انا بديت اذاكر .. تعالوا نناقش موادنا هنا .

[ام خالد 2010]

ها وش صار عليكم ..

للاسف غبت عنكم يومين لظروف طارئه .. وكان الله في عوني .

ها بشرو وين وصلتو ..

نبي ملاحظاتكم ..

انا قررت اخصص لي هالاسبوع الجاي ان شاء الله كله للمحاسبه .. والاسبوع الي بعده ان الله احياني رياضيات . انا حالفه مابدي فيه غير لما الدكتور يتغير بس الظاهر احلم .. وببدي فيه الله يعيني ..

وبعد ماخلص الرياضيات بشوف لي ماده ثانيه .

الا صح كل واحد يقولي وش جدوله عشان نعرف .. انا عن نفسي خذتهم كلهم وانتو .. يالله بالدور.

[ليدي لندا]

انا عني اخذت كل المواد ماعدا الانقليزي
وانا ذاكرت رياضيات بس باقي احل التمارين والواجب
بصراحه الرياضيات يبيله جهد ومتابعه
المحاسبه خلصت المحاضره الاولى والثانيه وكانت حلوه بصراحه
يوم جيت اذاكر الثالثه الدكتور قال يفضل انك تشوف المحاضره الثالثه والرابعه والخامسه مع بعض لانهم مرتبطبن فبنتظر لين ماتنزل الخامسه عشان اخلصهم
وبس
في احد بدا بالاقتصاد او الصحه او العقيد او التقنيه عشان يقول لنا انطباعه عنهم

[ليدي لندا]

الحمدلله على سلامتك ام خالد
شخبارك قلبي الحين انشالله تمام

[ابو نـواف]

حاب بس اسويلك up :049:

[L U X U R Y]

و up لعيون أم خالد

[H N O O]

آنآ عن نفسي

بقولكم جدولي

كل يوم آفتح محآظره وآذآ مدتهآ نص سآعه آخليهم محآظرتين

بس بصرآحه هآليومين مآفتحت ولآ محآظره يؤ قولي آربع آيآم وآحسهم كثير علي

جآني كسل مو طبيعي

آلله يعين

آلقوآنين حقت آلتمآرين وآلوآجبآت وآلمشآركآت آخذت تفكيري كله وتكسلت

يآلله آنك تعطينآ طولت آلبآل

آمين

[ام خالد 2010]

مو بس انتي ..

انا ببدا مذاكره بعد ماخلص اللقاءات المباشره كلها ..

الا اقول مين يعرف متى محاضرة تقنية المعلومات .. مش موجوده بالجدول ..

[R m z]

السلام عليكم , و يعطيكم ألف عافيهـ ..

أنا نزلت كل المواد ماعدا رياضيات لان المحاسبه بالنسبه لي دسمه كفايه مابغيت اضغط على نفسي زود ,

المهم ، الحمدالله أمس خلصت تلخيص اخر محاضره من محاضرات الصحه و اللياقه "المحاضره الخامسه" ,

كنت اسمع المحاضره و الخص اهم النقاط عندي من المحتوى ، الى الان حلوه الماده و ان شاءالله تسهل

/

المحاسبه فتحتها للمحاضره الثالثه ، بصراحه يبيلها تركيز اكثر ، و واحد مركز على الاسس اللي بمحاسبه 1

، العقيده فتحت محاضرتين ، بس يبيلك تمسكين المحتوى و تصمينه صممممم ، الحمدالله شريته كامل من المكتبه

/

باقي E شريت الكتاب و ببدأ فيه بكره ، اليوم معزومه مانيب لم دراسه

و تقنية المعلومات .. للحين ماحصلت الكتاب عند المكتبه اللي اتعامل معها

شكلي بخذه من جرير و اخلص بـ 105 ريال :( , <-- الجيب يصفرررر :D ..

/

و الاقتصاد , اختكم مفحطه فيه السمستر الاول يعني للحين اقتصاد جزئي
ولا فكرت افتحه ، يتعبني نفسيا عن باقي المواد ,

/

يالله شدوا حليكم ترى باقي شهرين بس على الاختبارات ..
موفقين ياااااارب ..

[ام خالد 2010]

الله يوفق الجميع يارب..

[ليدي لندا]

هاه ام خالد شنو ذاكرتي
انا ماذاكرت ولا شي بالويك اند لاني كنت مشغوله
بعون الله بكره

رحت اليوم المكتبه وشريت كتاب التقنيه والاقتصاد وملزمه الصحه والعقيده
ابي اسال في واجبات نزلت لنا