لو تكرمتوا ودي أذاكر بس كيف أبدا

[Development]

السلام عليكم ورحمة الله وبركاته ..

مساؤكم سكر ..

إخواني / أخواتي ..

باقي على الإختبار شهر على ماأعتقد وأنا حملت المحاضرات وحليت الواجبات وشاركت بالمناقشات ..

بس باقي أذاكر .. عشان الإختبار

فهل يوجد ملخصات أذاكرها وأركز عليها وتكفيني .. لأني صعب أشوف كل المحاضرات طويلة وكل محاضرة عشرين دقيقة تقريباً ..

فهل تتكرمون وتدلوني على طريقة أدرس فيها خلال هالشهر .. والله يعديها على خير

[فهاوه]

اخوي الله يوفقك ويوفق الجميع يارب ويسهل على الجميع المذاكره والاختبار ان شاء الله وتعدونها على خير

مثل ماقلت باقي شهر على الاختبارات
في بعض المواد لازم تشوف المحاضره عشان تفهم مثل ( المحاسبه , الرياضيات , الاقتصاد الجزئي ) هذي لازم تشوف المحاضره وكل محاضره افتح المحتوى تبعها واذا كنت طابع الملخص برضوا خله موجود وركز بكل محاضره وحاول تفهمها لخصها لنفسك مثل نقاط شئ جرب سولك اختبار وماتنهي المحاضره الا انت متأكد انك انك فاهمها واستنتج بورقه اشياء المحاضره المهمه يعني تقريبا لو تمسك بكل ماده 4 محاضرات يوميا مايجي اخر الشهر الا انت فاهم وعارف وش طبخة المنهج عارف وين انت فيه عشان مايجي الاختبار الا انت بس تذاكر اللي لخصته على نفسك مثلا شئ مو فاهمه ارجع للمحاضره وكيذا ( لو حبذا تخلي ماده مبادئ الاداره اخر شئ لانها هي اختبار اول يوم )
صدقني لو تمسك كل ماده ويوميا تفهملك ع الاقل 4 محاضرات صدقني مايجي اخر الشهر الا انت مخفف على نفسك كثيير اشياء

بالنسبه للملخصات للمواد عندك الرياضيات اكتب معه الامثله وكيذا وهي اللي راح تذاكر منها لانك لو بتكتب تشوف زبدة كل محاضره قليله ترى
القانون : ناس قالوا الكتاب بس من وجهة نظري اشوف المحتوى ماشاء الله مفكي كان وطبعتلي ملخص بوموزه +محاضره 14
مبادئ الاداره : ملخص فهد الشمري
المحاسبه : ملخص بوموزه
الاقتصاد الجزئي : ملخص بوموزه + المحتوى

<- طبعا هذي من وجهة نظري وعني انا صراحه مشيت على اللي قلته بس كنت من البدايه واللحين بالشهر بمشي بالملخصات واشوفها

اتمنى طلعت بنتيجة من كلامي والله يوفقك ويسهلك كل صعب ويسرلك الاختبارات ويوفق الجميع فيها

[BayanFJ]

فهاوة .
لا تعتمدين على ملخص بو موزة للقانون لان المنهج تغيّر !!
فيه عندك ملخص بن برخيا هو اضبط شي ..

هذي الملخصات اللي أنا اعتمدتها



محاسبة ( تحميـل )

مباديء الإدارة ( تحميــل )

إقتصاد جزئي ( تحميــل )

قــانون ( تحميــل )

طبعاً هالملخصات ماتغني ابداً عن مشاهدة المحاضرات
و الرياضيات المحتوى + مشاهدة المحاضرات مالها تلخيص :)

بالتوفيق

[فهاوه]

هو انا ماعتمدتها اغلب الملخصات ان شاء الله بكرا ابدا افتحهم واشوفهم
بالنسبه للقانون كثير قالوا ان الدكتور تغير بس نفس المنهج وقالوا ملخص بوموزه انا طبعته بس مافتحته بس اعتمادي الكلي بيكون من المحتوى طبعآ

ربي يجزاك كل خير يارب ويوفقك

[BayanFJ]

^

إذا كذا اوكي
بس القانون الدكتور نفسة لكن الكتاب تغيّر :)

[parliament]

والله اقتراحي انك تبدا كل ماده لوحدها لين ماتخلصها وتعتمد على المحتوى

وبالنسبة للمواد اللي تحتاج فهم مثل المحاسبة والرياضيات لازم الفيديو مع المحتوى عشان تفهم


ويمكن الاخوان والاخوات الافاضل يفيدونك بطريقه افضل لأن لكل واحد طريقته انت اختار الافضل والمناسب لك



وقبل كل شي توكل على الله


مع تمنياتي لك بالتوفيق

[Development]

مساكم ورد جميعا ً ..

فهاوه ..
أكيد طلعت بنتجية من ماكتبته .. والله يسعدك ويوفقك عدد ماكتبت من حروف ..

شكراً لك ..


BayanFJ

وبأمشي بطريقتك .. وسأحمل مارفعته من ملفات .. الله يوفقك ويشرح صدرك ..

parliament

ماقصروا الجماعة وأنت بعد ماقصرت تشريفك وملاحظتك تكفيني .. وأكيد التوكل على الله هو الأهم .. الله يوفقك ويسعدك ..

[حمد مرشود]

الله يعين
ماعليكم الله بيسهلها

[@الشمالي@]