اي سؤال عن الكلية والحياة في الكلية ..انا موجود

[عايض القحطاني]

السلام عليكم
هذا واجبي تجاهكم وانا كنت في يوم من الايام مثلكم جديد ولاني عارف شي عن الكلية وكنت محتاج احد يعلمني ولحين حاس بوضعكم

اخوي فيصل هاشم انا ااسف ماركزت لاني كنت مستعجل بالردود

اخوي عاطل بجداره انا ماني حق رياضه ولا اعرف لها الشباب كلهم نجحوا بدرجات كويسه
اما من ناحية مستواك بالانقليزي ومن وين يبدون بك فهذا يرجع الى اختبار تحديد المستوى يعني فيه ناس يبدون معهم بالحروف والارقام وفيه ناس يبدون معهم على انهم يعرفون الاساسيات وفيه يطمرون الانقلش ون بكبره ويروحون للانقلش تو يعني لاتخاف من ناحية من وين يبدون بك

تقبلوا تحياتي ..................حبيبكم

[NAZ]

السلام عليكم....
شكراً أخوي على الموضوع الحلو
ولدي سؤال:
كيف الدراسة في الكلية؟ أرجو أن يكون الجواب بالتفصيل الممل

[ابـوخليـل]

استاذ / حبيبكم الفاضل


بخصوص السكن اقدر استلمه واسكن فيه قبل بداية الدراسة يعني بتاريخ 8 او 10 ؟

ام لابد من استلامه مع بداية الترم ؟

فقط عشان ما اتخسر واحجز شقـة واتردد ..:praying:

[فصولي القحطاني]

المشاركة الأصلية كتبت بواسطة النبراسي

استاذ / حبيبكم الفاضل


بخصوص السكن اقدر استلمه واسكن فيه قبل بداية الدراسة يعني بتاريخ 8 او 10 ؟

ام لابد من استلامه مع بداية الترم ؟

فقط عشان ما اتخسر واحجز شقـة واتردد ..:praying:

اخوي النبراسي انا السؤال محيرني من زمان
شكرا انك سالتو

[أبـو طـيف]

الله يعطيك ألف عافيه على المعلومات القيمه ..

............................


أنا يا أخوان متردد ,

أبشركم طلع لي قبول بالكليه والحين توه يطلع لي قبول فـي معهد الإداره بالرياض

ومحتار بينهم ..

ياليت لو تعطوني رايكم بالموضوع ..

ومعهد الإداره قريب جداُ من السكن وبالرياض بين الأهل هذا اللي عاجبني فيه .. ومنقبل في قسم إدارة مستشفيات ..

وأنتظر منكم أرائكم والأسباب ..

إذا ماعليكم أمر ..

[عايض القحطاني]

السلام عليكم
عدنا والعود احمد

نبدا باسئلة اخوي naz

الدراسه في الكلية حلوه للي يبي يعرف لها يعني افهم وش لك ووش عليك يعني اهم شي تحضر المحاضرات انا ادري انها ضغط عليك وانها تختلف من الثانوية بسبب قلة الحصص في الثانوي والحين الحصص كثير واضف الى ذلك المدرسين صاروا يتكلمون انقليزي واضف الى ذلك ايضا انكم تدرسون اغلب يومكم في مادة وحده وهي الانقليزي يعني بيصير فيه ضغط نفسي عليك
وبيني وبينك اول الايام بيكون فيه ضغط نفسي بقوه لاتخاف ترا الدعوه بسيطه يعني انا الحين صرت ضحك على نفسي يوم كنت اتضايق ايام التحضيريه والاسباب هي كالتالي
- جو الكلية اللي يختلف عن جو ديرتك يعني في ديرتك كنت ترجع من المدرسة وتلقا الغداء وتلقا القيلوله اللي تكون دايم في نفس فراشك اللي تنام فيه كل يوم واذا جاء العصر تلقا من يصحيك ويعدل نومك وتمشي في جو اجتماعي وعائلي طول اليوم واضف الى ذلك انك ماراح تلقى احد يسال عنك يعني مرضت او غبت او زحفت برا الكلية الى الفجر يعني اللي يعرف مصلحته ماعليه خووف واخلك ماراح يدقون عليك بالكثير في اليوم مرتين واذا كلموك تحس انك بعيد منهم واذا سكرت راح تدمع عيونك من البعد وتسوي مثل الصورة هاذي وتروح للكورنيش حق النخيل وتوقف على جسر النهر الصناعي اللي فيه وتقوم تبكي وتبكي >>>>>دخل جو كنه يقول قصة فلم

