ملتقى طلاب وطالبات جامعة الملك فيصل,جامعة الدمام

العودة   ملتقى طلاب وطالبات جامعة الملك فيصل,جامعة الدمام > .: ساحة الطلاب والطالبات الغير أكاديمية :. > .: الـسـاحـة الـعـامـة :. > ملتقى المواضيع العامة
التسجيل الكويزاتإضافة كويزمواعيد التسجيل التعليمـــات المجموعات  

ملتقى المواضيع العامة منتدى المواضيع العامة والنقاش الهادف

إضافة رد
 
أدوات الموضوع
  #1  
قديم 2008- 8- 24
صمتها دمعة
أكـاديـمـي
بيانات الموضوع:
المشاهدات: 1823
المشاركـات: 18
 
الملف الشخصي:
رقم العضوية : 10077
تاريخ التسجيل: Mon Aug 2008
العمر: 32
المشاركات: 6
الـجنــس : أنـثـى
عدد الـنقـاط : 100
مؤشر المستوى: 0
صمتها دمعة will become famous soon enoughصمتها دمعة will become famous soon enough
 الأوسمة و جوائز  بيانات الاتصال بالعضو  اخر مواضيع العضو
صمتها دمعة غير متواجد حالياً
اعذروني يالخليجيات وخصوصا (السعوديات)

السلام عليكم ورحمة الله وبركاته..




فيه موضوع مهم صراحه.. وودي من زمان اني اتكلم فيه..


لكم الموضوع..
.
.
.
.
.


كان يا ما كان


قبل 10 سنوات او حولها


كنا لما نمشي في ديرتنا ونشوف اجنبيه فاتشه


تطير عيوننا .. نقول وش هذي .. يا ساتر ..


كان يا ما كان


قبل ثلاثة ايام


افتح ايميلي واشوف رساله من قروب مشهور... صور لبنات ويتفاخرون انهم خليجيات


الخليجي فخر بس للأسف ما يستاهلون يرفعون هذا المسمى على الصور الي كانوا طالعين فيها


مثال ..


صورتين


لـ 6او 7 بنات..صافين..عالجدار وملقينا ظهورهم..ومرفعين يدينهم (كأنهم معاقبات)..
ومنزلين البنطلون..ونص ؟؟؟ طالعه..


قله الحيا هذي مهيب مقبوله


10 سنوات فتره موب قليله ..


كيف وصلنا لهذي الدرجه من فراغ الاخلاق . ؟؟


قبل كم سنه.. للأسف غلطنا ورحنا لدوله عربيه وبدون ذكر اسماء ..


مع الحرص الشديد الحمد لله للابتعاد عن اماكن الفساد .. لأن يوجد فيها فساد اكثر من الدول الغير عربيه صراحه وماكنا متوقعين ابد هالشي منها


ويلومننا ليه نكره الدول العربيه


رحنا لمطعم سقيم..طلع فيه واحد عالستيج.. ومسك المايك وقال
((احلى تحيه لشعب السعوديه))


وتصفيييييييييق..


لحقونا بعد شوي الشعب الاماراتي والكويتي..


بس السعوديه عادها يمكن 6 مرات..


جلست افكر.. ليه يعني حنا اكثر؟؟


فكرو فيها شوي.. لين يخلص الموضوع بعدين جاوبو..
......


ارجع الحين لصلب الموضوع..


ليش صرنا نشوف صور كثيره.. وعناوين الصور
((سعوديات..سعوديات..سعوديات))


لو نتفرج عالصور.. نلقى رجول.. نلقى جزم


نلقى اساور خضرا<<يعني ترا حنا سعوديات..


والفيس بوك عاد..والهاي فايف.. انواع الصور اللي مدري وش اقول عنها


شفايف.. عيون..


ونادر ما تلقى وحده حاطه وجهها..


على فكره.. اللي تحط صوره وجهها,, محترمه اكثر من اللي ترزز اشياء ثانيه


يعني عشانكم تتغطون..تروحون تصورون ذا الصور..


تمنيت اني اطيح على بروفايل احد..والقاهـ حاط اسم كتاب حلو نقراهـ..خاطرهـ حلوهـ من كتابته.. موقف مضحك مر فيه..موقف مؤثر..


