

[ملآكي]

اللي اعرفه يا اخوي وعلى حسب كلام بنات جامعة الدمام فيصل سابقاً
نفس نظامنا بالظبط بس هم المواد العامة ترفع معدلهم , يعني اذا حملت مادة تتركها وتاخذ المادة العامة عشان ترفع
المعدل , واذا ارتفع المعدل تاخذ المقررات اللي تركتها
واتوقع احنا مثلهم بس يمكن ماوصلت لنا المعلومه , ما ادري هذا رايي