تجمع ضد السبعين سؤال لماذا

[أبو ريتال]

يعني اهم شي عندكم الوقت على شان تطلع بسرعه من الاختبار وش الفايده اهم شي النجاح الوقت لايهمكم وقتنا ضيعناه في اللعب واللهو ما استفدنا شيء .

انا ودي لو تطالبون الدكتور يسوي لنا ملخص صغير ويتكون من عشرين ورقه فقط ويكون الاختبار منه افضل لنا من ناحية المذاكره لان اغلب الطلبه عندهم دوام ومشاغل عايليه.




شكرا

[onlybarbie]

يمكن قصده يحطون الدرجات
على اشياء ثانيه
زي مو للواجبات و الحضور و المشاركات 30
يكثرون اشياء بدرجات
بس اذا قصدك شي ثاني
انا ضدك....و الموضوع مرفوووض
ودي وتحياتي

[حلم&& حياتي]

المشاركة الأصلية كتبت بواسطة أبـو غـلا

بالعكس واحسبها صح انت

ايهما افضل
اذا جاوبت خطأ على سؤال واحد وتخسر عليه درجة وحدة
ولا اذا جاوبت خطأ على سؤال واحد وتخسر عليه خمس درجات

لاكن اللي نبيه من الجامعة ونتمنى نطالب فيه يمددون فنرة الاختبار على الأقل نص ساعة

كلام صح ميه بالميه وانه استغرب من الي بس يخلص نص الوقت يسلمون احس حتى لو الاسئله سهله لازم تركيز وقت الحل وغير المراجعه الي تاخذوقت

((( احس صاحب الموضوع توهق كان يبي تجمع ضد السبعين سؤال وصار تجمع ضده ))

(( اتمنى انه صاحب الموضوع ما يتضايق وياخذ ارائنا بصدر رحب ))

[saleh1999]

كذا الوضع زين ولو حسبت الشغلة نفس بعض الى اختبر70 سؤال بيجيب العيد على الاقل ب10 والى اختبارة 25 بيجيب العيد 3او4

[ابوباسل78]

اي والله اكرمنا بسكوتك ياخي عندنا عالم مدري كيف مسوين يبون يتفلسفون واهو يخرب على العالم ترا ملينا من كثر الأراء الي ودتنا في الف داهيه من طريقة زيادة المشاركات والواجبات والمحاضرات المباشرة ياعالم خلونا على وضعنا

[بدر 2011]

احس ان فيه ناس بالجامعه اذا ربي عطاها وقت وذاكرت وعرفت ماهمه غير نفسه قبل الاخرين
اذا انت وانا اخوك شاطر حل الاسئله واطلع وانشاء الله تجيب العلامه كلها وان شاء الله تحفظ المواد
كامله لكن حط في بالك ان فيه ناس كثير وكثير من اللي مايحصلون من ظروفهم لدخول الجامعه
الا القليل يعني لو بيحفظ راح يحفظ القليل وماهو بكثير ويمكن ظروفه ماتساعده على متابعة المواد
الا باايام الاختبارات او بااجازته وهم من يقومون على راحتي وراحتك بهالوطن لكن ظروفهم حالت دون
اكمال دراستهم سابقا ويوم جات الفرصه لهم تبي حتى تحرمهم هالشي اعتقد 70 سؤال
افضل من اللي انت تقوله وانا اخوك وشايفه بجامعات ثانيه حنا ندور مايسهل علينا وانت وغيرك يدور اللي يصعب هالشي على الجميع بس على شان نفسه المره اللي فاتت بالفصل اللي راح كانوا يعتمدون
على المشاركات فقط والواجبين والمحاضرات ومن كلام بعض الاخوة اللي ذكر لبعض الدكاتره انه مايبي
احد يكتب جزاك الله خير او يعطيك العافيه على شان تكتب له مشاركه وكان يطالب انه يشيلون منتدى الحوار
جاء هالفصل هذا حطوا مناقشات وثلاث واجبات وقضايا والايقونه مافتحوها يعني تضمن تجيب شي او لا وارجع واقول الله يخليكم اللي عنده شي يحتفظ فيه ولا يخرب على زملائه بهالاقتراحات اللي مال امها داعي
70 سؤال بكل غلطه درجه افضل من 25 سؤال بكل غلطه اربع درجات يعني اللي كان يبي يضمن النجاح
على هالاسئله يروح ضمانه على شان بس بعض الناس يرضون اسف ولا تعتبرون كلامي ضد اي احد
لكن الحق يقال الجميع يتمنى بان يغيروا حتى الدرجات تكون من 40 بدل 30 للصالح العام

دراستهم

[alhabyb]

هذا رأيك ونحترمه ونقدره .. وأرجو من الأخوه عدم الخروج عن حدود الأدب في الحوار

أخي مثل ماقالوا الأخوة والأخوات كثرة الأسئلة من صالحنا كـ طلاب لان على كل سؤال

درجه وحده بعكس الـ 25 سؤال تلاقي على كل سؤال أربع درجات .. فأنت أحسبها

وراح تتراجع عن رأيك .. والأختلاف في الرأي لا يفسد للود قضية

[www.com]

انا رأيي ان الاختبار يكون سؤال واحد

يعني ياتجيب 70

او تجيب صفر بهالكبر

ههههههههههه

لا تزعل منا ياصاحب الموضوع نمزح معك

[Pink_Dream]

ما اضم صوتي لصوتك اخوي

لان مثل ماقالو لك الاخوان كثرة الاسئلة من صالح الطالب

انا اشوف 70 ممتازة جدا

[سمو الألم]

هالحين تبون تحملون المحاضراااات ولا تحضرونها ولا تبون تتعبوووون بالمذاااكره
وتتحلطمون من 30 درجه أعمال سنه و 70 سؤال للإختبار
ومسويييين لي فيها زحمممه وفوق ذااا تبون تنجحوووون ؟؟؟؟؟؟؟؟؟؟؟؟؟
اللي مذاكر ما تضره 70 سؤال بالاختباار لان الاسئلة موضوعيه مو مقال تكتب ويروح عليك الوووقت
وطووول وقت الاختبارا اطلع قبل فترة نهاية الوقت بنص سااعه ومرات ساااعه وان كثرت 10 دقايق لحد يبالغ
نحمد ربنا مو كافي قبووولنا فيها واحنا اللي مسجلين فيها وبرضانا وبفلوووسنااا
من مصلحتنا لو 100 سؤال لاننا الربحانيين