او اذا كانت او كان يعشق التصوير ليه يصور هالاشياء السخيفه..؟؟ اللي ما تدل الا على سخافه تفكيرهـ ؟؟


ااذا يحب التصوير ليه ما يحترف ويصور صور فوتغرافيه احترافيه وراح يبدع فيها !


ليه كل اللي اشوفه بربسه حكي واحيانا قله حيا لا صراحه موب احيانا غالبا..


وش هالفضاوهـ في العقل لدرجه انكم تصورون يدينكم رجلينكم.. ((شنطكم الماركه))..


يمكن الفضاوهـ اقدر اتقبلها او ابلعها لأن احيانا نسويها حنا انفسنا من كثر الفراغ اللي حنا فيه او يمكن شكل الصورهـ حلو..


بس ان الوحده تجي تصور مفاتنها هي وخوياتها وكاشخه بالجي سترينق


والمنتديات والقروبات السعوديه تتسابق لنشرها ..


الدال عالخير كفاعله.. والشر بعد..


بعدين انتي ياللي مصورهـ انتي وخوياتك..


يعني انتي همك الوحيد ما يشوفون وجهك عشان محد يعرفك..


بس مفاتنك وشفايفك.. وغيرها عادي يشوفونه


لأن المهم عندك الناس موب الله؟؟


طيب صورتك قدام نفسك طيب ؟؟ ما تهتز انك سويتي شي حقير ووضيع مثل هالشي؟؟


اصلاً كيف صورتو صورهـ زي كذ يعني ما استحيتو من بعض يا بنات؟؟


عيب يعني يعني عشانكم بنات مع بعض عادي تورون بعض يعني؟؟


ولا اقولكم انا نسيت انكم ناشرين الصور للعيال فما يهمكم البنات..


يعني صدق شي يضيق الصد بنات سعوديات مسلمات في مجتمع مثل مجتمعنا يسوون زي كذا..


ودي اعرف امك وابوك وش بينظرون لك بعد ذا الصور؟؟


يعني حرام اهلكم ربوكم احسن تربيه..


بس انتم للأسف ما ربيتو انفسكم..


فيه شي اسمه تربيه النفس بس انتم تتبعون اهوائكم او خليني اقول مخكم الفاضي


ولا قروب ثاني سعودي برضو والصور اللي ناشرينها


ذوليك عاد متبرقعات وبعابياتهم متكحلات ومسوين حركات غبيه ومصورين..


طيب ؟ وبعدين ؟؟ ابي افهم وش الهدف ؟؟ مره وناسه ؟؟ مره يضحك ؟؟ مرررهـ كوووول انتم صراحه


طبعن ترا الكلام موب موجه للبنات فقط ! لأن يوجد عندنا وبكثره رجال عقول فاضيه ايضاً


اللي همهم نوم واكل.. وفلوس ياخذها من ابوه ولا امه


تطورو شوي ارتقو شوي اطلعو بصورهـ احلى من كذا..


انتم عارفين ان النت اكبر وسيله انتشار..


قبل فتره في ام بي سي فور تدرون ان في برنامج من برامجها عارض بروفايلات لبنات سعوديات.. باسماءهم طبعاً موب اسماء حقيقه..


بس شوفو الصور انتم شفايف وخرابيط ومدري وشو علقو على هالشي باننا متكمكمين بعبايتنا عشان كذا نروح عن انفسنا بذا الطريقه..


انشرو شي حلو حاولو تطلعون بشخصياتكم الحقيقيه موب تصيرون مثل الامعه اللي يسوي شي عشان يقلد الفنان الفلاني ولا البنت الفلانيه..


ليه بس تنشرون الشي الشين؟


انواع المقاطع الشينه تنتشر انواع الصور الشينه..


ليه؟ وش استفدت ؟؟ غير الذنب والاثم انك خليت احد يشوفها وانك نشرت شي مو كويس عن المسلمين


اقولكم شي؟


شفتو كتاب (بنات الرياض) قريته صراحه كل اللي فيه واقع اشياء فعلا تصير عندنا طبعاً لفئه معينه من الناس.. مع اني من المحاربين للكتاب


بس تدرون ان الكتب تترجم لاكثر من 22 لغه؟؟


تدرون انهم برا يدرسون الكتاب فيه دوله من الدول


يدرسونه ..! تخيلو ..!


