[ متجدد ] : كـم مـن علـومٍ وكـم آداب نكسبهـا والشعـر مـوزون مثقـالٍ بمثقالـي

[السراااب]

وقال تركي بن حميد العتيبي


ترك عشير عشرته يوم او دون
ثم يبدل بك عشير وينساك

شف لك قطامي على السد مامون
درع القفا ما ينهض الراس لحذاك

اللي الى اوحى الناس فيكم يهرجون
حامي على عرضك ويدمح خطياك

[السراااب]

قصر يذلك لا تقابل مبانيه
خله عسى شامخ طويله هدامي

خله عسى ما صاب اغادير يفنيه
يودع منازله الطويله رجامي

لو زان مدخاله وطالت حواميه
شيد على الخيبه قليل الرحامي

وحي يوريك المذله وتغليه
انا اشهد انك ميت القلب عامي

من لا يودك لا توده وترجيه
ارفع مقامك يا عزيز المقامي

ارفع مقامك عن عدوك وتوذيه
ويلحقك من تركة رفيقك ملامي

حق الرفيق وواجبه لا تخليه
يلزمك مثل الوالدين الحشامي

اختر عزيز الجار والحق يعطيه
شبل على هرج يقوله يحامي

ومن قارب الاجرب بالامراض يعديه
عدواه تسطي باللحم والعظامي

درب السلامه بينات مماشيه
ودرب العطب يرث عليك اللكامي


محمد بن احمد بن محمد السديري

[✶ جُمان ✶]

• منطق لسانك يكشف السر للناس
  عن تربيتك وطيب ساسك ومعدنك
  
  ولو كان للطيّب علامة على الراس
  ما قيل من لا يعرفك ما يثمّنك
  
  
  
  
  
  

[أخوو نورة]

لا اله الا الله المعطي الوهابي
الخضوع لسطنته وكبرياه ونوفه

كل ما تحته على وجه التراب ترابي
المعزه والمذله في رجاه وخوفه




سبحانه

[السراااب]

نورة السبيعية


راكب اللي لا مشى يسهي سهياني=ما يداني رجل سواقه تنوشه
قاصد اللي عقبهم عفت المكاني=كن قلبي من عراويه محشوشه

[السراااب]

يا قرب واشنطن ولندن وباريس=حذفة عصا للي رصيده ملايين

[✶ جُمان ✶]

من زان حنا له على الزين خلان
وضو الى حرك تزايد سعيره


ماقل دل وزبدة الهرج نيشان
والهرج يكفي صامله عن كثيره

(( راكان بن حثلين ))