الماصل !! بالعمل والكلية .

[الصوارم !]

,






السلام عليكم !
رسالة موجهة لكل ماصل يحاول أنه يكون فكاهي ومضحك عند الجميع .

,,,,

عزيزي متابع الموضوع بتشوف بعض المصطلحات الغير عربية ( بالعامية يعني )
نظام أنا الولد المثقف وهالحركات ما أعرفها خذ الموضوع بالعامية بتوصلك المعلومة

الماصل !
من هو الماصل محدثكم الأن قد يكون فيه نوع من الماصله , :)
المهم الماصل هو شخص غثيث ويعتقد أنه يجيد فن أضحاك الجميع بنكته هي اسمج
منه ويحاول يوصلها بطريقتة اللي تحوم الكبد . وهاذي النوعية نقابلها بكل مكان
لدرجة انك لاشفت هالأنسان تحس أنك بتكره اليوم للي شفته فيه وشفت خشته
سماجة بالسواليف ويعيد ويكرر بنفس الموضوع ويعتقد أنه مضحك ومحبوب .
ويعتقد ان كوميدي ونادراّ تشوف احد مثله .

لكن المشكلة الأكبر أنه يعتقد انه محبوب بالجلسة وبسوالفة , وهاذي النوعية مهما
تعطيها بالوجه من كلام عشان يفهم بالعكس يزيدك عناد ويعتقد أنك مقهور من اسلوبه

( بعض الأحيان أقول أن هالأنسان مفيد وفيتامين للمجتمع , لأنه بيجيب لك شي سامج
وأنت بتنزل اللي فيك من عصبية بوجه هالأنسان وكذا انت فجرت مافي قلبك
وهو نزل سماجتة عندك وكذا الجميع مستفيد )

أمنية
( أتمنى هالماصل أنه يطيح بيد ناس ماتستحي وتعطيه بالوجه وبعدها اوعدكم
راح يجيه انفصام شخصية ويرجع لحالته الطبيعية وين هالناس بس )

محدثكم الّان
( أحس اني بعد هالموضوع وحدة من الثنتين
* الموضوع راح يقفلونه ويحذفون العضوية ويطردوني
*أو أني وصلت مرحلة السماجة وتعبت نفسي بموضوع عن السامجين
وأفكر يكون هالموضوع مشروع تخرجي )



محدثكم انا



الى اللقاء

[درة البلد]

بالنسبة للسامجين بدت نسبتهم تزداد بس بصراحة ما اعرف الفيتامين اللي مخليهم هالكثر

اما موضوعك فعليه السلام اول مايقوم لاكوست من النوم ويتصبح بهالموضوع النادر من نوعه راح يقفلة

اما مسالة يطردونك فانت موفي بيت ابوهم

[نسيم الصبا]

الماصل....كلمة جديدة علي...
يعني =سامج=ثقيل دم=بالفصحى(سّفيه)..
الظاهر واحد ماصل رافع ضغطك وهذا سبب موضوعك
باختصار تجنب هالنوعيه من الناس ولاتخالطهم..
اذا نطق السفيه فلاتجبهُ..........فخيرٌ من إجابته السكوت
فإن كلمتهُ فرجت عنهُ..............وإن خليته كمداً يموت