يعني الحين اللي برا يدرسون الكتاب كنص سعودي ادبي يمثل حياة السعوديين كله سلبيات في سلبيات مثلا احنا الحين ندرس روبنسون كروزو في الجامعه على اساس انه نص انجليزي يمثل الحياه الدينيه والسياسيه الاجتماعيه في هذيك الفتره..


هم يدرسون (بنات الرياض) لتمثيل المجتمع السعودي


شلون الواحد يصلح مجتمعه ؟؟ بأنه يكمكم على اغلاطه ولا يحكيها عشان ما ينفضح قدام الاجانب والناس


بس عادي يدشرون ويخربون وكل شي بس ما ينتشر عنهم شي


غلط كل دوله بالعالم فيها الصالح والطالح..


البيت الواحد فيه الصالح والطالح..


ما تحبون احد يحكي فيكم ابد بالرغم من كل الاغلاط بحياتكم..


قبل فتره سمعت انهم رحلو هشوم الرياض.. الى ديرته الحقيقه
(سوريا)


وانه لا يمت للشعب السعودي بصله


كأن ما عندنا سعوديين من هالجنس وربي اشوفهم وبكثرهـ في التحليه وفي غيرها والي مو متآكد من صحه كلامي يروح لمقاهي الي بالثمامه بالرياض الدروازه وغيرها ويشوف الاشكال الي فيها !


ليه ما تصلحون ايميلات تعود لكم بالفايده ..!


وتحسن سمعتكم وتظهر الجانب الحلو في كل سعودي وسعوديه؟


بقولكم مثال لوحده اعرفها شخصيا قبل ما ينتهي رمضان ارسلت مسج لكل اللي تعرفهم وقالت انهم بيجمعون فلوس هي وبنات خالاتها وبيروحون يشترون العاب وحلويات ويرسلونها لجمعيه الايتام وفعلا جمعو ووصل المبلغ لين 22الف كله من بنات عشرينيات في العمر كلهم تحمسو لهالشي كلهم اشتغلو وشرو العاب وحلويات شرو ميك اب وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مرررررهـ حلو
فكرو بالاشياء اللي يحتاجونها الفقرا ويفرحون فيها بس ما توفرها لهم الجمعيات لانها مهيب ضروريه مثل الاكل والبيت والملابس يعني هالمثال صراحه اوقف واصفق له بحرارهـ هذولي هم السعوديات اللي نعرفهم


شله شباب اعرفهم هم نجديين طالعين لجدهـ في رحله بحريه وصادو كميه لا بأس بها من السمك..


تدرون لو بيبيعون هالسمك كم يبيجب لهم ؟ تقريبا 4 الاف..


بس هم كانت نواياهم اهم من الفلوس..


اخذو هالسمك وودوه لمنطقه فيها ناس فقرا وتصدقو..


برضو حمله تبرعات الراجحي..


ترا اكثر من تبرع فيها شباب..


((المواقف مذكوره عشان ابين انو فيه ناس كويسه يعني ابين الجانب الايجابيه))


يعني فيه ناس تشتغل.. فيه ناس عندها اهداف..


موب بس بالنت.. حتى برا النت,,


سواء بنات او شباب..


نبغى جيلنا السعودي الجديد ينتشر عنه كل شي حلو..


انا ما اقول انكم ما تنبسطون ما تسوون هبال بس برضو بحدود..!


موب عشانكم ورا الشاشات يعني عادي؟؟


(هياط ورا الشاشه = مرض)


الصور اللي من النوعيه اللي ذكرتها في البدايه بطلو تنزلونها النت بطلو تحطونها بالبروفايل حقكم.. ترا صدق يعني هالشي ما يبين الا فضاوه عقولكم لأن هالبروفايل يبين شخصيتك..


اي احد يشوف هالصو ولا يجيه ايميل من هالنوعيه يبطل ينشرها لأنها يساعد على انتشار هالظاهرهـ لأن التقليد عندنا اعمى


وابي اتطرق لموضوع بيخش فجأهـ بس لازم اعلق عليه(( فضيحه بنت .. الخ)) هالنوعيه من الصور والفيدوهات ترا عليكم اثم لو نشرتوها..


اولاً نشرت شي حرام ثاني شي ما سترت على بنت او ولد الناس..


ما تخاف ربي يفضحك بشي بعد سنه او 2 او 100


قال الرسول صلى الله عليه وسلم
(من ستر على مؤمن بالدنيا,,ستر الله عليه بالاخره)


اتمنى ان موضوعي هذا ينتشر بنفس الطريقه اللي انتشرت فيها هالصور..


