انطباعكم عن اختبار الموارد البشريه

[عزيّـز]

خلاص .. دوري لي صورة رمزية على يدك يالله
بنتضر خلف الشاشة

[نبض الوجود]

أممممممممممم تيب بس شنو تبي شي يخص الكومبيوتر لآزم
ولآنشغّل الرومنسيه
^
محد بينذبح

[عزيّـز]

اما رومنسية ههههههههههه انا وجهي وجه رومنسية
خليني بعالم الكمبيوتر والأنترنط

[go0ory]

حسبي الله ع الي كان السبب
اشكوه لخالقي لغتص حقي منه ويرا ظلمه في نفسه او اولاده وربي مايخيب المظلومين

[نبض الوجود]

ياربي الله يهديكم ليه هالدعاوي قولو ربي اني عفوت عنّه فعوضني من عندك
وشدخل عياله حرام عليكم هذا اختبار دنيا
اخوي عزيز الصوره برسلها ببروفايلك هاليومين

والله ضاق صدري من هالدعاوي وكلو ربكم وهو حسيبكم

[عزيّـز]

مشكورة يا وخيتي اخدمك بالافراح ان شاءالله

الاخت جوري
حرام لالالالا مو لهالدرجة الله يهديك بس
مهما كان تراه يؤدي رسالته العلمية .. احنا ما نطلب الا التخفيف فقط من الحشو
يا اختي والله العظيم واقسم لك بالله اني مانيب محتاج اكثر من الترم هذا للترقية بعد سنتين موب الحين يعني بامكاني اوقف الدراسة ومانيب بحاجة الشهادة ولا الدراسة راتبي مكفيني والدورات داخل وخارج المملكة والحمدلله لكن اطمح بترقيات لمراتب اعلى والبحث عن التقدم الوظيفي شي جميل
لكن اقسم لك بالله ان الدراسة اذا تمت بروح رياضية او نفس طيبه مافيه مثلها ابد . بغض النضر ان المادة صعبة او سهلة .. الحياة الجامعية راح تواجهين فيها السهل والصعب وهذا هو المطلوب : مواجهة السهل والصعب والتغلب على الصعوبات بالبحث عن أفضل السبل للوصول للهدف
طبعا كلامي فلسفة هههههه يمكن ما يعجب الأغلبية لكن هذا الواقع .. انا اتكلم من منطق جامعة الحياة موب جامعة الملك فيصل او غيرها

فما توصل لدرجة الدعاء على دكتور او استاذ غرضة توصيل الدراسة .. واحتمال يكون هو المسكين مضغوط من الي اعلى منه وطالبين منه وضع اسئلة معقدة وعليه مراقبين ومن هالكلام ..

لكن ما حصل الا خير .. ان كان فيه خطا انا بالنسبة لي اعترف اني اخطأت بأني ما ذاكرت الا يوم الامتحان والبلاك بورد ما دخلته لاني كنت في المانيا الفترة الماضية ورجعت ادلع بيتي بديكورات وتصاميم داخلية وخارجية .. وين المذاكرة ؟ من جنبها بصراحة

شدي حيلك وربك يسهلها واهم شي الاعتراف بالحق فضيلة
انا اشوف ناس بالقاعة مذاكرين قبل الامتحان بيومين وطلعة مبسوطين وانا طلعت شماغي على كتفي من كثر التفكير بالحل

الله يوفقنا وياكم جميع يارب .. بس خليكي ريلاكس

[نبض الوجود]

زعنانه جوووري كثير ربي يجبر خاطرها ويعوضها وكل من قآل آمييييييييييييين

عزيّز تدلع بيتك هآآآ
أجل تستآهل
انت ويدك هذي اللي مطلعها من اللاب
<<معليش بقلبي سوعال يقرقع

<< هذا الفيس يشبهلك شي
أحسه صورتك الشخصيه كل شوي رازّه :58545:
عسى الابتسامه ماتفارقك ياخوي
موفقييييييييييييييييييييين

[المهره الاصيله]

المشاركة الأصلية كتبت بواسطة عزيّـز

ياعيال المادة سهلة اوكي هذا ما نختلف فيه
مشكلتها حشو والي ما يفهمها يحسها متداخلة مع العلم انها واضحة

ومثل ما قالت الأخت ام ايفون ( ام زيزفون ) الأسئلة غير مباشرة يعني لحسة مخ تجي تطالع في السؤال تقول بسسس هذي الاجابة .. تروح للسؤال الي بعده بصفحتين ينلحس مخك تقول كني حليته من شوي ذا وش جابه هنا
ترجع لسؤالك تلقاه يختلف تقعد تحاسب نفسك تقول هذا يختلف يا انا
ترجع لنفس السؤال هناك ينلحس مخك مرة ثانية

شوي والا المراقب يطلع لك من تحت الطاولة يقول باقي 20 دقيقة :58545:

ودك تسأل خويك بجنبك بس المشكلة نموذجه يختلف عن نموذجك يشوفك المراقب يقول لك اح .. خلك في حالك وانت ياعيني تسوي نفسك ترد شماغك .. عاد يحطون العين عليك

مسلسل صرخة آلم في القاعة

وتطلع من الامتحان مكسور الخاطر رايح لبيتك .. وعند الاشارة يصيدك المرور يقول ليش متعدي خط المشاة ومخالفة 300 ريال .. يضيق صدرك وتنقهر وتحاول تلحق الاشارة الثاني بسرعة .. تتفاجأ بلمبة ( ساهر ) صايدك وتجيك رسالة بالجوال فيها مخالفة سرعة 300 ريال .. طبعا تنقهر وتقطع الاشارة والا انت مشوت لك بنقالي على سيكل شايل سطل بوية .....

اكمل السالفة بعدين بروح افطر الحين

انشششششششششششششهد

بس اختلف عنك اعدل بملفعي بدال شماغ لوازم الغش

بس تصدق اول مرة عيوني تلاقط ابي اغش


واشوف الكل مثلي الورقه تعد لك كم دائرة مضلله
واول مرا اتاخر اطلع من الاختبار بربع ساعه من وقت الانتهاء

[عزيّـز]

المشاركة الأصلية كتبت بواسطة نبض الوجود

زعنانه جوووري كثير ربي يجبر خاطرها ويعوضها وكل من قآل آمييييييييييييين

عزيّز تدلع بيتك هآآآ
أجل تستآهل
انت ويدك هذي اللي مطلعها من اللاب
<<معليش بقلبي سوعال يقرقع

<< هذا الفيس يشبهلك شي
أحسه صورتك الشخصيه كل شوي رازّه :58545:
عسى الابتسامه ماتفارقك ياخوي
موفقييييييييييييييييييييين

سؤالك الي يقرقع اعتقد ليش مطلع يدك من اللاب توب ؟
بس مافيه اجابة ما ذاكرت

<<=== مدري منهو ذا لكن عاجبني صديقي الدائم

مشكورة على الدعوة الطيبة وربي يسهل امرك وتسوين لي صورة رمزية انشرها في الفيس تايم والفيس كوك والفيس تو فيس وأي فيس يمر علي الزقها فيه

[نبض الوجود]

هههههههههههه أبشر برسلها بس شكلك انت ماتدخل الا وقت المصلحه
<<تبي تتصفق
مو مثلنا متسدحين ومتبطحين بعد هون وهونيك بكل اقسام الملتقى