لإكمال الدبلوم

[mechanical]

السلام عليكم ورحمة الله وبركاته

من منا لا يفكر في إكمال الدبلوم والحصول على البكالوريوس
وحلم حمل الـــ(م) !!

بالنسبة لطلاب كليتنا عندي شوية أفكار لهم:

الإكمال لدى جامعة الأمير محمد بن فهد الأهلية .
او الدراسة في البحرين part time توجد جامعتين في الحقيقة لكن للأسف لم يعترف بها بعد على حسب علمي.
الإبتعاث للخارج على حسابك الخاص او على حساب برنامج خادم الحرمين الشريفين.
ولا أنسى الإكمال لدى الجامعة (البترول).
كذلك كلية الجبيل لا تقبل سوى طلاب كليتي ينبع او الجبيل.

بالنسبة للإكمال في الخارج على حسابك او حساب الوزارة يتطلب منك مجهود وهو أن تحضر السجل الأكاديمي مع خطة المواد وإرفاقها مع خطاب القبول المرسل للجامعة.

وهناك أنت وحظك توجد بعض الجامعات تقبل كل المواد من C وما فوق...

ويه جامعات المعادلة تاخذ وقت ولازم تجلس مع إدارة الجامعة وتناقش خطة المادة التي درستها وإذا وجدوا أنه توافق مع المنهج عندهم يعتمدوها على طول.


وبالتوفيق للجميع

[بوشا]

يعطي الف عاااااااااااااااااااااااااافية

[Galaxy-sa]

بالنسبة لجامعات البحرين ما انصح فيها لأنها مو معتمده ..

والبترول ما يقبلون من الأربع وستين ساعه الا 14 منها ..

والله قهر ..

نصيحتي للي يبي يكمل ..

يروح على حسابه الخاص لأمريكا ..

ويدرس ترم واحد وعقب يحول للبعثات ..

امريكا جامعاتها تقبل اقل شي اربعين ساعه ..

يعني تقريبا سنة وعليها ..

نعمة ..

[E.Engineer]

الاكمال بالدول العربيه .. ما انصح فيهاا مثل مصر ,الاردن ... الخ

حتى لو يقولون لك نقبل من الـ64 عدد 45 ساعه .. لان البكالوريوس عندهم
غير عن الجامعات بالسعوديه عندهم البكالوريوس 170 ساعه وبمصر اعرف شباب راحو يكملون دراستهم قبلو لهم 50 ساعه من اصل 180 ساعه يعني { بالعربي نصب يكثرون السااعات عشان يدفع الطالب دراهم } هههه
كليه المجتمع نفس نظام جامعه البترول البكالوريوس 131 ساعه بس
حتى لو يقبلون اذا تبي تكمل من الـ64 عدد 16 ساعه { احمد ربك } لانها من 131 ساعه
لان الخطه الدراسيه للدبلوم تفرق كثير عن الخطه الدراسيه للبكالوريوس ومافي مواد متشاركه مع هالخطتين .. الا هالـ 16 ساعه

الا اذا تبي تكمل بجامعه حكوميه مو خاصه .. لان الجامعات الخاصه من نصبهم على الطلاب السعوديين وقفوها وزاره التعليم العالي

وعلى فكره وزاره التعليم العالي نزلت قرار ماصار له شهرين وقفو كل الجامعات الخاصه بالدول العريبه كلها .. بس ظلت الجامعات الحكوميه ..

ونصيحتي اللي يقدر يكمل بنفس الكليه يكمل طبعا هذا اذا معدله فوق الـ { 3.00 من 4.00}
{{ هو المفروض ينزلون شوي من المعدل اصلا قليل اللي يتخرجون فوق الـ3 :011: }}

طبعا الكليه ماشاء الله قويه بالتدريس وباللغه مايحتااج اني اتكلم عنها لاني انا متخرج منها بدبلوم وتوظفت بكذا شركه وعرفت قيمة الكليه وحاليا الحمدلله انقبلت فيها لبرنامج البكالوريوس وعرفت ان شهادتها قويه وكل اللي اعرفهم ميكانيكا والكترونيات وبزنس ماعرف واحد جلس فـ بيته ماشاء الله كلهم توظفو ..