يهمني الموضوع ينتشر في المنتديات السعوديه اكثر من المنتديات العربيه..


لأننا نحاول نناقش قضيه سعوديه داخليه ومافيه مجتمع ما يخلو من الاخطاء..


ابغى اذا احد قال((احلى تحيه لشعب السعوديه)) وعادها 6 او 10 مرات..


اعرف ليه قالها.. واقول معه حق..
.
.
.
.


تناقض المجتمع وتناقض الافكار ينتقل بصوره عجيبه





بنهايه موضوعي احببت ان اقول اني لاعمم في كلامي على جميع السعوديين او الخليجين وايضا لا ننسى انه يوجد بنات محترمات ومثقفات ومتعلمات وقبل هذا كله محتشمات


كل مكان في الصالح وفيه الطالح


وانا اغلب موضوعي خصصت في المجتمع السعودي لانه مجتمعني ويهمني ان اناقش قضاياهـ اهم من المجتمعات الثانيه وان يصل الموضوع لاكبر عدد ممكن


ارجوا ان تكون المناقشه محترمه وبعيدهـ كل البعد عن التعصبات



منقووووووووووول
وأرجو النشر
رد مع اقتباس
قديم 2008- 8- 24   #2
رنومه..
أكـاديـمـي ألـمـاسـي
 
الصورة الرمزية رنومه..
الملف الشخصي:
رقم العضوية : 7976
تاريخ التسجيل: Tue Jul 2008
العمر: 33
المشاركات: 1,022
الـجنــس : أنـثـى
عدد الـنقـاط : 484
مؤشر المستوى: 75
رنومه.. is a glorious beacon of lightرنومه.. is a glorious beacon of lightرنومه.. is a glorious beacon of lightرنومه.. is a glorious beacon of lightرنومه.. is a glorious beacon of light
بيانات الطالب:
الكلية: كلية الآداب بالدمام..
الدراسة: انتظام
التخصص: English literature
المستوى: المستوى السابع
 الأوسمة و جوائز  بيانات الاتصال بالعضو  اخر مواضيع العضو
رنومه.. غير متواجد حالياً
رد: اعذروني يالخليجيات وخصوصا (السعوديات)

أهنيك على النقل...

كلام مرررره مؤثر وصحيح والمؤسف انه أغلبه قاعد يطلع على مجتمعنا السعودي..
  رد مع اقتباس
قديم 2008- 8- 24   #3
oO أميــ الورد ـــرة Oo
أكـاديـمـي فـعّـال
 
الصورة الرمزية oO أميــ الورد ـــرة Oo
الملف الشخصي:
رقم العضوية : 10021
تاريخ التسجيل: Sun Aug 2008
المشاركات: 376
الـجنــس : أنـثـى
عدد الـنقـاط : 100
مؤشر المستوى: 68
oO أميــ الورد ـــرة Oo will become famous soon enoughoO أميــ الورد ـــرة Oo will become famous soon enough
بيانات الطالب:
الكلية: كلية التربيه بالجبيل
 الأوسمة و جوائز  بيانات الاتصال بالعضو  اخر مواضيع العضو
oO أميــ الورد ـــرة Oo غير متواجد حالياً
رد: اعذروني يالخليجيات وخصوصا (السعوديات)

شكرا جزيلا موضوع حلو و واقعي للأسف



وما أقول إلا اللة يهدي أولاد وبنات

المسلمين..
  رد مع اقتباس
قديم 2008- 8- 24   #4
znabee
أكـاديـمـي
الملف الشخصي:
رقم العضوية : 4007
تاريخ التسجيل: Sat Feb 2008
العمر: 36
المشاركات: 63
الـجنــس : أنـثـى
عدد الـنقـاط : 100
مؤشر المستوى: 67
znabee will become famous soon enoughznabee will become famous soon enough
بيانات الطالب:
الكلية: كلية المجتمع القطيف
 الأوسمة و جوائز  بيانات الاتصال بالعضو  اخر مواضيع العضو
znabee غير متواجد حالياً
رد: اعذروني يالخليجيات وخصوصا (السعوديات)

