اخذت في دنياي خمس من الخمس

[أبو عبدالله13]

بسم الله الرحمن الرحيم

السلام عليكم ورحمة اللهوبركاته
كان الشاعر ملفي الروقي عند بيت أحد أصحابه ..
وعندما حان وقت صلاة الظهر قال لأصحابه لنذهب ألى المسجد ..
فقالوا له الوقت حر والمسجد بعيد .. نصلي جماعة في البيت ..
المهم .. قال أنا بصلي في المسجد وأنتم بكيفكم ..
فذهب للمسجد وواجه حرارة الشمس وقال هذه القصيدة ..

.. أخذت في دنياي خمس من الخمس ..

.. ومثلي يحسب من كل قر فكــره ..

.. أحسب حساب اليوم وابكي نهار أمس ..

.. اللي قـضـى كـله بخـيره ومكـــره ..

.. كم من نفوس في الهوى تنغمس غمس ..

.. النفس مثل الطـيـر والغي وكـــره ..

.. وامشي بحر الشمس خوف من الشمس ..

.. وش حر شمس اليوم مع شمس بكره ..

.. للخاطر اللي يشرح الخاطر العمس ..

.. وبيت معمر باسم ربــي وذكــره ..

.. لو ينهدم حالي وينحمس حمس ..

..اصبر وأجازي فضل ربي بشكره ..

.. أخاف من يوم يصير العرق طمس ..

.. من الهـوايل زايـد فوق حكــره ..

.. والخلق ملتمين وأصواتهم همس ..

.. مصيبهم من ما يشوفون سكره ..

الشاعر .. ملفي الروقي ..

[رُزانـــا]

.. لو ينهدم حالي وينحمس حمس ..
..اصبر وأجازي فضل ربي بشكره ..

الله .. الله




اللهــم لك الحمد كمـا ينبغي لجلال وجهك وعظيم سلطانكـ *

صح لســـان الشاعر على القصيده الجزله
والله يعطيك العافيه على النقل
لاهــــنت ..