عشان كذا انصح اللي يقدر يكمل فيها يكمل .. خصوصا انه اول مره يحطون بكالوريوس

وعلى سالفه { اللي يبي يدرس ترم بإأمريكا ويحول على البعثات } مو 100% اعرف ناس راحو هناك والله اكثر من سنه يالله الحقوهم بالبعثات وهي حظوظ ناس بشهر تجيهم البعثات وناس يطولون واللي عنده واسطه اكيد من ترم واحد يحول على البعثات .. فما انصح احد يخاطر بمستقبله الا اذا عنده واسطه بالوزاره .. او ماديتـه ممتـازه..

وعسى الله يوفق الجميـ^ـع

تحيااتي ..
E.Engineer

[Galaxy-sa]

يا هلابك حبيبي ..

كلامك مية مية وما قصرت والله ..

لكن اختلف معاك بهالنقطة ..

وعلى سالفه { اللي يبي يدرس ترم بإأمريكا ويحول على البعثات } مو 100% اعرف ناس راحو هناك والله اكثر من سنه يالله الحقوهم بالبعثات وهي حظوظ ناس بشهر تجيهم البعثات وناس يطولون واللي عنده واسطه اكيد من ترم واحد يحول على البعثات .. فما انصح احد يخاطر بمستقبله الا اذا عنده واسطه بالوزاره .. او ماديتـه ممتـازه..

انا اخوي صارله اربع سنين يدرس بأمريكا وللحينه يدرس ..

وهو بنفسه يسولف لي عن التحويل للبعثات وبساطتها ..

فيه ثلاث شروط رئيسية حاطتها البعثات للتحويل ..

اذا اكتملت على طول تحول مثل السلام عليكم .. وهذا قرار منهم مو مني ..

اول شي انك تكون مخلص 31 ساعه من مواد التخصص وليس التحضيري بأحد الجامعات المعترف فيها ..

ثاني شي انك تكون مخلص توفل ..

ثالث شي معدلك لا يقل عن 2 ونص من اربعه ..



الخطه يا اخوان اللي بقولها لكم ممتازه ..

الجامعات بأمريكا تقبل من دبلوم كلية المجتمع اقل شي اربعين ساعه اذا قدمت عليهم ..

بهذا تكون انت حققت شرط من شروط الألتحاق بالبعثات انك مخلص 31 ساعه ..

يبقالك شغلتين وهن المهمات ..

الشغله الرئيسية الثانية انك تكون مخلص توفل وجايب فيه درجة تأهلك لدخول الجامعة اللي تبي تقبل ساعاتك ..

اصلا غصبن عنك بتكون مخلص توفل لأن كل جامعة لها نسبة معينه للقبول بالتوفل ..

الشرط الثالث وهو المعدل ..

اول ترم تدرس على حسابك .. وتشد حيلك وتجيب كل المواد فوق السي بلس ..

علشان يصير معدلك فوق الأثنين ونص ..

وعقب تحول سلام سلام ..

وعلى فكره ..

الجامعة اذا قبلت لك الساعات راح يبدأ معدلك من الصفر ..

يعني وربي سهالاااااااااات ..

والله يوفق الجميع ..

[E.Engineer]

يعطيك العافيه اخوي جالكسي على الافاده

بس حبيت اقولك .. انت تقول ..
الجامعات بأمريكا تقبل من دبلوم كلية المجتمع اقل شي اربعين ساعه اذا قدمت عليهم ..

بهذا تكون انت حققت شرط من شروط الألتحاق بالبعثات انك مخلص 31 ساعه ..