موضوع رائع جدا

أحسنت كاتب الموضوع واهنيك تهنئة حارة ع الكلمات المؤثرة

اتمنى الكل يستفيد من هالموضوع ويوصل لاكثر فئة من السعوديين
  رد مع اقتباس
قديم 2008- 8- 24   #5
صمتها دمعة
أكـاديـمـي
الملف الشخصي:
رقم العضوية : 10077
تاريخ التسجيل: Mon Aug 2008
العمر: 32
المشاركات: 6
الـجنــس : أنـثـى
عدد الـنقـاط : 100
مؤشر المستوى: 0
صمتها دمعة will become famous soon enoughصمتها دمعة will become famous soon enough
 الأوسمة و جوائز  بيانات الاتصال بالعضو  اخر مواضيع العضو
صمتها دمعة غير متواجد حالياً
رد: اعذروني يالخليجيات وخصوصا (السعوديات)

يسلمو ع المرووووووور
يعطيكم العافية
سوري أضفت موضوع من دون ماأعرف بنفسي بس كنت متحمسه أنشرة
ممكن تقبلوني أخت بينكم
تقبلو تحياتي:
أختكـــــــــــــــــــــــــــــــــم :
صمتها دمعة
  رد مع اقتباس
قديم 2008- 8- 24   #6
oO أميــ الورد ـــرة Oo
أكـاديـمـي فـعّـال
 
الصورة الرمزية oO أميــ الورد ـــرة Oo
الملف الشخصي:
رقم العضوية : 10021
تاريخ التسجيل: Sun Aug 2008
المشاركات: 376
الـجنــس : أنـثـى
عدد الـنقـاط : 100
مؤشر المستوى: 68
oO أميــ الورد ـــرة Oo will become famous soon enoughoO أميــ الورد ـــرة Oo will become famous soon enough
بيانات الطالب:
الكلية: كلية التربيه بالجبيل
 الأوسمة و جوائز  بيانات الاتصال بالعضو  اخر مواضيع العضو
oO أميــ الورد ـــرة Oo غير متواجد حالياً
رد: اعذروني يالخليجيات وخصوصا (السعوديات)

هلا فيكي بينا صمتها دمعة ..

وبإنتظار جديدك عزيزتي :g8: ..
  رد مع اقتباس
قديم 2008- 8- 24   #7
حياه بلاحياه
:: مــشرفـة سـابـقـة ::
الملف الشخصي:
رقم العضوية : 1953
تاريخ التسجيل: Wed Sep 2007
المشاركات: 652
الـجنــس : أنـثـى
عدد الـنقـاط : 2204
مؤشر المستوى: 76
حياه بلاحياه has a reputation beyond reputeحياه بلاحياه has a reputation beyond reputeحياه بلاحياه has a reputation beyond reputeحياه بلاحياه has a reputation beyond reputeحياه بلاحياه has a reputation beyond reputeحياه بلاحياه has a reputation beyond reputeحياه بلاحياه has a reputation beyond reputeحياه بلاحياه has a reputation beyond reputeحياه بلاحياه has a reputation beyond reputeحياه بلاحياه has a reputation beyond reputeحياه بلاحياه has a reputation beyond repute
بيانات الطالب:
الكلية: كلية العلوم الزراعية والاغذية .. تغذية خاصة
الدراسة: انتظام
التخصص: حريجة مع وقف التنفيذ
المستوى: خريج جامعي
 الأوسمة و جوائز  بيانات الاتصال بالعضو  اخر مواضيع العضو
حياه بلاحياه غير متواجد حالياً
رد: اعذروني يالخليجيات وخصوصا (السعوديات)

هلا أختي موضوع حلووووووووو

فعلا ترى والله قبل يومين شفت بمنتدى موضوع بنت من جده تظهر مفاتنها امام الناس تعالوا شوفوا

بصراحه موضوع جدا سخيف احسست بمهانتنا

كذا وصلنا ننشر فضايح بعض

لها الدرجه

أتمنى بس البنت تنتبه على نفسها العبي واتسلي بس مو كذا

قال تعالى(َفَلَمْ يَهْدِلَهُمْ كَمْ أَهْلَكْنَا قَبْلَهُمْ مِن القُرونِ يَمْشُونَ في مَسَاكِنِهِم إنَّ في ذَلِكَ لآياتٍ لأولي النُهى)

(((سبحانك اللهم وبحمدك أشهد أن لا إله الا انت أستغفرك وأتوب إليك)))

