رسبت ب3 مواد انصحوني

[Eric]

المشاركة الأصلية كتبت بواسطة بوح نبضي

لآ تتحطم .. بالعكس خله دافع لك تجتهد وتأخذ آعلى الدرجات..

راجع طريقة مذاكرتك يمكنك مقصر او مااعطيت الدراسة آهتمام..

مو إنت آول وآحد ولآ آخر وآحد يحمل كذا مادة..

إجعل الاخفاق داافع قوي آمامك لتحقققق طمووحك..


وسع صدرك ولا تضيقة شد الهمة والعزم الترم الجاي وآرفع معدلك..


لاتسسغي للمحبطين وقآتلين الهممممم..

الله يسعدك بصراحه كلام المحبطين هو الي اثر علي كثيرر

ولعل في الامر خيره والله يعوضني خير

[So0oT AlFgEd]

انا مثلك حملت مادة
الرسوب بمادة أو اكثر هذا لآ يعني نهاية المطاف

وأنما بداية الجد والدافع للمواصلة الدكاتر وهم الدكاترة رسبو

وهذا يعني أن هناك قناعة ليس كل أخفاق نهاية بل اجعلها بداية

بداية قد تجعلك تصحح ماأخطأت به والحياة جهاد ومعركة في سبيل

الأنتصار على الضعف واليأس أجعل لنفسك درباً وخطئ ولآ تنسى التوكل على الله

[ashoog]

لا لا لا لليأس

الرسوب لييس آخر الحياة

نسق جدولك في الترم الجاي وحاول تاخذ المواد الي رسبت فيها وزد وحده او ثنتين

لانك لسى باقي تتذكرها

وحاول تستغل في هالاجازة من مراجعتها حتى تنجح ان شاء الله الترم الجاي وتتعداها

ومتأكده انك بتتجاوزها بالتوكل ع الله والعزيمه وانت قدها

[Eric]

المشاركة الأصلية كتبت بواسطة طيف الورود

اخوي لاتياس لعلها خيره
دام عندك طموح كمل ولاتحبط نفسك يمكن السمسترات الجايه يكون النظام افضل وتتسهل الدراسه اهم شئ خلي عندك عزيمه واراده وهدف وحفز نفسك ولاتهمل وش يعني 4 او 3 عادي
نصيحتي لك خلي روح التحدي والاراده واهم شئ التوكل علي الله وكمل كفاحك وربي بيسهل امورك باذن الله
موفق يارب ولاتنسانا من الدعوات

ونعم بالله الله يوفقك يارب ويجعلك من اهل الجنه

[ملح البنات]

والله مآ ألومك ...
بس فكرة الأنسحآب من آلجآمعه شيلهآآ من رأسك ..
طيب لو آنسحب وسجلت بجآمعه ثآنيه ورسبت وش بتسسوي ؟!
وصدقني أن فيهآ خيره لك وبتذكر كلآمي هذآ أرجع أعيد و أقول آنهــآ خيره خيره _
و لآ تكدر خآطرك عشآن دنيآ بتخليهآآ و أنآ أختك ...

[سلمان اللحيدان]

انتبه تسحب ملفك وانا أخوك
اللي حمل ثلاث مواد مو أنت هذي نفسك وكانت بحالة مي رايقه !!!!!!
الترم الجاي ادخل بتحدي مع نفسك والله راح تكسب وترى كلها ثلاث مواد وانت الظاهر انك مستوى ثاني يعني قدامك وقت كبييييييير تعدل من وضعك

تكفى لا تكنسل الجامعه انا ما أحب احد تتكسر مجاديفه حاول مره وثنتين وثلاث ومليون ،،،، اعتبر هالجامعه تحدي ان ماخلصتها منت رجال واسمحلي على هالتعبير لكن يعلم الله ما أحب ان الواحد يستسلم لا ومتى من اول اختبار أو موقف
كمل وانا أخوك ومنت خسران شي ابد

[فيــصل الـشهـري]

ممكن تدخل الموضوع
http://www.ckfu.org/vb/t343457.html

[بوح نبضي]

المشاركة الأصلية كتبت بواسطة мασυнниαsн

الله يسعدك بصراحه كلام المحبطين هو الي اثر علي كثيرر

ولعل في الامر خيره والله يعوضني خير

ربي بعووضك بإذن الله


توكل ع ربك ولآتهتم لآحدددددد تعال هنا فضفض بين اخوانك ماراح نقصر بنششحنك قووة عزيمة وإرادةة


الانسسحاب يسمى ضعف وإنت مو ضعيف ولا نقصك شي


قم إحتفل وو وسع صدرك

[أخصائية اجتماعية]

اخوي بالعكس هذا داافع لك وكمل مو كل شي يصير ع طول نتخذ القرار بسحب الملف والله تندم ثلاث مواد هينه مو عاق لك تخصصك حلو هذي هي البدايه خلك زي نيوتن ف البدايه فشل وبعدين نجح وصار عالم وصاحب شركه هوندا للسيارات فتح اكثر من شركه للي احترقه وللي انهدمت وبعدين نجح مشروعه نصيحه كمل ورااح تنجح

[Eric]

الله يسعدكم جميعا وربي ردودكم توسسع الصدر وتشرح القلب

وان شاء الله مكمل للنهاية باذن الله والله يعوضني خير يارب

جزاكم ربي الجنه جميعا