...[خـــلآصة تجـــربتي في مستــوى ثآني+أهم الاسئلة لجمــــيع الموآد..~

[آم فـرآس~]

~بســـم الله الرحمــن الرحيـــم~

السلام عليكم ورحمــــة الله وبركآتة.,’

أخواني واخواتي طلاب المستوى الثاني..لعلي أكون تأخرت في طرح مثل هالموضوع لكن كل تأخيرة وفيها باذن الله خيـــرة

وأكيد الان سجلتم موآدكم..وكثير يسأل عن أسهل واصعب المواد اللي مرت علينا..~
وهنــآ اسمحولي اقول لكم شغله مهمة..:
لاتنسوا ان فيه فروقأت فردية ويمكن اللي أنت تشوفه سهل _أنا أشوفه صعب..والعكس صحيح..!!

لذلك فقط اسألوا عن المواد الدسمة واللي تحتاج وقت وجهد فالمذاكرة.

حتى بالنسبة للمواد اللي تحتاج حضور المحاضرات:بعض المواد نظرية ممكن على طول ابدأ بدراسة المحتوى بدون محاضرات مسجلة...لكن/بعض الناس يكون(بصري)بمعنى انو المعلومة ماتثبت عنده الا إذا شاهدها..~



بترك لكم نبذة بسيطة عن كل مادة +أهم الاسئلة+ملخصات بسيطة لكل مادة..~

الرجاء عدم الرد لحين الانتهاء من جميع المواد التسعه..~

[آم فـرآس~]

الادارة التربوية..~

هي مادة سهله بس فيها حشو معلومات كثير لذلك من الافضل تبدوأ مذاكرتها من بدري
الاختبار كان حلو كثير..~
والمادة تعتبر نظرية يعني ماانصحكم تشوفون محاضراتها ...

[آم فـرآس~]

العقيدة الاسلامية..~
يمكن أول ماتشوفوا الملزمة تخافون وتقولون كثيرة وصعبة..
بس تبدأ المذاكرة الجدية تشوفون انها من أسهل مايكون..~
الاختبار أتعب وأنا اقول روووعه...
شوفوا الاسئلة بالمرفقات وبتكون أسئلة الاختبار على شاكلتها بس تغيير بسيط ببعض الفقرآت..~

المادة نظرية ماتحتاج تشوفون المحاضرات..~

[آم فـرآس~]

تقنيات التعليم..~

السهل الممتنع..هالمادة كانت ممتعة ..لكن تحتاج نشوف محاضراتها لان الدكتور كان يعتمد أسلوبه على الفهم بشكل كبير..~لذلك انصحكم تبدأ مذاكرتكم لهالمادة من الآن..
صحيح الدكتور طلب كتاب..عن نفسي حتى ماشفته آكتفيت بالمحتوى +المحاضرات المسجلة..
والاختبار كان روعــــه بشكل خيالي...ماتوقتعه كذا بصراحه...

[آم فـرآس~]

بناء وتطوير المنآهج..~

الاغلبية كان متخوف من هالمادة وبعضهم مااخذها..لكن بقول لكم وبدون مبالغه ان اختبار هالمادة آحلى اختبار مر علي المستوى اللي طاف...مو آحلى منه غير التذوق...
المادة نظرية ماتحتاج محاضرات...+أسئلة الاختبار كانت جداً واضحة ومباشرة لدرجة ان الخيارات تدلك على الاجابة الصحيحة..~

[آم فـرآس~]

التوجية والارشاد..~


المادة بسيطة بس تحتاج تركيز بالمذاكرة+حفظ بالنص
اختبارها كان سهل ممتنع..فيه أسئلة ذكاء اللي هي بالمرفقات سمينها أسئلة التميز..

[آم فـرآس~]

التذوق الادبي..~

أجمل مادة+أروع دكتور وشرح +أجمل اختبار..
لايغركم المحتوى تشوفونه كثير
بس للأمانة تابعوا المحاضرات المسجلة مع الدكتور..راح تستمتعوا جداً بشرحه المميز
+تثبت المعلومة وتصيرون مثلي ماراجعت غير ليلة الاختبار
والحمد لله النتيجةA+

[آم فـرآس~]

علم نفس النمو..~

وماأدراك ماعلم نفس النمو..؟؟
خيال هالمادة ابداً وأنتم مغمضين توكلوا على رب العالمين ذاكروا المحتوى بدون المحاضرات المسجلة وبضمن لكم a+باذن الله..~
بس برضو تحتاج تركيز يعني لاتتساهلون...
بس اختبارها كان جداً رائع وواضح ومباشر..~

[آم فـرآس~]

فقة السيرة..~

مادة خفيفة لذيذة جداً...ماتحتاج تشوفون المحاضرآت المسجلة..
آختبارها كان قميل اوي... مع انو الدكتور جاب أسئلة عن التواريخ والاعداد..~

[آم فـرآس~]

مهآرات البحث التربوي...~

هالمادة سهله لكن خدعتنا شوي..
تعتمد بشكل كبير على الفهم يعني لازم تشوفون المحاضرات المسجلة أول باول..
الاختبار كان لابأس به ..مع ان الدكتور ركز على المحاضرات الثلاث الاولى..
مع ذلك نفذنا منها ولله الحمد..~


وبكذا أكون اكملت التسع موآد ..~
بأذن الله تفيدكم تجربتي البسيطة...+وسامحونا لو فيه اي خطأ..
ولاتنسونا من دعـــــــــــوآتكم..


_

**آنتبهوا للمواد اللي تغيروا فيها الدكاترة..مثل العقيدة وعلم نفس النمو...~