طالبات كلية الطب والعلوم التطبيقيه

[مس كيوت]

السلاام عليكم
بلييز ساعدووني احس اني بنجن وعمري وصل 70
انا اتمنى احقق حلم امي وادخل طب او علوم طبيه تطبيقيه
وانا شاء الله يقبلوني
انا الحمدلله نسبتي مره كويسه بس شايله هم التحصيلي احس انو صعب
المهم سؤالي بخصوص الطب والعلوم الطبيه
ايش اسهل؟؟
والعلوم الطبيه تكون دراسته بالانجلش نفس الطب ولا كييف

وايش المواد اللي ندرسها بكلية العلوم الطبيه:t1:

سااعدوني بليييز
وابغى اعرف ان شاء الله اذا انقبلت بكلية العلوم الطبيه اقدر اختار رعايه تنفسيه ولا للاولاد بس

ادري طووولت عليكم:c8:
لكن ساااعدوني مااعرف ولا شي عن الكليااات:011:
بليز اي وحده تدرس طب او علوم طبيه تسااعدني

[غلا الدنيا]

اول شي لا تحاتين لا القدرات ولا التحصيلي صعب ..
كلها اشياء كنتي دارستها ومره بسيطه مراح يجيبون لكم تعقيدات في الحل ..
يعني اسئله واجوبتها مباشره ماتحتاج وقت طويل ..

ثاني شي اانا مو في كلية العلوم التطبيقيه ولا طب ..
لكن قريبتي في هالكليه ودراستهم كلها انجلش ..
يعني كأنك في طب ..
بالنسبة للتخصصات تشوفيننها هنا ..
http://www.kfu.edu.sa/ar/Colleges/Me...ages/Home.aspx

[مس كيوت]

مشكووره غلا الدنيا الله يعطيك العافيه
ويحقق لك مطلبك وامنياتك يااارب ويفرحك دنيا واخره ياااارب

[BeeB]

وعليكم السلام

هلا فيك اختي مس كيوت

المهم سؤالي بخصوص الطب والعلوم الطبيه
ايش اسهل؟؟

كلية الطب تدرسين فيها 6 سنوات وسنه واحدة امتياز ..يعني المجموع سبع سنوات .. اول سنه تكون سنه تحضيريه تدرسين مواد عامه زي الانجليزي والثقافه الاسلاميه والكيميا والاحيا والفيزيا ..

اخر سنه وهي سنة الامتياز تطبقين بالمستشفى ( تدريب عملي كله لا يوجد نظري ) .. هذا طبعا تتخرجين طبيب عام .. و ليس طبيب متخصص .. اذا تبين تتخصصين بمجال معين تدرسين زياده سنتين .. او ثلاثه ..

كلية العلوم الطبية التطبيقية تدرسين فيها 4 سنوات وآخـر سنه هي سنة امتياز بالمستشفى ( تدريب عملي بدون نظري ) ..يعني المجموع خمس سنوات .. اول سنه تحضيريه تدرسين 6 مقررات عامه ,, انجليزي وثقافه اسلاميه واحياء وكيمياء وفيزياء ومهارات تعلم .. بعد السنه التحضيريه تختارين التخصصات اللي تبينها بالترتيب .. وعلى حسب معدلك يدخلونك بأي تخصص طبعا تحاولين تشدين حيلك بالسنه التحضيريه عشان تدخلين التخصص اللي تحبينه وهو رغبتك الأولى ..

مافي كلية أسهل من الثانيه .. يعني تقريبا الطب والعلوم الطبية دراستهم متشابهه,, اللهم ان الطب تدرسين كل شي .. العلوم الطبية التطبيقية تتخصصين في مجال معين ..

والعلوم الطبيه تكون دراسته بالانجلش نفس الطب ولا كييف

ايه كل شي بالانجليزي .. ماعدا الثقافه الاسلاميه .. لغة عربيه

وايش المواد اللي ندرسها بكلية العلوم الطبيه

لكل تخصص مواد تخصه .. اتوقع عندك فكره عن التخصصات وطبيعتها ..

وابغى اعرف ان شاء الله اذا انقبلت بكلية العلوم الطبيه اقدر اختار رعايه تنفسيه ولا للاولاد بس

ايه تقدرين تدخلينه .. تخصص الرعايه التنفسيه للطلاب والطالبات ..


عذرا عالاطاله ..

بالتوفيق اختي ويارب يقبلونكـ .. عشان تفرحين امك ..

[مس كيوت]

تسلميييين beeb
الله يعطيك العافيه

[مس كيوت]

طيب سمعت اان اذا حطيت الرغبه الاولى طب
والرغبه الثانيه علوم طبيه
واذا لاسمح الله ماقبلوني بالطب ماياخذوني علوم طبيه
صحيح هذا الكلام ولا لأ
ويااليت كل وحده انقبلت تقول لي ايش رغباتها وبأيش انقبلت بلييييييز

[BeeB]

بالنسبه للرغبات .. بصراحه انا سويت شي عجيييب

كل الثلاث رغبات حطيتها علوم طبية تطبيقية

والحمدلله جاني القبول

اما عن اذا حطيتي رغبتك الاولى طب وبعدين علوم طبية تطبيقية بالعكس عادي ..

يمكن يحطون اولوية للطالبات اللي حطوا رغبتهم الاولى علوم طبية تطبيقية

بعدين يشوفون اللي حطوها رغبة ثانيه ..

انتي شوفي كم نسبتك الموزونه اذا صارت اعلى من 86% ان شاالله يقبلونك علوم طبية تطبيقية اما اذا هي اعلى من 92% يقبلونك كلية الطب .. هذا اتكلم عن نسب طالبات الدمام لأن بنات الاحساء نسبهم اقل مننا بكثير ..

مدري ليش بس هذا هو .. ههههه

بالتوفيق

[مس كيوت]

:011::011::011:

[مس كيوت]

:c8::c8::c8:

[حاملة القرآن]

اهلين أختي

أنا رايحه سنة ثانية طب الدمام
..

يوم التسجيل لدفعتنا قالوا انه ماينفع رغبة أولى طب ورغبة ثانية علوم طبية لازم تكون رغبه اولى للكليات الصحية ورغبة الثانية والثالثة غير الكليات الصحية

بالتوفيق وان شاء الله تنقبلين وتحققين امنيتك