استفسار عن المستوى الأول << تراني ضايع

[عيونك لي وطن]

السلام عليكم ورحمه الله وبركاته


أخواني خواتي طالب الجامعه اتشرف بالانضمام معكم بها المنتدي وبالجامعه


اول شي والله اني ضايع بقوووه مدري وش اسوي وش اذاكر
من اليوم احوس في المنتدي ولا فهمت شي اتمني من الأخوان والاخوات الي فاهمين يشرحون لنا خطوه خطوه وش نسوي .

ثاني شي انا بالرياض كيف احصل ملخصات او كتب عن المواد الي نزلت لي .
غير كذا كيف اقدر اتواصل مع الاساتذه والاستفسار منهم

اتمني من يعرف شي يعلمني لاني والله ضايع

[مين حبيب بابا ؟]

هلا اخوي ~

اذا وصلك الرمز السري تقدر تبداء مع النظام البلاك بورد و تشوف محاضراتك و تحملها ~

[دلع الملحم]

مرحبا

هونها وكل شي بيتسهل

واللي يدخل المنتدى وينتقل من موضوع للثاني طبيعي يتشتت ويضيييع كلنا مثل حالتك بس مع التركيز بتعرف اللي لك واللي عليك


كل اللي عليك تفتح البلاك بورد تسمع المحاضرة وتتبع معاه نقطة نقطة بالمحتوى..



الملخصات والملازم بعض الدكاترة تغيروا فلاتعتمد عليها



وبالتووووفيق

[mubarik 20115]

[align=center][/align]السلام عليكم ورحمة الله وبركاته
سوئلك ممتاز يااخي بصراحه وفرت علي وقت

[عيونك لي وطن]

اشكر الي ردو وقالو رح لذاااااااا البلاك بيري << مدري وش اسمه


مافهمت شي منه << يعني بالعربي دلخ

حصلت موضوع ورحت اليوم وطبعت كتب لخمس مواد كلها معدا الانجليزي وصحه البيئه مدري صحة ولياقه ومبادئ علم الاجتماع


السؤال الحين <<< بجيب العيد

الكتب او المذكرات هاذي هل هي الي بندرسها يعني لو اذاكرها بتجي الاسئله منها
ثاني شي ياخي المفروض الي يدرسونا كل واحد حاط اسم كتابه الي نذاكره ولا ملخص
اشوف اسامي الدكاتره مدري المدرسين بدون اي معلومات عن الماده او الكتاب او اي شي
انا اخاف الكتب الي اخذتها ماهي صحيح ويروح تعبي بلاش

بصراحه اغلب الناس او اتكلم عن نفسي موظف ومشغول يعني قبل الاختبار باسبوعين بجلس اذاكر فيه ملخصات او كتب او اي شي اخاف لا جا وقت الاختبار اجيب العيد


اتمني من الجميع بكل بساطه ياخوان عشان افهم بس وفكوني من البلاك ذا

ياليت احد يتكرم يعطيني الكتب الي اذاكرها او ملخصات لا يعطيني روابط اسامي كتب وملخصات اشتريها او اطبعها

وبعدين للي لهم خبره كيف اتواصل مع الي يدرسونا عشان انشب لهم خخخخخخخخ


واشكر الجميع على حسن الأخلاق والله يسعدكم كلكم ويوفقكم
ادري نوعيات العقول الي مثلي بتتعبون معها بس صدقوني مالكم الا جر

[رواسـي]

وعليكمـ السلآم ورحمة الله وبركـاته ~

البلآك بورد هو اللي فيــه جميع المحـآضرات المسجـلة { المواد اللي تدرسهـا ْ} ^^

<< مابـه فكــة منه =]

وطريقـة دخولكـ له ..

من موقع جامعة الملك فيصــل ...> بوابة التعليم المطور للانتسـآب ..> بعدهـآ الدخول على نظام Black Board ..~

يفتح لكـ أكتب أسمـ المستخدمـ اللي يبدأ بـ 211 " من ورقة البريد الممتاز "
ورقمكـ السري ~

رآح تشوف موادك .. أدخل على ..> المحاضرات المسجـلـة ~

والخطوهـ الثانيـه / أدخل على المحاضرة التهميديـة راح تشوف أن الدكتور يقولكـ عن اسماء الكتب ,, طبعاً مو كلهمـ

مثـل دكتور علمـ الاجتمـاع / طلب كتاب |

لكن أنصحكـ ما تطبع أي ورقـة إلا متأكد 100% عن أسمـاء الدكاترة اللي يدرسونك المادة نفسهـا ..لان هالسمستـر هذا " الفصـل " تغيروا .. وإليـا تغيروا كل تتغير المنهج وطريقة الاسئـلة بعديــن ~

كان ودي أعطيكـ ملزمتيـن فقة السيرة و العقيدة الاسلاميـة , بس أنت ماودكـ بالروابط

على العمومـ ترى فيـه طلآب من سكـآن الريآض بالمستوى الثانـي تقدر تتواصل معهم عشـان يعطونكـ الكتب ~

هذا الرابط فيه إعلان عن التبادل الكتب للمستوى الاول .. تقدر تتواصل معهمـ يعطونك اللي تبي ^^

http://www.ckfu.org/vb/t103624.html

طريقة التواصـل مع الدكتور بالايميل حقاتهمـ ..

تحصله بالبلاك بورد

وإن شـاء الله يكون فيهـ محاضرات مباشرة تقدر تواصل مع الدكتور مبـاشرهـ =]

وبالتوفيــق يـآرب

[أوراق منثورة]

اذا تبي طريقه عشان تدرس.. فهي ..

اول شيء.. تطبع محتويات المواد الي مو طالبين فيها كتب .. يعني كل المواد الا علم الأجتماع والأنجليزي ..

ثااني شيء .. حنا صار لنا بكل المواد ثلااث محاضرات فالأفضل تحلق على نفسك وتدرس لأنه راح تتراكم المواد .. < طبعا كل مواد نزل لها الا التذوق الأدبي والأنجليزي ..

ثالث شيء.. تروح تحفظ المحاضرات .. عندك بالجهاز .. وتفح محاضرتين كل يوم على الأقل.. طبعا تكون طابع المحتوى حق كل استاذ ..

وقدامك المحتوى << افتح المحاضرة المسجله .. واذا فيه زيااده خبط على الورقه .. يعني كيذا انا بدات ادرس..



اما المفاجأه الكبرى .. وهي كتاب الأنجليزي .. اعتقد انه مو نفس الكتاب الي حق السنه الي راحت ..
وطبعا الدكتور كاتب انه في مشاركات << وعليها 30 درجه .. يعني واجبات ومشاركه ..

وبس ادري تكلمت كثير ..

[اغلى الناس]

انا نفس الشيئ ضايعة وكيف اعرف مواعيد المحاضرات المباشرة والواجبات كيف اسويها وارسله على ايميل الدكتور وكل واذا مالحقت على المحاضرات المباشرة شاسوي بتكون مسجله وشكرا

[عيونك لي وطن]

شكراً اختي رواسي واوراق منثوره

شكلي لخبطت نفسي بالمنتدي بتكي على البلاك بود واجلس احوس فيه

يعطيكم العافيه جميعاً على المساعده