جامعة الجبيل,, هناك خلل!!!

[محمد المعاوي]

بسم الله الرحمن الرحيم

الحمد لله رب العالمين والصلاة والسلام على النبي الامين ,, وبعد:

كلية الجبيل الجامعية,,

أنا لا أريد أن أتهمك بالفشل ,, لأني لست في مستوى يؤهلني على قول ذلك...
و
لكن أنا شخص أدرس ولي مشاعر وعقل يفكر..

ما أراه في التنظيم للدروس , لا أسميه إلا " فاشل "

لا يعقل أن يكون هناك عقل يقبل كمّ هائل من المعلومات في 100 دقيقة متواصلة , أو 70 دقيقة حتى لا أظلمهم.

معلم منذ أن يدخل ويبدأ بالتحضير , بعدها يبدأ بالشرح إلى آخر 10 دقائق من المحاضرة .

الطالب ينهك ذهنيا , فالانهاك الذهني خطير , يؤثر على الاعضاء الاخرى .

واكتملت بـ" الكويزات " اختبار الماث سؤالين فقط والمذاكرة 5 وحدات .

لا اريد الاكثار من هالموضوع.

الموضوع اختصره في نمط الدراسة.
اللغة الانجليزية في غاية الصعوبة , اعتقد أن الكتاب الذي ندرسه ليس بمستوى طلاب تحضيري.

لآننا ندرس مواضيع لا تصلح إلا لأصحاب التخصص ولا أعم الدروس كلها.

أنا قررت الاتجاه للكلية الصناعية لأضمن مستقبل أفضل ,

شكرا جامعة الجبيل فقد تعلمت شيئا بسيطا يساعدني على التفوق بإذن الله في كلية الجبيل الصناعية ..

شكراا لقرائتك الموضوع ,, " لاهنت رد "

[كل شي عن الـjuc]

مو معناها فشل استاذي الفاضل .. الكل له سلبيات .. انا معك بالنسبة للوقت .. اما بالنسببة للاختبارات وسؤالين هذا شي راجع للدكتور محد يقدر يتحكم فيه وهنا تكمن الفرق بين التعليم العالي عن غيره .. شوف جامعة سعود والامام .. شي مهول .. حمدلله عندنا سلبيات وايجابيات بس صدقني دكاترتنا ومحاظرينا اهووون بكثير عن غيرهم ..

موفق بالصناعية ...

تقبل مروري

[محمد المعاوي]

[QUOTE=كل شي عن الـjuc;4906499]مو معناها فشل استاذي الفاضل .. الكل له سلبيات .. انا معك بالنسبة للوقت .. اما بالنسببة للاختبارات وسؤالين هذا شي راجع للدكتور محد يقدر يتحكم فيه وهنا تكمن الفرق بين التعليم العالي عن غيره .. شوف جامعة سعود والامام .. شي مهول .. حمدلله عندنا سلبيات وايجابيات بس صدقني دكاترتنا ومحاظرينا اهوو


اوكي لكن ليش 5 وحدات ,,
وعلى فكرة هذا ان دل على ضعف الانتاج التعليمي للشاب السعودي.
لا يوجد خطة تعليمية تؤهل لانتاج اكبر كم من الطلاب للاستفادة منهم


مشكووور ع المرووور

[LAMA9]

حط في بالك شي واحد بس
هذي بكالوريوس والصناعيه دبلوم ولك حريه الاختيار


المحاضره اذا كانت ساعتين فيه بينها بريك خمس دقايق وهذي من حقكم

ب التوفيق

[Spencer]

والله انا عن نفسي من تدخل المس الين تخلص البيريود وهي تتكلم ولا توقف لا بريك ولاهم يحزنون
وانا ماسكه نفسي ولا ابي انتقد الجامعه او اتكلم بلسان الطالبات خلاص معاي طالبات بالالوف
هم تحملوو معناته انا اقدر اتحمل مافي احد احسن من احد طبعا تجيني ايام ودي اصيح وودي مااكمل دراسه بس ارجع واجبر نفسي شوي اقول ان شاء الله بس التحضيري التعب والباقي يهون شوي

* دوامي متعب جدا جدا وارجع ماشوف قدامي والواجبات واجد من مسرحيات وتمارين وسخاافات وبرقرافات

صدق وش سالفة هالمسرحيات ؟ لا يكون بيخرجونا ممثلات وانا مدري !!
يضيعون اوقاتنا باشياء سخيفه لحد يقول لي تطوير ل اللغه بالعكس اشوفها تعب وزياده بربره عالفاضي
خصوصا مادة الهيلث دايم برزنتيشنات المشكله الماده لازم رياضه ولا ماتنفع !! خلاص مايبون نسوي رياضه يحذفون الماده

انا معاك محمد بالتعب والفشل فالتنظيم وكذآ .. بس شرايك تشد حيلك شوي وغير تخصصك ياخي وش لك بالماث والتعب
صح اني ادارة اعمال وعندي ماث السمستر الجاي بس بيكون فونديشن يعني بس اساسيات

[CaDy]