بالمختصر المفيد اعرف مصلحتك اعرف مصلحتك اعرف مصلحتك
( وبعدين اسال اسئله واضحه علشان ابين لك )

ننتقل للاخوان النبراسي و فيصل هاشم السكن من يوم تحط مفتاحه بجيبك اعتبره بيتك تدخل متى ماتبي وتطلع متى ماتبي حتى في اوقات الاجازات وعطل نهاية الاسبوع لان السكن مايفضى يعني حتى في الايام هاذي اعف ناس ساكنين بالسكن وهم طلاب يطبقون بالشركات ولا عندهم اجازات لرمضان
لكن واكرر لكن
متى يعطونك السكن ؟ اذا كان فيه فراغ في السكن وفيه مجال للسكن وانت مستوفي للشروط رراح تسكن باذن اللي ماتنام عينه لكن اذا مافيه فراغ دق اصبع وابلش بروحك وين تلقى شقه في يوم واحد يعني تروح تسكن بالانتر كونتيننتال الغرفه ب 800 ريال يوميا ههههههههههه

بس ماعليك بسيطه راح ترقع لين مايقون لك سكن وانت بعدين اذا قالوا لك مافيه سكن قل لهم يااخي وين اروح انا جاي من المدينة الفلانيه ولا اعرف احد ولا لقيت شقه ؟ وين اسكن ؟ بالشارع؟ ولا بالسياره ؟
وان شاء الله يدورون لك سكن ويلقونه وموظفي الاسكان بالكلية كلهم طيبين ومتفاهمين مع الطلاب وهم افضل ادارة متفاهمه مع الطلاب >>>>>>>>>يسب ادارة شئون الطلاب بطريقه غير مباشره

اتمنى اكون افدتكم ...........
واي سؤال يطري في بالكم انا هنا موجود عقب صلاة الفجر كل يوم .........
دمتم بود.........................حبيبكم

[عايض القحطاني]

الا خ ابو طيف

والل ه اكتفي بقول كلمة استخير ربك وشف انا ماابي افتي لك بشي واخاف تندم عليه بعدين وانا اقول ان معهد الاداره اسمه معهد ويكفي ان اسمه معهد واضف الى ذلك مستشفيات يعني متكي في البيت بعد التخرج

استخر ربك وشوف ورد لنا خبر

[NAZ]

شكراً أخوي على الإجابة
وعندي كمان سؤال ثاني:
هل يوجد في الكلية أماكن للترفيه؟
وسمعت من بعض الشباب أن في الكلية يوجد (ويرلس) بشكل قوي وسريع في التحميل....صح ولا خطأ

[عاطل بجداره]

انا داري اني خثيتك بس تحملني

بالنسبه للميز يقولو فيه اثنين واحد معروف وله فروع في الجبيل :o3:
والثاني تابع للكليه با اسعار رمزيه بس اكلهم ما يسوى :mh19: ويقولون يحطون فيه ماده ما تخليك ...:c8: .. والله اعلم

ياليت تتحملني وتجاوب بصراحه :praying: :praying:

[دوسـ502ــري]

المشاركة الأصلية كتبت بواسطة عاطل بجداره

انا داري اني خثيتك بس تحملني

بالنسبه للميز يقولو فيه اثنين واحد معروف وله فروع في الجبيل :o3:
والثاني تابع للكليه با اسعار رمزيه بس اكلهم ما يسوى :mh19: ويقولون يحطون فيه ماده ما تخليك ...:c8: .. والله اعلم

ياليت تتحملني وتجاوب بصراحه :praying: :praying:

هذا الكلام صحيح ....
يحطون كافور يخلّيك ماتفكر في شي تتبلّد ذهنياً وبدنيا و.....

بس انا قد كلت منه مره وحده وماصار معي شي ابد......


اعذرني ياحبيبكم على التدخل بس الموضوع موضوعي عارف.....
وبالنسبه للمطعم الثاني له فروع في الجبيل والدمام ....

وشكراً