حاصلة على جائزة الأمير محمد بن فهد للتفوق العلمي تحلم بالوظيفة - من كلية الأمير سلطان

[khaledtooth]

السلام عليكم ورحمة الله وبركاته اول شي انا احد الاعضاء الجدد بس احد الناس اللي تخرجوا من الكليه ومن الاسنان بالذات والحمدلله متوظف الان وكل شي تمام والحمدلله بالنسبه للاخت زينب حبيت اقولها لايصيبك اي احباط من انه ماراح تتوظفين بس لازم تعرفين انه مو على طول راح تتوظفين لابد تاخذين شوي وقت يعني ( فترة راحه ) وبعدين التقديم على الوظائف يكون من الخدمات الطبيه ليس من الكليه اذا كان هناك رقم وظيفي شاغر صدقيني بتتوظفين اما اذا كان ليس هناك ارقام وظيفي رسمي شاغر فان الخدمات الطبيه تشوف اذا كان هناك اي احتياج في اي مستشفى طبعا بنظام ( التعاقد ) فمتى ماوجد فانها مطالبه بتعيينك .
اما بالنسبه انك ماراح تتوظفين فهذا الشيء شيليه من بالك . وبالنسبه انهم رفضوا انهم يعطونك الشهاده فهذا الشي يكون اثبات انهم راح يوظفونك عندهم . وعلى فكره تتذكرين ان هذا الشي احد البنود اللي وقعتي عليها اول مادخلتي الكليه .
الخلاصه : لاتخافين راح تتوظفين انشالله لانه هم مطالبين بتوظيفك يعني اذا مو هالسنه السنه الجايه بالكثير وهذا الشي انا اقوله وانا واثق من كلامي.
واسف على الاطاله .
مع تمنياتي لك بالتوفيق

[Mr.2ooth]

نتمنى لأختنا الفاضله التوفيق .
بالنسبة لتخصص صحة الفم والأسنان فهو معترف فيه وأبصم على ذلك بالعشر .
حظ عاثر إذا أردت التأكد فسأل نفسك لماذا تم إدراج السلم الوظيفي في ديوان الخدمة المدنية .
وإن أردت كذلك فلتعلم أن هنالك العديد من زملاء التخصص واصلوا دراستهم واخذوا البكالوريوس في نفس التخصص وبعضهم في طب الأسنان .
مداخلة ليس إلا .
الوظيفه يبي لها صبر فأنا لم أتوظف إلا بعد مرور سنة من التخرج .
لكم جزيل الشكر .

[حالة من حالة]

الكليه الصحيه العسكريه باالذات قسم المختبرات قويه وماعليها كلام

وطبعا الدراسه تعتمد على الطالب وزميل لي بعد ماخلص من دبلوم الكليه اكمل الدراسه بالخارج

وللامانه عودلت له جميع المواد التي درسها في الكليه وهذا هو تخرج بكالوريس

وسبحان الله توظف بالمستشفى العسكري

انا خلصت منها وتوظفت وهذا انا انتظر اكمال البكالوريس اذا في فرصه واذا مافي طلعنا برا

اما الي يقول ان الشهاده مو معترف فيها ومن هالخرابيط

اقول له اولا ان هذي الكليه تابعه لوزاره الدفاع مو لوزاره الصحه هذا اول بند لازم تحطوا في بالكم

ثانيا من متى هيئه التخصصات الصحيه صارت لها كلمه مثل العالم والناس تعترف بالي تبي والي ماتبي ماتعترف فيه

وفي ناس متخرجين من الكليه ومتوظفين في مستشفيات تابعه لوزاره الصحه

ايه نعم كان في مشاكل في البدايه بسبب اختلاف الشهاده التابعه لها الكليه لانها لوزاره الدفاع لكن الان اصبح شي طبيعي

بالنسبه للاولاد يتوظفون بعد سنه او اقل او يالي معدله قوي او عنده واسطه

اما البنات مايتوظفون بسرعه واوقات مايتوظفون ابد وهذا الكلام مو بس بالكليه العسكريه برضو في الكليات الاخرى

التابعه لوزاره الصحه

الوظيفه حظك نصيبك يامعدلك بيشيلك او واسطتك او انطر ياخي لما يجيك الربيع

[روح حزينه]

بنكمل سنتين وحنا ماتوظفنا
والله شاب الراس من هالحالة