أنا في مصيبه مع مادة قواعد البيانات !

[Neena]

السلام عليكم ورحمة الله وبركاته

واضح من العنوان

لي كم يوم أذاكرها وللآن مو فاهمه شي ومو قادره أحفظ شي

تابعت المحاضرات وشروح خارجيه لكن نفس الوضع

ندمت أشد الندم إني أخذتها , حسبتها من المواد اللي ترفع المعدل لكن طلعت غلطانه

ثاني أصعب ماده مرت علي بعد مبادئ علم الإجتماع

أرجوكم انصحوني ايش أسوي

الملزمه اللي أذاكر منها تبع أبو فيصل 93 صفحه

[الماس صافي]

وآنآ مثلك وربي
مادخل مخي ولا شي وندمانه اني اخذتها

مدري وش السواة

[F T O]

وعليكم السلام ورحمة الله وبركاته
بسم الله عليك وعلينا من المصايب راس مالها ماده ثقيله دم وسعي صدرك
شوفي سلمك الله ابدي ذاكري من المحاضره ٦ لانها تختصر الاشياء اللي قبلهاا تقريبا < مشيت بهالنصيحه من الاعضاء ومشى وضعي
بعد كل محاضره حلي كويز لنفس المحاضره عشان ترسخ المعلومات وتوكلي على الله
الله يوفق الجميع

[prensesa 22]

أول نصيحة أقولها لك ﻻﻻﻻﻻ تفكري بعدد الصفحات لان أغلبها صور للايقونات وهذي ماتاخذ معك دقائق عشان تعرفين الايقونة
تبع أيش ..ثانيا المفروض مقسمة الملزمة مثلا أوﻻ تحفظين الاشياء البسيطة فيها زي التعاريف والحاجات الي فيها تعداد يعني
الكلام الانشائي وبعد ماتخلصي تبدي تدرسي الصور الي بالملزمة كلها
وفية حاجة مهمة جداااا أنا حفظتها من دكتور في المستوى الثاني ناسية مين هو بس كان يقول أذا بديت تذاكري
ﻻﻻﻻتبداء تحفظ على طول ﻻ لازم في البداية تقراء مع وضع خط تحت الي تقراء وﻻ ترجع علية مرة لين تخلص
بعدماتخلص تقدر ترجع على الاشياء الي مانحفظت معك وترى أذا خلصتي الكلام الي فيها مايتبقى عندك غير
الصور فقط

[•• شجون ~]

.

جميل كلام برنسيسه
وانا اطبقه من اربع سنين ؛ لازم اول شي قراءه سريعه
للمحتوى متلا كل ٣ محاضرات سوا بعدها حددي الاشياء الحفظ
لان فيه محاضرات حفظ و محاضرات فهم
و ابدي محاضره محاضره اذا م فهمتي شرح عندك بالموضوع المثبت لي
شرح من ٣ ل ٧.. وبعض الملفات الي احسها مهمه وبتساعدك.




و اذا بتخلين ببالك صعبه راح تكون صعبه
لان العقل يستجيب معاك.. قولي سهله جدا وراح تنعكس النتيجه
اي وصح مو ع طول تقرائين اسئله الاعوام
ابدي بالملزمه اول



بالتوفيق والله يسهلها عليك

[امس]

صدقوني لا تصعبونها على انفسكم هي سهلا جدا اهم شي التركيز والكوزات والصور تسهلها اكثر

[7aaamed]

يا اختي لا مصيبة ولا شي صعب

اقل شي اذا تبين درجة النجاح ان شاءالله ركزي على اسئلة الحفظ وهي مكرره في اكثر من ترم + فهم بسيط للكيانات القوية والضعيفة واشكالها وتعدين بإذن الله ، والدكتور بنفسه قال في المباشرة الرابعة لا تشيلون همها ونسبة النجاح فيها كبيرررة وانتي بنفسك جبتي دليل على الكلام هذا لما ذكرتي مقرر مبادئ علم الاجتماع معلومات كثيرة ودسمة والاختبار كان عكس ومن اسهل الاختبارات .

[ابو قمراء]

الماده هذي بالذات
لابد من مشاهدة المحاضرات المسجله من المحاضره 6 وحتى 14
حتى ترسخ وتسهل عليك

وقبل كل هذا لازم تسهلها على نفسك
وأحب أطمئنكم عن الطلاب اللي قبلنا
على كلامهم يقولون شاهدنا المحاضرات المسجله وسهل عليهم
والاغلبيه ( +a ) وعقبالنا .

[...بس أحبني...]

المادة صعبه فعلا ليش محسسين الواحد انه يبالغ . . !
التفاؤل شي وابداء الرأي شي ثاني . .

واللي يقولون حلي الكويزات لكل محاضرة .. وين الكويزات اللي تتكلمون عنها ماحصلت غير كويز واحد فقط لاغير

الله يسهلها علينا ونعديها على خير وبدرجات أكثر من رائعـه . .

[هلاله العسيري]

طبيعي الخوف من مادة دسمة زي قواعد البيانات لكن مع متابعة المحاضرات المسجلة مع الدكتور والله تمسك على الأقل الأساسيات مثل العلاقة والصفة والكيان الضعيف وجميع أشكالها
الأخت شجون منزله شروحات مبسطة وجميلة مثبتة فوق بأمكانكم الاستفادة منها
وحصلت على ملفات بي دي أف في منتديات أون لاين عن الأكسس إن شاء الله تنفعكم
وهذا رابطها http://www.*****************/vb/t506/
والله يوفق الجميع
اذا ما فتح معكم الرابط شوفوها في منتديات اون لاين علم اجتماع المستوى الرابع ل حسن الشريف