السلام عليكم
كيفكم ان شاء الله بخير ..
صراحه والله من جد الدراسه هنا مره متعبه والكويزات والاختبارات كلها كثيره مايطلعلنا اسبوع نرتاح من المذاكره حنا بشر مو الآت والله من بدت الدراسه وحنا منقطعين عن العالم واذا مره مره مافي كويز يطلعلك هوموورك مدري وش يبي
>>صدق اللي يبي الدح لا يقول اح ,,بس لازم الواحد يفضفض تعبنا
يلا حمد الله ع كل حال اهم شي نخلص التحضيري ع خير يااارب

[أفشان]

الموضوع اختصره في نمط الدراسة.
اللغة الانجليزية في غاية الصعوبة , اعتقد أن الكتاب الذي ندرسه ليس بمستوى طلاب تحضيري.

بالعكس والله انا ندرس منهج غيرنا يحلمون يدرسونه لأنه يأسس الطالب أساس صحيح في اللغه
وترى شي طبيعي ان أي شي في بدايته بيكون صعب بس هذا مو معناته انك تتحطم وتقول خلاص مابكمل
وخذها نصيحه من أخت لاتسمع كلام الناس اللي يحطمون ويقولن كل شي صعب وتعبنا..
دائماً ذكر نفسك انك مانقبلت بهالكليه الا لأنك تقدر تنجح والا على اي أساس قبلوك؟

وعلى فكرة هذا ان دل على ضعف الانتاج التعليمي للشاب السعودي.
لا يوجد خطة تعليمية تؤهل لانتاج اكبر كم من الطلاب للاستفادة منهم

يا أستاذي الفاضل انتهى زمن الكم بدليل ان أغلب جريجي الجامعات اللي بس تطبع شهادات(عذاً على هالتسميه بس هذا الواقع) عاطلين في بيوتهم وأسئل نفسك ليه؟
الحين سوق العمل يطلب ويعرف الجيد من السيئ


عموماً الله يكتب لك اللي فيه الخير ويوفقك

[جـُلـّنار]

السلآمـُ عليكُمـ ورحمهـ اللهـ..

أخوي محمد..

أنا قبل حوالي شهرين..كنت أتصفح المنتدى
ودخلت ع موضوع عن اللغه الإنجليزية..

الا وألاقي فيه عضو مجتهد أخجلنا بمساهماته
وأفادنــا جداً من خلال قناته..

أول ماشفت المشاركة دعيت له وقلت كذا تكون المشاركات
كذا يكون الطموح وحب التعلم..

كذا لازم يكون كل طالب وطالبة بكليتنا..يعين ويعاون

واليوم ألقى نفس الطالب
محبط ومعصب>> يحق له

بس أتمنى هالشعور يقوده للتجديد للأحسن..


أما فالإنجلش تراك مو أول ولا آخر واحد تواجه صعوبات
وان شالله أنت قدهآ..

ولاتنسى مثل ماقيل لك ،،الجامعية بكالورياس, والصناعية دبلوم
والقرار لكـ طبعاً

وبعد لاتنسى سوق العمل يطلب الجودة ومعاييره صارت صعبة المنال
فالطالب يفرح بكونه بجامعة قوية التدريس والمنهج..

واحنا والجامعية رح نخسر اذا فقدنا
طالب مجتهد مثلكـ..

أختُكـ جلّنار..

[مجرد فتاه]

Turn the page
أأنـــت قدهــآا ..

آمـآ أذا عزمـــت الرح ـيل َ .. فـ أسستخير الله ~ والله يكتـب لكـ مـآفيه الخير َ ..

بس محمد " اذا اي احد وقفت في طريقـة عقبـآت وتنــآزل عن أحلام ــه " مـآكـآن شفنـآ اليوم نـآس نـآجحه ..
سواء كـآن هنـآ أو فـ كليه الصنـآعيه رآح تجيك أيـآم تتعرض فيهـآ لـ ظلم َ لـ أجحـآف لـ جحد .. بغـض النظر جـآك سؤليـن من كتآأب كـآمل وسهر أسبوع ~ولآ أخذت أف في مـآده حـآل فيهآ كويس .. ولآ جـآك ظرف قتـل سـآعـآأت غيـآبك وأنحرم ـت من ألاختبـآر , لآزم تكون أقوى من كذآ وتتقبـل المرَ والحلو . ألانسسحـآب عمره َ مـآكـآن حـل َ ..
.. وأطمنك لـ كلآ الكليتيــن مسستقبل َ زاهرَ ..

فـ ألاخيرَ انت عـآرف هـل بـ توصلك قدرتك أو تخذلك
You choose ! ..

[#--#]

انا ضدك ومعاك بنفس الوقت
ضدك :::/
التنظيم مرررره حلو .. الانجليزي مرره سهل وهو لمستوى التحضيري .. و اذا ع الصعوبه هي المصطلحات فقط لاغير
معاك :::/
المواد مرره كثيره بالنسبه للتحضيري مانلحق نجمع والــ Q و الـــ M ورى بعض ولا في وقت ابدا

اتمنى لك التوفيق بالصناعيه و الله يعينك ع كرفهم