بالفعل بعد قراءة هذا الأيه ترتاح نفسيا

ياترىكم مرة تكلمنا عن بعض ونشرنا فضايح بعض

وفضايح أنفسنا ماكفانا لعبنا والي نسويه


سلاااااااااااااااااااااااااااااااام
  رد مع اقتباس
قديم 2008- 8- 25   #8
صمتها دمعة
أكـاديـمـي
الملف الشخصي:
رقم العضوية : 10077
تاريخ التسجيل: Mon Aug 2008
العمر: 32
المشاركات: 6
الـجنــس : أنـثـى
عدد الـنقـاط : 100
مؤشر المستوى: 0
صمتها دمعة will become famous soon enoughصمتها دمعة will become famous soon enough
 الأوسمة و جوائز  بيانات الاتصال بالعضو  اخر مواضيع العضو
صمتها دمعة غير متواجد حالياً
رد: اعذروني يالخليجيات وخصوصا (السعوديات)

مشكورييييييييييييييييين كثير ع الرد الحلو
يعطيك العافية
  رد مع اقتباس
قديم 2008- 8- 25   #9
موهوووب1
Banned
الملف الشخصي:
رقم العضوية : 5661
تاريخ التسجيل: Thu May 2008
المشاركات: 536
الـجنــس : ذكــر
عدد الـنقـاط : 866
مؤشر المستوى: 0
موهوووب1 is a splendid one to beholdموهوووب1 is a splendid one to beholdموهوووب1 is a splendid one to beholdموهوووب1 is a splendid one to beholdموهوووب1 is a splendid one to beholdموهوووب1 is a splendid one to beholdموهوووب1 is a splendid one to behold
بيانات الطالب:
الكلية: متخرج جامعة الملك فهد
 الأوسمة و جوائز  بيانات الاتصال بالعضو  اخر مواضيع العضو
موهوووب1 غير متواجد حالياً
رد: اعذروني يالخليجيات وخصوصا (السعوديات)

الف شكر اختي وجعل ربي يكثر من امثالك..البنت عزتها بدينها واكثر حروبنا من الخارج عن طريق البنت .اللة يثبتك ع طاعتة:s12:
  رد مع اقتباس
قديم 2008- 8- 26   #10
صمتها دمعة
أكـاديـمـي
الملف الشخصي:
رقم العضوية : 10077
تاريخ التسجيل: Mon Aug 2008
العمر: 32
المشاركات: 6
الـجنــس : أنـثـى
عدد الـنقـاط : 100
مؤشر المستوى: 0
صمتها دمعة will become famous soon enoughصمتها دمعة will become famous soon enough
 الأوسمة و جوائز  بيانات الاتصال بالعضو  اخر مواضيع العضو
صمتها دمعة غير متواجد حالياً
رد: اعذروني يالخليجيات وخصوصا (السعوديات)

آآآآآآآآآآآآآآآآآآآآآآآآآمين
تسلم أخو ع الكلام الحلو
يعطيك العافيه
  رد مع اقتباس
إضافة رد

مواقع النشر (المفضلة)

الكلمات الدلالية (Tags)
السعوديات, اعذروني, يالخليجيات, وخصوصا

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
زي موحد لعمل السعوديات في المرافق الصحية ! بـــو أحــمــد ملتقى طلاب وطالبات الكليات الصحية - جامعة الإمام عبدالرحمن 8 2010- 7- 9 01:27 AM
25% من الممرضات السعوديات يتسربن من العمل ★ NiGhT AnGeL ★ ملتقى طلاب وطالبات الكليات الصحية - جامعة الإمام عبدالرحمن 12 2008- 6- 3 04:59 PM
مئات الخريجات السعوديات يتجهن للكويت بحثا عن وظائف تعليمية بـــو أحــمــد ملتقى المواضيع العامة 24 2008- 5- 19 05:26 AM
ارتفاع نسبة الممرضات السعوديات 6% ★ NiGhT AnGeL ★ ملتقى طلاب وطالبات الكليات الصحية - جامعة الإمام عبدالرحمن 5 2008- 4- 13 12:45 AM
الصحة تتعهد بتوظيف جميع الممرضات السعوديات خلال أسبوع ★ NiGhT AnGeL ★ ملتقى طلاب وطالبات الكليات الصحية - جامعة الإمام عبدالرحمن 1 2007- 11- 2 12:35 PM


All times are GMT +3. الوقت الآن حسب توقيت السعودية: 11:58 AM.


Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه