ضروري لكل المستجدآآتـ كل مايجب معرفتهـ من تجربتي

[الغلا]

السلام عليكم

اول شي للي مايعرفني

انا فتاة

<<قولي قسم بس لوووول

ادرس بجامعة فيصل تخصص محاسبه بالدمام


للبنات المستجدات الي هذا اول سيمستر لهم

بالنسبه للي يسألون عن الدوام والجدوول
تداومون السبت هذا احسن لكم عشان تاخذون بطاقتكم الجامعيه لان لازم وقت تسليم الاوراق تكونوا وديتوا الصوره

الشخصيه المهم انتوا داوموا وهم بيعطونكم ورقه لونها زهري او اصفر واظن ذي اخذتوها من وقت القبول يعني انتو

لما وديتوا الشهاده والملف سويتو اجراءات من ضمنها اعطوكم ورقه زهري لونها من فوق مكتوب عليها الرقم

الاكاديمي هذا الرقم الله يسلمكم له رقم سري تكونون عارفينه من وقت القبول يعطيكم اياه نفس الصفحه الي طلع

لكم القبول فيها هذا شي

والي ناسيه تراجع القبول والتسجيل بالجامعه ويطلعوا لها الرقم الاكاديمي والسري

المهم تدخلي الرقمين في البانر وتلاقي الجدول تبعك وبس

وبنات اذا داومتو بكره ان شاء الله الكلام للمستجدات البسو تنوره وتي شيرت احسن لانهم احيان يفصخون العباة واحيان لا

انا ببدايه السنه لما رحت اسوي اجراءات مافصخونا لان كان خفيف كم بنت بس يمكن انتو لان جايين بنص السنه يعني الدوامات تقريبا ابتدت فاحسن البسو وريحو انفسكم والله يوفقكم ياااارب

واي شي تبغون تعرفونه انا بالخدمه الله يوفق الجميع واي شي تبونه من عيوني



,,,,,,,,,,,,,,,,,,......


بغيت اقولكم شي من الي درسته السيمستر الاول يعني سولااافتي >>سولافتي=سالفتي لووول المهم سولافتي الترم الاول مع الدكاتره عشان تستفيدون

يعني كل دكتوره ورايي المتواضع عنها يمكن هالشي يفيدكم

وهالكلام كان رد مني ع وحده من الحلوات لانها سالتني عن الدكاتره وحبيت اكتبه بموضوع عشان الكل يستفيييد
وبخلي الكلام مثل ما ارسلته لها

<<العرق دساس

<<يعني مثلا فيها عرق سوداني لوووووووووووول:o3:





(((((الدكاتره الي اخذتهم كلهم كويسين وعسل طبعا اول جدول ينزل لج من الجامعه نفسها ماتقدرين تغيرين فيه شي ولا تقدرين تضيفين ماده بس تقدرين تحذفين ونصيحتي لا تحذفين ولا ماده انا نزل لي 7 مواد وخليتها والحمدلله

*ادارة اعمال>>د. عزه الشربيني والله انها عسل وتجنن وتريح الكثير ماتعجبه بس انا تعجبني ومالج دخل من كلام البنات وحتى لو كان صحيح ترا بعد يعتمد ع اسلوبج مع الدكتوره يعني مثلا دكتوره عزه الكل يذمها وانا قلت بجربها ويوم جربتها لقيتها تجنن والله واخذت عندها A+ الحمدلله

*اداره عامه>>د.غاده والله انها اخطر شي بالدنيا تجنن محاضراتها نووووم هههه وبعدين تنزل ملازم بالمكتبه تبع الجامعه تشترونها وتذاكرون منها بس وصحيح الملزمه يمكن فيها كثير بس تجي الاسئله دقيقه وبنفس الوقت واضحه تجنن والله هالدكتوره وحييييل حبوبه

*قانوون>>د.حياة ابو النجى وقسم تنحط ع الجرح يبرا عسسسسل وتحب البنت الي تذاكر اول باول والله تحطها ع راسها وخليج حريصه وذاكري اول باول واسئلتها حلوووووه حيل وهي حيل متساااعده وهالشي بيبن بالفاينل والله تجنن

*ثقافه>>اكييييييد د.ايمان البغا تجنن من قلب انا جدا جدا احبها والله اهم شي ذاكري وركزي بمحاضرتها وانتبهي ولاا تتكلمين ابد وتبين من جد من جد تاخذين درجة مشاركه كامله اجلسي دااااايما قدام احرررصي ع هالشي ودايما تناقشي معاها بالمحاضره واعطي رايك بكلامها واذا كنتي معترضه وهي تحب انك تكونين عارفه شي عن علي الطنطاوي فاقري له كم قصه ترا والله العظيم قصصه تجنن مررره اقريها ع النت مره تجنن


*تربيه>>فدييييتها ياناس احبها مره دكتوره فاطمه شحاته تدرين شسوت لنا بالفاينل خلتنا نذاكر من ملزمه جدا جدا خفيفه حذفت لنا كثيييير والله تجنن واسئله التربيه دايما اختياري بس لازم تدرسين كوووويس ومالج دخل بكلام البنات الي يقولون اختياري بس اقري لاااا لازم تذاكرين كووويس


*اقتصاد>>د.منى المصري تجنن والله حييييل تكتبي معاها بالدفتر وكل شي يجي من الدفتر والله خطيره وتضحك


محاسبه مراح افيدج لاني كنت مع دكتور وكل البنات دكتورات بس والله انه خطيييير ))))


وهي سالتني عن اللبس بعد ورديت


(((واللبس عادي اي شي التنوره شوفي لازم طويل بس انا والله ماحب طويل وعادي تلبسين ميدي بس مو مره قصير لا قصير شوي يعني 4 اصابع بس وهذا الي انا البسه لووول والتيشيرت لازم الكم يكون بس باقي 4 اصابع ويوصل للكوع لانهم يقيسون كذا يحطون 4 اصابع من على الكوع الى فوق اذا اقصر ترووحي بداهيه

بس البسي الي تبين وفوقهم الجاكيتات السودا الخفييييفه مره قطن كم طويل هذا لبس الكل يلبسون تي شيرت قصير وفوقه جاكيت قطن وانا شفت بريمود في بن خلدون منزل جاكيتين قطن خطيرين خفاف وفي ازارير من قدام واحد لحمي وواحد اسود
تلاقينهم قدام المحاسب والله لازم تاخذينهم مررره بينفعووونج والواحد سعره ع ما أظن 86
<<صارت تسووويق

لوووول

الله يوفقج وصح زارا جايب تي شيرتااات عسسسل توه منزلها اخذي الي داخل عرافه قسم السبوره لان الاغلبيه يلبسو سبورت طول الاسبوع وبيوم بس يكشخوا يعني الاغلبيه سبورت فروحي بزارا داااخل ع اليمين اكيد فهمتي قصدي))))


وسالتني عن كيف تشوف الجدول

(((وبالنسبه لكبف تشوفين جدولك انا كتبت كيف بردي ع اخر المواضيع الي انكتبت بالقسم مو متذكره بس هم من الاخيرين والله يوفقج)))



.........

الله يوفقكم بالخدمه حبااايبي

[بنت الريف]

ماعطوني رقم أكاديمي وش أسوي ياربي

[الغلا]

عادي حبيبتي داومي بكره وخذيه

[بنت الريف]

مشكوره حياتي

[الغلا]

العفووووووو

[دنيتي قلبك]

الغلا ,, مميزة بردودك أتمنى تحطين طلب للإشراف على القسم :) هاااه شرااايك يااعسل ؟؟ وتهتمين بالمواضيع وأخر الأخبار وتردين ع الإستفساراات ... حطي طلبك بموضوع المدير أزرق في أمريكا في القسم العام :)

[دنيتي قلبك]

http://www.ckfu.org/vb/showthread.php?t=30189

[الغلا]

تسلمييييييييييين حبيبتي والله من ذوووقج وربي وان شآآء الكل يستفيد يارب

وانا حطيت الطلب وان شاء الله يصير الي فيه الخير يارب


:c8::c8: :c8: :c8:

[matar]

مبروك عالاشراف يالغلا..تستاهلين والله

[ميمي فيصل]

داآآآيم أحب أقرأ مواضيعك يالغلا ,,

طلعتي مثلي ثاني سمستر وقسم (محاآآسبه):049:

يعطيك العاآفيه على هالمعلوووماآت وأنـا بعد أخذت كل المواد بس كان في شي أحس انظلمنـا فيه أكيد انك عاآرفته(انو أخذنا ادارة أعمال مع ادارة عآمه بنفس السمستر

أنصـحكم يابناآت للي بتاآخذ ادارة عآآمه تاخذها عند غاده الحاج نفس ماقالت اختنا الغلا .. لأن انـا كنت عند دكتوره الله يسامحها عذبتنا :011: فماأبيكم تطيحون بالغلط اللي طحت فيه

وربي يوفق الجميييع ان شااااء الله :praying: