قواعد ضروريه في ماده الأقتصاد الجزئي ...اسهل الطرق للنجاح باذنـ الله

[العلم ضياء]

الله يسهل عليكم يارب
وأخوي مستشار الله يجعله في ميزان حسناتك

[اجاوسلمى]

عزيزي المستشار ..... يعطيك ربي الف عافية انت واللي مشاركين بالموضوع لانه موضوع مهم جداا وخاصة مع مادة الاقتصاد اللي ربنا يستر وما نعلق فيها ........
حبيت استفسر عن ملف الوورد اللي نزلت فيه قواعد اقتصاد ماهو راضي يفتح معاي هل هو وورد 2007 ؟؟؟؟؟؟؟ واذا هو كذلك كيف الطريقه عشان يفتح معاي انا عندي وورد 2003 .......... شاكرة ومقدرة تعاونكم

[سمو الأنوثه]

[align=center]
ممكن اعرف وين ملف الوورد هذا حتى انا محتاجه له ياليت احد يحط رابطه هنا
الله يخليكم
ويجعل النار ما تمس ايدين كل من اجتهد وكتب بهالموضوع
[/align]

[حلاالحلوه]

السلام عليكم

انا احس اني مرررره متوهقه لي يومين اعيد وازيد في المحاضره الثالثه ابي استوعب وش سالفة المنفعه الحديه ومن تخص ومن المستفيد منها وليه اصلا ترتفع ولما توصل للشباع زي مايقول ترجع تنزل وبعد وش سالفة المنفعه الكليه خاصة ان الدكتور مع احترامي كلامه كثير عشان كيذا احس اني مو مركزه والله احاول بس ماادري كيف جايه هذي وفوق كيذا يعني كلامه مررره بالفصحى فيه احد مثلي والا انا بس
معليش فيه احد يشرح لي هذي بالعاميه تكفووووون تكفوووون او احد عند مدرسه في الاقتصاد وشرحها حلو

[حالمة بالجنان]

الله يعطيك العافية ياخوي مستشار
وتستاهل التقييم

[لــوســي]

السلام عليكم

انا احس اني مرررره متوهقه لي يومين اعيد وازيد في المحاضره الثالثه ابي استوعب وش سالفة المنفعه الحديه ومن تخص ومن المستفيد منها وليه اصلا ترتفع ولما توصل للشباع زي مايقول ترجع تنزل وبعد وش سالفة المنفعه الكليه خاصة ان الدكتور مع احترامي كلامه كثير عشان كيذا احس اني مو مركزه والله احاول بس ماادري كيف جايه هذي وفوق كيذا يعني كلامه مررره بالفصحى فيه احد مثلي والا انا بس
معليش فيه احد يشرح لي هذي بالعاميه تكفووووون تكفوووون او احد عند مدرسه في الاقتصاد وشرحها حلو

بأشرح لك على فهمي أنا ..
>> الله يستر من فهمك ..

المنفعه الحديه هي مقياس لمدى أنتفاع أي شخص أشترى أي سلعه وأستخدمها

العلماء يحبون يقيسون كل شي .. وهذا مقياسهم للأنتفاع ..

مثلا ..

أنتي رحتي شريتي لك ساندوتش شاورما وبيبسي اليوم ..وأكلتيه

منفعتك الكليه والحديه زادت .. لييش لأنك شبعتي .. ولأنك أستمتعتي فيها ..

المنفعه الكليه والحديه تزيد ..

أجا بكره أشتريتي منها وأكلتي .. برضو أستمتعتي فيها وشبعتك.. وزادت المنفعه الحديه والكليه ..

وهكذا يوم بعد يوم تاكلين منها.. بيجي لك أيام بتحسين خلاااص ..

ماصرتي تستمتعي فيها مثل أول ..

وبدأتي تكتفي منها .. بس لسه تشبعك وتعبي بطنك ..

يعني منفعتك الكليه منها تزداد .. لأنها تشبعك .. بس ماصرتي تستمتعين فيها لأنك طفشتي منها ..

الآن منفعتك الكليه زادت .. ومنفعتك الحديه =صفر

برضوا أجا بكره وأكلتي نفس هالشاورما ..بس هالمره صارت تجيب لك الغثيان ..

المنفعه الكليه تزيد .. لأنك أكلتيها وعبيتي بطنك ..

لكن المنفعه الحديه بدأت تنقص .. لأنك ماتبينها أبد ..

وهكذا نفس المثال هذا طبقيه على ملابس مثلا ..

فالمنفعه الكليه : هي المتعه الكليه التي يستمدها الفرد من استهلاك كمية معينه من سلعه ما ..

وهذه المنفعه تزيد بزيادة الكميه المستهلكه ..

والمنفعه الحديه : تقيس التغير في المنفعه الكليه نتيجة لزيادة الأستهلاك بوحده واحده

المنفعه الحديه موجبه وتتزايد بالبداية لكن تتناقص مع زيادة كميات الأستهلاك

أن شااااء الله فهمتي شي ..

أقري المثال الي بالكتاب يمكن يوضح لك أكثر

أو أنتظري أحد الأعضاء يمكن يكون شرحه أوضح من شرحي

[supurnova]

المنحنيــــــــــــــــــــــــــــــــــــــاات

الله يوفق الجميع

أخوكم / supurnova

[DrEaM.2007]

ماقصرتوا الله يوفقكم كلكم ويحقق امنياتكم

سيدة الاسئلة ماشاء الله عليك .. انتي بأي منطقه وقت الاختبار بجي عندكم علشان تغششيني هههههههههههههه

[f16]

[align=center]
الله يعطيكم العافيه

عز الله انكم شقرديه ما قصرتو

وبالتوفيق للجميع انشاء الله
[/align]

[فرنسا]

يعطيك الف عافيه مستشار ع الموضوع الحلووو

حبيت اشارك بالمحاضره العاشره >>ماخلصتها كلها بس بدايتها

اللي هي تكلم عن المنافسه التامه..