على فكره نظام وزاره التعليم العالي ماتاخذ الدبلوم لما تبي تروح تكمل دراستك بأي دوله بالعالم .. يعني كأنك بادي { من الثانوي } .. هالكلام مو من عندي انا رايح اكمل دراستي العام بالاردن وقبلو من الدبلوم 45 ساعه .. ولما رحت للملحق الثقافي ودخلت على الدكتور العمري اللي هو مدير الملحق الثقافي وقلت له حققت اول شرط قعد يضحك هههه قالي يا أبني اي طالب يبي يكمل دبلوم ويعادلون له الجامعه لو كل عدد الساعات الدبلوم حنا مانحسبها له تدرس من جديد وتخلص { عدد 30 ساعه } وتكمل الشروط وتحول على البعثه .. اللي حسبوها لك الجامعه ماتروح عليك بس كتحويل على البعثه تدرس وعدد ساعاتك تكون زيروووووو .. يعني يبيلك تدرس اقل شي سنه كل ترم بتنزل 15 ساعه .. وهالسنه بإمريكا يبيلها اقل شي 80الف ريال ويالله عليك الحسااب .. ::t1:


يعني اللي انصح فيه ماحد يروح هناك الا اللي ماديته زينه او عنده واسطه والله العظيم اعرف ناس حاليا يدرسون بمصر وكملو كل الشروط والى الان ماحولوهم على البعثات يعني مادري ليه كل هالتأخير .. !!



وعسى الله يوفق الجميع

[Galaxy-sa]

يا هلابك حبيبي ..

أنا والله اتكلم لك عن شي حاصل قدامي واعرفه شخصيا ماحد قالي ..

واحد من جماعتنا الخاصيين خريج كلية المجتمع تخصص ميكانيكا ..

راح هناك وقبلوا له الجامعة 41 ساعه من دبلوم المجتمع ..

وعقب درس اول ترم على حسابه وجاب فيهن معدل فوق الثلاثه ..

واخذ ترانسكربت للمحلقية وعلى طول الحقووهـ مع الطلاب ..

ما ادري عاد ..

عموما مثل ما قلت انت امريكا غاليه والسنه يبيلك اقل شي بالميت 60 سبعين الف ..

انا باقيلي والله الترم الجاي 10 ساعات واخلص بالمجتمع كهرباء ..

يا أني اكمل بكلية الجبيل الصناعية لأني سمعت انهم يقبلون دبلومنا ..

أو أكمل بنفس الكلية الخايسه حقتنا ..

أو أمريكا ..


والله يعين وانا أخوك ..

[E.Engineer]

اخوي جالكسي لبى قلبـــك انا مصدقك يالغالي ..

وانا معاك بالنقطه هذي .. بس سالفه ان الملحق الثقافي اللي بامريكا متأكد 100% لما يروح اي طالب دبلوم مو شرط من كلية المجتمع اتحداااك تحدي اذا وافق على هالشرط اللي هو اذا عادلو لك الجامعه اكثر من 40 ساعه { انت تقول حققت شرط الـ 30 ساعه حقت الوزاره اذا على كذا كل طلاب الدبلوم حتى التقنيه راحو لامريكا هههه} اقولك متأكد لان هالكلام انا ماخذه من مدير الملحق الثقافي الدكتور العمري اللي بالاردن يقولي ( نظام وزاره التعليم العالي يا أبني شروطها 30 ساعه تخلصها .. الخ من الشروط لما قلت له ان الجامعه عادلت لي 45 ساعه ابيكم تقبلون هالشي عساس اني مخلص الـ 30 ساعه ) يقول مانقبل هالشي لانه نظام .. لازم تدرس وتخلص 30 ساعه غير الـ معادل لك ..

وفعلا انا اتفق معاك على سالفه ان في طلاب يدرسون ترم ويحولون على البعثه بامريكا وهذي حاصله كثير .. وهي والله حظوظ والنظام تخلص 30 ساعه وهالـ 30 معناها سنه ..


وانت ماشاء الله عليك تعجبني اذا عندك طموح التكميل وعسى ربي يوفقك .
وسالفه كليه الجبيل الصناعيه انا وربعي كان مافي بكالوريوس بكليتنا رايحين بانفسنا ورفضونا قالو بس طلاب الكليه نفسها هم اللي يكملون حتى لو معدلاتكم 4 من 4 ..
وانا تخرجت قبل سنتين ونص تقريبا وبراسي اني اكمل من زمان بس الحمدلله تو حطو البكالوريوس بالكليه وانقبلت ولله الحمد لي ترم مخلص الى الان ..

