مشكله تسديد اتمنى مساعدتكم

[laklak]

السلام عليكم ورحمة الله وبركاته


أنا اتمنى من كل قلبي أحد يساعدني بمشكلتي هذي لأني بصراحه تعبت وكرهت هالجامعة واليوم الي سجلت فيها


عذراا على كلامي هذا بس انا ابي احد يقولي من الي لهم خبرات قبل شلون تتواصلون مع الجامعه

انا تعبت وانا اتصل على الارقام الموجوده وارسل ايميلات ولااحد يرد

مشكلتي انا انه قدمت على قسم ادارة الاعمال وسجلت فيه هالترم وارسلولي قبول وطلبو اسدد المبلغ وارسل الاوراق


طبعا صارت لي مشاكل كثيره بالتسديد لان حسابي انا ببنك غير بنك الرياض وحاولت من حسابي اسدد ولكن ماقبل

بعدها رحت لفرع الرياض البنك نفسه وسددت المبلغ

طبعا طريقتهم الموضحينها في الموقع قايلين عن طريق الصراف وتحطين الرقم الجامعي

لكن وقت ماسددت عن طريق البنك ماطلبو مني الرقم وجلست اسئل الموظفه اكثر من مره وتتاكد وقالت لا خلاص سويناه تسديد بااسمك واعطتني اصال بذالك


ورحت للبريد وارسلت شهاداتي مرفوق فيها الايصال

بعد كم يوم يرسلون لي الجامعه انه ترا وصلتنا شهادتك بدون التسديد نرجو منك الاسراع بالتسديد المبلغ وقدره كذا كذا

انا الحين وش اسوي ؟؟؟؟!!!!!

يعني لو احد منهم تكرم وفتح الضرف راح يشوف الايصال فيه انه سددت

انا ابي منكم بليززز احد اذا مرت عليه مثل هالمشكله يقولون لي وش الحل معهاااااا

واذا احد عنده ارقااام اكيده للاداره يخبرووني لاني تحطمت كثير على ماسددت انحست وبلاخير يقولون ماسددت !!


شكرا ,,

[جــدة غيــر]

عادي المسألة وقت فقط روحي لإقونة الأستفسار عن الوضع المالي
http://del.kfu.edu.sa/entisab_app/index.asp

وتاكدي

[ابو راشد الشمال]

سدد عن طريق الصراف الرياض الالي يعني كلم واحد عنده حساب ببنك الرياض وراح للبريد وعطهم السداد وهم بطريقتهم يوصلونه

[laklak]

انا طالبه جديده ماعندي للحين باسورد ولا شي لانه مو متعاملين مع ملفي لاني ماسددت ضاهر لهم هالشي

وصديقتي ارسلو لها الباسورد وانا لا

وحاولت ادق واراسلهم لكن محد يرررد :(

[laklak]

ابو راشد الشمال

طيب انا اوردي مسسسدددده وراسلتلهم فلوسي من البنك نفسه يعني سدادي الاول راح كذا ادفع مرتين ؟!!

[جــدة غيــر]

أختي بخصوص الباسوورد هم يتاخرون في ارساله
وانا الترم الماضي سددت ولا ارسلت لهم ايصال وبعدها قالوا شكراً لسدادك هههههههههههه
لا تنسين انهم الحين مشغولين بنتائج الترم الماضي وفي نفس الوقت تسجيل للطلبه الجدد
يعني بالعربي اعطي سداح فرصه

[laklak]

بس هما ارسلولي يوم الخميس هذا انه استلمنا الاوراق بس تراك ماسددتي << يعني سداح فاضي

وانا خوفي انه بنتنهي المده الي سامحين فيها ويروح علي الترم ذا على غلط مو مني منهم =(

[جــدة غيــر]

المشاركة الأصلية كتبت بواسطة laklak

بس هما ارسلولي يوم الخميس هذا انه استلمنا الاوراق بس تراك ماسددتي << يعني سداح فاضي

وانا خوفي انه بنتنهي المده الي سامحين فيها ويروح علي الترم ذا على غلط مو مني منهم =(

لا تخافي هم مددوا لكم المدة إلى 27/2

يعني اعطيهم إلى 20/2 بعدها سوي مظاهرة وانا بشارك معاك فيها

[Half Smile]

ما عليك أختي حقك موب ضايع .. وطريقتك صحيحه ميه بالميه

انا سويت زي طريقتك العام .. بس هالسنه زحمه واختبصوا ..

انتظري رسالة فيها الباسورد حقك لأن مو معقول كل طريقتك سليمة

أهم شيء الايصال معك نسخه منه ؟؟ تأكدتي يوم رحتي للبريد حطو الايصال بالظرف مع الأوراق؟؟

لأن حتى موظفين البريد فيهم إهمال موب طبيعي انا صار معاهم موقف العام خليته يدبس اوراقي كلها مع بعض حتى الايصال ويحطها بضرف ..

بس ان شاءالله مشكلتك محلوله .. ولا اوصيك احرقي ارقامهم دقي عليهم لين يردون لك حق وما ضاع حق وراه مطالب ،، بالتوفيق يارب

[laklak]

الايصال معي نسخه منه ومتاكده ارفق بالبريد

وجيت ابرسل لهم من شوي فاكس ارسلهم فيه نسخة الايصال الي معي وشرحة سالفتي

ولقيت الفاكس حقهم مافي حراره :( وراسلتهم ع الايميل ويطللعلي فشل تسليم !!!!!!!

الله يعين ويصبرني عليهم وراح اشوف هالاسبوووع اذا وصلني ردود ثاني ولا لا