ماهي المنافسه التامه..؟
هي نظام من العلاقات الاقتصادية ينضوي تحته عدد كبير من المشترين والبائعين، وكل منهم يتصرف مستقلاً عن الآخرين للبلوغ بربحه إلى الحد الأقصى
ولها 4 شرووط او سمات رئيسيه عشان تحقق هالمنافسه في السوق :

1/ وجود عدد كبير من البائعين والمشترين في السوق ----> يعني لازم يكون عندي مجموعه كبيره من البائعين(العارضين) ومجموعه كبيره من المشترين (الطالبين) عشان يصير عندي سوق منافسه كامله وتامه..

مثال:-
سوق الحليب --> فيه عدد كبير من العارضين والبائعين والمنتجين للحليب بالمقابل فيه عدد كبير من المستهلكين والطالبين والمشترين للحليب
عندنا شركات كثيره منتجه للحليب والالبان مثل: نادك - المراعي - الصافي - ندى ....الخ >>كلهم في نفس السوق وكلهم عليهم طلب
وعندي بعد مثال ثاني : مثل الشركات المصنعه للملابس>> اعداد كبيييييره جدآ من الشركات التي لاتعد ولا تحصى تكون منتجه للملابس وتكون كلها موجوده ومطروحه في نفس السوق ..
يعني لازم يكون عندي عدد كبير من البائعين والمشترين >>لتحقيق المنافسه التامه في السوق

2/يعرض جميع البائعون وحدات مثماثله ومتجانسه تمامآ من سلعه معينه.
مثال :
سوق السيارات :
فيه عدد كبير جدآ من صانعين السيارات في العالم وعدد كبير جدآ من البائعين والمنتجين والمروجين للسيارات في العالم ولو لاحظنا بنلاقي انو جميع السيارات المنتجه من جميع الشركات المصنعه تتشابه في الانتاج مثلا: تشابه في الخصائص او المميزات للسياره او حتى الستايل تبع السياره>>طبعآ كل شركه تحاول تطرح خاصيه او ميزه خاصه بسياراتها بس مع ذلك بنلاقي في تشابه من جميع الشركات بس بنلاحظ تشابه الستايل واضح جدآ في انتاج شركة تويوتا ونيسان
او بنلاقي تشابه حتى في الالوان >تلبية ومراعاة لأذواق المستهلكين
وممكن اوقات بنلاقي تشابه حتى في العروض >>يعني ممكن شركة تويوتا تسوي عرض مثلا خصم 20% بنلاقي على طول عرض من شركة نيسان يشابه العرض حق تويوتا>>والله اني من جنبها في السيارات بس يالله
وممكن نرجع لنفس المثال اللي في الشرط الاول : اللي هو مثال شركة الحليب والالبان
حنا معروف عندنا شركات كثييييره تنتج الحليب ومشتقاته منها: ندى - المراعي - الصافي ...الخ
هنا بنلاحظ انو فيه تشابه كبير وواضح في السلع المنتجه مثل: شركة الصافي تنتج قشطه او اللبنه بنلاقي نفس الشي شركة المراعي تنتج قشطه ولبنه
او مثلا شركة المراعي انتجت حليب بنكهات مختلفه مثل حليب بالفراوله . حليب بالموز . حليب بالشوكولاته --->بنلاقي وجود الحليب بنفس النكهات من شركة ندى او الصافي او ...الخ
بنحصل تشابه بالطعم والجوده بينهم >> يعني يعني تحقق عندي الشرط الثاني
بس وش الفرق بين الانتاجين من الشركتين ..؟>> العلامه او الشعار حق كل شركه منهم والسعر رغم انو اوقات تكون الاسعار برضو متشابهه..

3/ حرية الدخول والخروج من السوق مكفوله في اي وقت لجمي البائعين.
مثلآ لما يكون فيه 8 منافسين في السوق ومعروفين انهم هي المنافسين فقط اللي بالسوق ,, لما يجي منافس تاسع هل ممكن انو يقبلون دخوله معهم في المنافسه بالسوق .؟ هل ممكن انو يقبلون انو يشاركهم ربحهم من السوق .؟ هل ممكن انو يقبلون دخوله ومنافستهم على زبائنهم اللي بالسوق .؟
طبعآ لا ماراح يقبولون بهالشي وان صار ودخل راح يصير فيه اضطراب وحروب بينهم ممكن تاصل لدرجة انهم يطلعون اشاعه انو هالمنافس الجديد ممكن تكون بضاعته مضروبه ومغشوشه ومالها اي جوده ومن هالشغلات اللي ممكن تطلعه من سوق المنافسه
بس هنا ماراح يصير السوق سوق منافسه تامه .. يعني لازم يسمحون له بالدخول معهم في السوق عشان يصير السوق سوق منافسه تامه ..

4/ توفر المعلومات السوقيه بذات القدر لجميع المشاركين دون تكلفه ..
يعني تكون معلومات السوق( الاسعار - الكميات المطلوبه - انواع الصفقات ...الخ ) واضحه ومتوفره عند المنافسين والبائعين بالتالي مايكون فيه فرصه للتأثير على حجم الطلب أو العرض


اتمنى انو مشاركتي تكون وااضحه ومفيده