وانا ( انصحك ) اذا معدلك فوق الـ 3 كمل بنفس الكليه .. صدقني شهادتها قويه لانها تابعه لجامعه قويه جامعه البترول ..ولاني عارف قيمتها بالشركات وانا من مبطي ابي اكمل بنفس الكليه بس تأخرو شوي عشان كذا رحت لاردن ورجعت لما عرفت ان في بكالوريوس ..



<<<< سوري ادري اني طولتهااا وهي قصيره بس حبيت اوضح الصوره خخخ :$


وعسى ربي يوفقك ان شاء الله اخوي جالكسي .. وشد حيلك بما انه اخر 10 ساعات لك ;)

اخوك
E.Engineer

[Galaxy-sa]

وانت ماشاء الله عليك تعجبني اذا عندك طموح التكميل وعسى ربي يوفقك .
وسالفه كليه الجبيل الصناعيه انا وربعي كان مافي بكالوريوس بكليتنا رايحين بانفسنا ورفضونا قالو بس طلاب الكليه نفسها هم اللي يكملون حتى لو معدلاتكم 4 من 4 ..
وانا تخرجت قبل سنتين ونص تقريبا وبراسي اني اكمل من زمان بس الحمدلله تو حطو البكالوريوس بالكليه وانقبلت ولله الحمد لي ترم مخلص الى الان ..

افااااااااااااااا ..

الله يخسهم والله على بالي يقبلون دبلومنا ..

<< تحطم هههههههه ..

والله بكلم فايز الشمري وان شاء الله يوافق اني اكمل بكليتنا ..

معدلي حول الأثنين ونص .. وناوي اكمل بأيديني ورجليني ..

الدبلوم ما ينفع هالحين ..

وان ما قبلوني كلية المجتمع بطلع برى والله يعين ..

أجل انت ما شاء الله مخلص ترم ..

الظاهر مع عبدالعزيز العنزي ( الصقري ) .. ومع أحمد فهد ..

تراهم ربعي ..

[E.Engineer]

المشاركة الأصلية كتبت بواسطة galaxy-sa

افااااااااااااااا ..

الله يخسهم والله على بالي يقبلون دبلومنا ..

<< تحطم هههههههه ..

والله بكلم فايز الشمري وان شاء الله يوافق اني اكمل بكليتنا ..

معدلي حول الأثنين ونص .. وناوي اكمل بأيديني ورجليني ..

الدبلوم ما ينفع هالحين ..

وان ما قبلوني كلية المجتمع بطلع برى والله يعين ..

أجل انت ما شاء الله مخلص ترم ..

الظاهر مع عبدالعزيز العنزي ( الصقري ) .. ومع أحمد فهد ..

تراهم ربعي ..

- لا تتحطم وانا اخوك حاول .. كل شي جايز .. لعل وعسى غيرو نظامهم لو تدق عليهم وتسألهم .. اذكر يوم رحت ياطويل العمر ورفضوني انا وربعي .. بعد جامعه حائل نفس الكلام رفضونا وقالو الاولويه لطلاب جامعتنا اللي يتخرج بدبلوم هو اللي يكمل بكالوريوس ..يعني انا مستغرب من نظام كليتنا ليش طيب لازم يكون معدل طالب الدبلوم اذا يبي يكمل بكالوريوس اكثر من 3 .. وطلاب السنه التحضيريه يبون 2.5 .. والمفروض انها تكون العكس لان الحمدلله كل اللي اعرفهم دخلو معنا دبلوم والله اقل قريد كان b بكل المواد وطلاب السنه التحضيريه كلهم ناجحين بالدف يالله بـ d يعني في فررررق شاسع ..

بس انت حاول تكلم فايز الشمري وان شاء الله مايقصر ولو تكلم بعد الدكتور مبارك المطيري هم مايقصر ..

- اي والله الحمدلله خلصت اول ترم والحين ماخذ صيفي .. وعزوز اخو ممدوح واحمد كلهم ربعي بعد ههههههه ونعم والله فيك يالاجودي وفيـهم ..

ونصيحه اخو فـ الله (( كــمــل دراسـتـك .. على قولتك الدبلوم ماينفع بهالوقت )) ..
واذا انت مو بحاجة الوظيفه .. توكل على الله وكمل دراستك وعسى ربي يوفقك ان شاء الله وييسر لك امرك ويحقق مرادك ..