مومينت بلييييييز

[نسيم*]

كيف احوالكم بعد الامتحناات ان شاء الله نتايج تسر الخاطر

ودي اسولف شوي معكم


ابد كعااادتي كل نهايه ترم قلت يالسان غررد تكلم مثل شكسييير واخوانه وكلعاده يخذلني في كل مررره



عندي سؤال ودي اساله استحيت اساله قلت يانفس عاددي سؤال كل العالم تسال

خلصنا تقريبا سنتين ماشوف ذاك المستوى الكبير

وماشوف هاللسان بدا ينطلق

يعني لو سالك احد وقال وش تخصصك

وجاوبت وقلتانجليزي

وبدااا يجي ذا الكلام اللي تقول يعني انك فاهم


او يجيبولك هالكتب اللي تقول طلاسم


صرت لحد سالني ودي اقول عرربي اريح نفسي وشوف وش تاليتها معاااي

طيب انتم كيف مااااشين من واقع التجربه

[دوَدي]

+b
كوني ايجابيه ..

بالنسبة لـ تخصص " الانجليزي " مفروض ماتكتفين بمحاضرات \ الجامعه , والدروس المحدده من الدكتور ..
فِ محاضره من محاضرات \ دكتور عمار .. قال " ان افضل مدرس هو أنت نفسك " ..

لاتنتظرين احد يجي يفرغ كم من القواعد و المعلومات و الكلمات في مخك ..

موفقه \

[نغم الانجلش]

انا احس روحي تحسنت من ماده الادب احس هذره واستفدت منها

القراءه مهمه على فكره

[قناص الورد]

انا زيي زي شباب كثير لقيتهم كويسين في اللغه بس نبي نوثقها بالشهاده يعني ما يهمني كثير اللي قاعد ادرسه ...

[زينب العلي]

اذا بنكتفي فقط ع الجامعه ، عز الله مانطقنا و ع قولتك فشلة نقول تخصصنا انقلش
انا عني مادخلت القسم الا درست كذا كورس في معهد وكنت من البدايه اتعلم ذاتيا وشغلي يحتم علي امارس اللغه ..
لغة الجامعه مجرد تدعمني حبتين + الشهاده
ماينفع نكتفي بالدراسه الاكاديميه .. مثلها مثل اي حاجه جامده اذا اكتفيتي فيها بتشوفي نفسك محدوده جدا ، اذا تقدري تمارسي اللغه مع احد لاتقصري ، واذا تقدري تدخلي معهد دخلي او سافري .. شوفي امكانياتك واستغليها ... والله اول سنة لي بالجامعه كنت ادرس في المعهد + اني موظفه ، اطلع من دوامي واروح المعهد وارجع اتابع امور الجامعه ..
الموضوع مو بسيط ولا مستحيل .. يحتاج فقط قليل من الاجتهاد و الصبر
لو بتاخذي الموضوع بمتعه بتشوفي نفسك ماشيه تمام ، ولا عيب اذا ابتديتي وغلطتي ياما وياما غلطنا وماتعلمنا الا من اغلاطنا ..
بالتوفيق

[فضيل]

اللغه يبي لها متابعه, انا عني حافظ كلمات كثير, لكن وين المتابعه؟ كل اللي في العمل فلبيين يخربون اللغه
الله يعين بس

[سرااااااااااااب]

انا وياكم باللي قلتوه انا قبل كنت طرمة بمعنى الكلمة لو يقطعوني ما اتكلم لاني استحي اغلط بس افهم مية مية فجيت بوظيفة اتعامل فيها مع اجانب وهم ما كنت اتكلم لما شفت زميلاتي ما يقدرون بديت شوي شوي بالذات اني صرت اطلع الكلمات الخاصة بشغلي وواضبطها بجمل صح عشان ما احرج نفسي لما اتكلم
زبدة كلامي حلو انج تشوفين موضوع يهمج كل مرة وقابل للنقاش وتطلعين كل الكلمات اللي ممكن تتكلمين فيها وتحطينا بجمل وهالجمل شبكيها مع بعض وسويها محادثة وكل مرة كذا هذا اقتراح بسيط مني .
وانا خاطري بمدرسة اجنبية تكون بريطانية او امريكية تدرس خاص انا بالشرقية اللي تعرف تعطيني خبر اذا ما فيها اي مشكلة.